Markus 7:31 - Mɑ‑to̱ Shir Taku̱rda-o swo̱r o-nu pu̱-o̱

³¹ Ye̱so ro m-ru u̱n dak-o̱ u̱n riib-o u̱n bo̱-o̱ o-Taya, wu̱ do̱ru̱ru̱ so̱ o-Sidon wu̱ heet Mar-o̱ o-Gariri. Ka da-de ne̱, wu̱ hessu̱nu̱ru̱ u̱n dak-o̱ a m-ze̱e̱ dak-o̱ u̱n Bo̱-u̱t O̱p.

Markus 7:31 ပူးပေါင်းရင်းမြစ်များ

Matiyos 11:21

“Shir a 'ye no̱ u̱r-ko̱o̱b hun-ne̱ ye̱ o-Korazin! Kaane̱ komo Shir a 'ye no̱ u̱r-ko̱o̱b hun-ne̱ ye̱ u̱n bo̱-o̱ o-Besayada! Remen kà rii-yo u̱t-hyat yo a no̱me̱ be u̱n no̱ à. A ro nomge̱ yo u̱n bo̱-to̱ o-Taya o-Sidon ne̱, ye̱ roa waktu̱ne̱ be-de Shir. Komo ye̱ cu̱p gund-to̱ u̱n naasu̱-mo̱ u̱t-me̱n, ye̱ aas m-co̱w u̱n wu̱r-to̱ u̱n ye̱ cin o-da ne̱.

Matiyos 4:18

Ye̱so ro̱ m-arag n-riib o̱ u̱n Mar-o̱ o-Gariri. Wu̱ hyanu̱ru̱ ye̱ ken hen-ne̱ ye̱ ne̱n yoor, Simo̱n wu̱ a m-ze̱e̱ Bitrus à, u̱n hen u̱n wu̱ ne̱ wu̱ a m-ze̱e̱ Andarawus à. Ye̱ ro̱ m-jorbe̱ o-yo n-me̱ o-mar, remen ye̱ ya-m-ship u̱n jan-ye̱, u̱n baab-to̱ u̱n jan ne̱.

Matiyos 4:25

Hun-ne̱ u̱t-mo̱o̱r ne̱ do̱ru̱ru̱ wu̱ e̱s-mo̱ o-Gariri. Ye̱ ken ye̱ rwu̱u̱n-mo̱ o-Urusharima u̱n dak-o̱ o-Judiya ne̱. Ye̱ ken ye̱ rwu̱u̱n-mo̱ u̱n be-de ye̱ m-aag, Bo̱-u̱t o̱p à, har u̱n e̱s-mo̱ u̱n pesto-de u̱n so̱ u̱n ho̱ran-de u̱n Ro̱o̱g-o̱ o-Joda.

Markus 5:20

Ká ne̱t-wu̱ argu̱ru̱ m-neke̱. Wu̱ taknu̱ rwo̱r u̱n ka ma-to̱ u̱n ka dak-o̱ o̱ a m-ze̱e̱ Bo̱-u̱t O̱p à. Wu̱ ro m-rwo̱r u̱n ka rem-se u̱t-mo̱o̱r ne̱ se Ye̱so nomu̱ wu̱ à. Hun-ne̱ kap ye̱ bo̱pu̱ru̱ u̱s-nu remen ye̱ ho̱gu̱te̱ rii-yo u̱t-hyat.

Markus 7:24

Ye̱so yagu̱ru̱ o-Gariri, wu̱ co̱wu̱ru̱ u̱n o̱ ken dak-o̱ u̱r-hew ne̱, dak-o̱ u̱n o̱ ken bo̱-o̱ o̱ a m-ze̱e̱ o-Taya à. Wu̱ comsu̱ru̱ u̱n o̱ ken hur-o̱. Wu̱ co̱nu̱ ne̱ hun-ne̱ nep á. Amba hun-ne̱ ro̱ u̱n 'er-de u̱n wu̱ ko̱ ye̱a hyen wu̱ à.

Markus 7:30

Ne'a argu̱ru̱ jo. Wu̱ wo̱be̱, wu̱ 'wo̱s wà ro do̱mb n-to̱n u̱n rii-o̱ u̱r-ru̱t. Ko-ya-u̱t-ko̱t ruuste̱ u̱n hi-de u̱n wà.