Markus 5:23 - Mɑ‑to̱ Shir Taku̱rda-o swo̱r o-nu pu̱-o̱

²³ Wu̱ gapu̱rsu̱ru̱ Ye̱so, wu̱ ze̱e̱ru̱, “Ye̱so, me̱ ka haane̱ be u̱n du. Wà re wan-ne'a-wu̱ ro̱ u̱n kom-to̱ Shir. U̱m co̱no̱g o he, o ci wu̱ u̱n kom-u̱t ru ko̱ ka go̱m-o̱ ro̱ m-ta à, wu̱ nom ho̱o̱g.”

Markus 5:23 ပူးပေါင်းရင်းမြစ်များ

Matiyos 8:3

Ye̱so tabbu̱ru̱ kom-o̱ u̱n wu̱, wu̱ ci'u̱ru̱ ká ne̱t-wu̱. Komo Ye̱so ze̱e̱ru̱, “U̱m co̱no̱g, go̱m ru te.” Ba u̱n rem káne̱, cim-to̱ u̱n wu̱ ta'e̱.

Markus 16:18

Ko̱ ye̱ ship hwo̱ u̱n kom-to̱ u̱n ye̱, ko̱ ye̱ su̱ pe̱re̱ ba m-nap, ye̱a mer á. Ye̱ seke̱ ya-u̱s-go̱m kom-to̱ u̱n ye̱, ka go̱m-se a te.”

Markus 5:24

Ye̱so argu̱ru̱ wu̱ m-do̱re̱. Ye̱ argu̱ru̱ m-neke̱. Hun-ne̱ de̱e̱n do̱ru̱ru̱ Ye̱so. Ye̱ ro wu̱ m-me̱gemse̱.

Markus 6:13

Ye̱ ruutu̱ru̱ ya-u̱t-ko̱t de̱e̱n ye̱ da'e̱ hi-to̱ u̱n hun-ne̱ à. Bo̱ ye̱ 'wo̱ste̱ ya-u̱s-go̱m de̱e̱n à, ye̱ duusu̱ru̱ ye̱ m-no̱w. Ye̱ ko̱nu̱ru̱ Shir. Go̱m-u̱s taaru̱ ye̱.

Markus 7:32

Bo̱ wu̱ wo̱o̱nte̱ kane̱ à, ye̱ ken ye̱ hantu̱ru̱ Ye̱so wu̱ ken ko-ka'ato̱-wu̱. Wu̱ ro̱ tomso u̱t-re'em ne̱. Ye̱ ko̱nu̱ru̱ Ye̱so seke̱ wu̱ o-kom, ko̱ ka go̱m-o̱ m-ta à.

Markus 8:23

Wu̱ bo̱pu̱ru̱ wu̱ o-kom, wu̱ ruutu̱ru̱ wu̱ n-riib o-bo̱. Bo̱ wu̱ ruute̱ wu̱ à, wu̱ copsu̱ru̱ yish-ye̱ u̱n wu̱ m-ta. Wu̱ ci'u̱ru̱ ye̱ u̱n kom-to̱ u̱n wu̱. Ka da-de ne̱, wu̱ citu̱ru̱ ko-po̱. Wu̱ ze̱e̱ru̱ wu̱, “¿O hokste̱ hyan u̱n yo ken rii-yo?”

Ruka 13:13

Ye̱so saku̱ru̱ kom-to̱ u̱n wu̱ n-to̱n u̱n ka ne'a-wu̱, wu̱ inu̱ru̱ te̱te̱, wu̱ bo̱mu̱ru̱ Shir.

Ruka 4:38

Ye̱so ruuru̱ be-de u̱n kuke̱-o̱ u̱n yoos u̱n Ma-to̱ Shir, wu̱ haaru̱ hur-o Simo̱n. Wu̱r-o mo̱'o̱n Simo̱n ne̱ ne'a dengu̱te̱ o-ra de̱e̱n ye̱ te̱psu̱ru̱ Ye̱so ye̱ ko̱nu̱ru̱ wu̱ taas go̱m-o̱ u̱n wu̱.

Ruka 4:40

Da-o̱ rim-m no̱me̱ à, kap ye̱ ro̱ u̱n hun-ne̱ ne̱ u̱s-go̱m ne̱ à, hantu̱ru̱ ye̱ be-u̱r Ye̱so, wu̱ saku̱ru̱ kom-to̱ u̱n wu̱ n-to̱n u̱n ko̱ wu̱ ke, ka go̱m-se taaru̱.

Ruka 7:12

Bo̱ u̱n wo̱o̱n-mo̱ u̱n wu̱ u̱n ish o-bo̱, yan-du̱k ro̱ m-rwu̱u̱n u̱r-u ne̱. Ka wu̱ mare̱ à, wà-wu̱ u̱n wu̱ ken ko-gwo̱r-wu̱ ne'a, wu̱ ro̱ wu̱ cot wan-gaan, komo hun-ne̱ de̱e̱n ro̱ u̱n wu̱ ne̱.

Yohana 11:3

Ka ne'a-ne̱ ye̱, se̱k-ye̱ ne̱ u̱n wu̱ ne̱ to̱mu̱ru̱ be-u̱r Ye̱so, ye̱ ze̱e̱ru̱, “Go̱s-wu̱, ka ne̱t-wu̱, wu̱ o ro̱ m-was u̱n wu̱ ne̱ à, wu̱ ho̱ge̱ m-re̱re̱m á.”

Se̱nge̱-mo̱ 28:8

Tato-o Pubiriyu wu̱ ro̱ do̱mb wu̱r-o̱ u̱n wu̱ piishe̱ á, o-wu̱r o-ra u̱n ryam-o̱ u̱t-me̱n ne̱. Burus co̱wu̱ru̱ be-de u̱n wu̱, wu̱ ko̱nu̱ru̱ Shir remen wu̱. Burus saku̱ u̱t-kom u̱n hi-de u̱n ko-wan-go̱m, ne̱t pyeesu̱ru̱ cas.

Se̱nge̱-mo̱ 6:6

Ye̱ ka ye̱ a daage̱ u̱n co-o̱ yan-To̱m Ye̱so. Bo̱ ye̱ nomoste̱ ko̱n-se Shir à, ye̱ seku̱ru̱ ye̱ u̱t-kom.

Se̱nge̱-mo̱ 8:17

Bitrus ne̱ u̱n Yohana, seke̱ ye̱ kom-to̱ o-kwu̱m, ye̱ go̱kste̱ Ku̱kt-o̱ Shir.

Se̱nge̱-mo̱ 9:12

Har n-me̱ u̱t-hyangan wu̱ hyanu̱ wu̱ ken ne̱t-wu̱ jin-de u̱n wu̱ Hananiya co̱wo̱nte̱, wu̱ seku̱ru̱ wu̱ kom-to̱ o-kwu̱m remen wu̱ doot kumun hyan-o̱ o-bo̱.”

Se̱nge̱-mo̱ 9:17

Hananiya haaru̱, wu̱ co̱wu̱ o-hur. Wu̱ tabbu̱ o-kom wu̱ ci'u̱ru̱ Shawuru. Wu̱ ze̱e̱ru̱, “Wan-yen de Shawuru, Wan-Ko̱yan wu̱ to̱mnu̱ me̱. Ye̱so ka wu̱ rwu̱u̱ne̱ be u̱n du u̱n ka co̱w-yo o do̱nde̱ à. Wu̱ co̱no̱g o do m-hyan, remen komo Ku̱kt-o̱ Shir garamsu̱té̱ wo̱.”