Markus 7:34 - Mɑ‑to̱ Shir Taku̱rda-o swo̱r o-nu pu̱-o̱

³⁴ Wu̱ dassu̱ru̱ u̱r-hi n-To̱n o̱ shir. Wu̱ shiku̱ru̱ de̱e̱n. Wu̱ ze̱e̱ru̱ wu̱, “E̱phaphatha” u̱nze, “To̱-u̱t ru tikse̱.”

Markus 7:34 ပူးပေါင်းရင်းမြစ်များ

Markus 1:41

Ye̱so ho̱gu̱ru̱ 'wo̱n-de u̱n wu̱, Ye̱so tabbu̱ru̱ o-kom, wu̱ ci'u̱ru̱ ká ko-cim-wu̱, Ye̱so ze̱e̱ru̱ wu̱, “U̱m co̱no̱g, ka cim-to̱ te.”

Markus 15:34

Kwo̱m-u̱s tettu̱ ne̱ Ye̱so 'yonsu̱ru̱ u̱s-co̱r 'wo̱ns-m-'wo̱ns, wu̱ ze̱e̱ru̱ u̱n rem-de u̱n wu̱, “E̱roi, E̱roi, ¿rama sabaktani?” U̱nze, “Shir re, Shir re, ¿remen yan o̱ ne̱ o joru̱tu̱ me̱?”

Markus 5:41

Ye̱so bo̱pu̱ru̱ kom-o̱ u̱n ka wan-ne'a-wu̱. Wu̱ ze̱e̱ru̱ wan-ne'a, “Tarita kumi!” (Wata, “Wan-ne'a, u̱m ze̱e̱g, ine̱ ge̱!”)

Markus 6:41

Bo̱ ye̱ she'ette̱ à, Ye̱so jaksu̱ru̱ yish-ye̱ u̱n wu̱ n-To̱n o̱ shir, wu̱ nomu̱ru̱ Shir u̱r-bo̱ngo̱n. Bo̱ wu̱ komte̱ Shir nome̱ u̱r-bo̱ngo̱n à, ka da-de ne̱, wu̱ bosru̱ru̱ ka buro̱di-to̱ bos-u̱t u̱t-bos. Ka bos-to̱ wu̱ bosre̱ à, wu̱ wongu̱ru̱ yan-neke̱-mo̱ u̱n wu̱ u̱n ka jan-ye̱ ne̱ yoor. Ye̱ heetu̱ru̱ ka hun-ne̱ ye̱ kap.

Markus 7:35

Bo̱ m-ze̱e̱ u̱n kaane̱ to̱-u̱t tiksu̱ru̱. Rem-u̱r ho'osu̱ru̱. Wu̱ te̱pru̱ru̱ u̱r-bon ne̱.

Markus 8:12

Bo̱ wu̱ ho̱gu̱te̱ ma-to̱ u̱n ye̱ à, wu̱ shiku̱ru̱ u̱n hur-de u̱n wu̱ de̱e̱n. Wu̱ ze̱e̱ru̱, “¿Ya-m-mo̱ka ye̱, ya u̱n yo no̱tte̱ o-hoob o̱ u̱n hyan u̱n hyat-to̱ Shir? Nip-o̱ me̱ no̱ m-ru̱re̱, mo̱ ken se̱nge̱-mo̱ u̱t-hyat mo̱ ro̱ ko̱n mo̱ a he m-kute̱ ya-m-mo̱ka ye̱ á.”

Ruka 18:42

Ye̱so ze̱e̱ru̱ wu̱, “Hyan! Remen she̱r-m ru be-de Shir rwo̱'o̱g wo̱ m-hyan.”

Ruka 19:41

Bo̱ Ye̱so wo̱o̱nte̱ yow yow o-Urusharima ne̱ à, komo bo̱ wu̱ hyente̱ o̱ à, wu̱ 'wo̱nu̱ru̱ u̱n tu̱k-mo̱ u̱t-me̱n remen o̱, u̱n hun-ne̱ ne̱ ye̱ ro̱ n-me̱ à.

Ruka 7:14

Wu̱ neku̱ru̱ wu̱ ci'u̱ru̱ ka rii-o̱ ye̱ sawante̱ u̱r-u à, ye̱ e̱ssu̱ru̱. Ye̱so ze̱e̱ru̱, “Wan-campo̱, u̱m ze̱e̱g wo̱ ine̱!”

Yohana 11:33

Bo̱ Ye̱so hyente̱ wu̱ ro u̱s-'wo̱n à, Yahuda-ne̱ tomso ne̱ ye̱ haane̱ mo̱sse̱ u̱n wu̱ ne̱ à, ye̱ ro u̱s-'wo̱n. Me̱n-u̱t naasu̱ru̱ wu̱.

Yohana 11:35

Ye̱so 'wo̱nu̱ru̱.

Yohana 11:38

Ye̱so dooru̱ hyan u̱r-'wo̱n u̱n me̱n-to̱ u̱n wu̱. Wu̱ wo̱o̱nu̱ru̱ u̱n saag. Ka saag-o̱ ne̱ pak-o̱ u̱t-ta'ar o̱ u̱n o̱ ken ta'ar-o̱ a tige̱ u̱n ish-o̱ u̱n o̱.

Yohana 11:41

Ye̱ dossu̱ru̱ o-ta'ar. Ye̱so dassu̱ru̱ u̱r-hi n-to̱n. Wu̱ ze̱e̱ru̱, “Tato re, u̱m bo̱mo̱g wo̱ remen o regu̱te̱ me̱ u̱t-to̱.

Yohana 11:43

Bo̱ wu̱ ru̱rte̱ kááne̱ à, wu̱ 'yonsu̱ru̱ u̱s-co̱r de̱e̱n, wu̱ ze̱e̱ru̱, “Razarus, rwu̱u̱n!”

Yohana 17:1

Bo̱ Ye̱so ru̱rte̱ kááne̱ à, wu̱ dassu̱ru̱ u̱r-hi n-To̱n shir. Wu̱ ze̱e̱ru̱, “Tato re, da-o wooste̱ o̱ o hette̱ me̱ m-se̱ke̱mse̱ à, remen me̱ u̱n cere u̱m se̱ke̱msu̱té̱ wo̱.

Se̱nge̱-mo̱ 9:34

Bitrus ze̱e̱ru̱ wu̱, “Iniyas, Ye̱so Kiristi taaste̱ go̱m ru. Ine̱, o pus rii-o̱ u̱r-ru̱t o ru.” Ba u̱n rem, Iniyas argu̱ m-ine̱.

Se̱nge̱-mo̱ 9:40

Bitrus ruutu̱ ye̱ n-do̱ kap u̱n ka kuke̱-o̱, wu̱ kwu̱ktu̱ru̱ wu̱ ko̱n u̱s-ko̱n. Wu̱ byandu̱ru̱ be-de u̱r-u, wu̱ ze̱e̱ru̱, “Tabita, ine̱.” Wu̱ argu̱ ups u̱n yish. Bo̱ wu̱ hyente̱ Bitrus à, wu̱ argu̱ m-ine̱ wu̱ she'etu̱ru̱.

Yahuda-ne̱ 4:15

Wu̱ wu̱ ro̱ u̱n hyan u̱n 'wo̱n u̱n na be-de u̱n ko̱o̱b-de u̱n be̱e̱b-u̱r na. Remen yan á, da-de wu̱ she'ete̱ she'et-de u̱n ne̱t ho̱no o-dak à, a ro megerte̱ Ye̱so u̱n ko̱ yo ke rii-yo bo̱ a ro̱ na u̱t-meger à, amba wu̱ no̱m u̱r-ba'as á.