Markus 4:17 - Mɑ‑to̱ Shir Taku̱rda-o swo̱r o-nu pu̱-o̱

¹⁷ Amba ye̱ e̱ss to̱ u̱r-hur á. Bo̱ ye̱ she'ette̱ hiin à, ye̱ ho'osu̱ru̱ to̱. Yo ka u̱n ko̱r remen ko̱o̱b-u̱r bo̱k ye̱, komo hun-ne̱ suutu̱ ye̱ u̱s-cenene u̱nze ye̱ go̱kste̱ Ma-to̱ Shir, ye̱ hoks gaag u̱t-me̱n á.

Markus 4:17 ပူးပေါင်းရင်းမြစ်များ

Matiyos 11:6

Shir a 'ye bo̱ u̱n ye̱ yage̱ m-warag u̱s-ajima ne̱ à rem re o-kwu̱m.”

Matiyos 12:31

“Remen kaane̱ me̱ no̱ m-ru̱re̱, Shir a hoks sokse̱ u̱n hun-ne̱ ko-yan-go̱n ba'as-de ye̱ nome̱ hun-ne̱ à, u̱n ma-to̱ u̱n yo'og-o̱ Shir ne̱. Amba Shir a sokse̱ hun-ne̱ ye̱ no̱me̱ ma-to̱ o-yo'og mo̱sse̱ u̱n Ku̱kt-o̱ Shir ne̱ á.

Matiyos 13:21

Amba ye̱ e̱ssu̱ to̱ ya o-da hiin remen ye̱ go̱ks ka ma-to̱ u̱r-be̱e̱b ne̱ á. Da-o̱ swo̱ u̱r-ko̱o̱b ko̱ u̱s-cenene wo̱o̱ne̱ remen ká Ma-to̱ Shir to̱, to̱ ye̱ go̱kse̱ à ye̱ argu̱ m-warag jim.

Markus 4:16

Kaane̱ o̱ tomso, ka go̱-ye̱, ye̱ a kape̱ n-te̱ u̱t-ta'ar à, sha-mo̱ u̱n ka hun-ne̱ ye̱ mo̱ ka, ye̱ ho̱ge̱ Ma-to̱ Shir à. Ba u̱n naas o-da, ye̱ go̱ksu̱ru̱ to̱ o-zak o-zak.

Markus 4:18

Ka go̱-ye̱, he̱'e̱ne̱ n-te̱ u̱n yokor à, ye̱ ro̱ ka ye̱ ho̱ge̱ Ma-to̱ Shir à.

Ruka 12:10

“Bo̱ u̱n wu̱ zee gom-de u̱t-yage̱ to̱ u̱n Wà-wu̱ u̱n ne̱t, Shir a hoks m-soks ba'as-de u̱n wu̱. Amba ka ye̱ zee ma-to̱ o-yo'og u̱n Ku̱kt-o̱ Shir à, Shir a soks ba'as-de u̱n ye̱ á.

Yohana 8:31

Ye̱so ze̱e̱ru̱ Yahuda-ne̱ ye̱ she̱re̱ be-de u̱n wu̱ à, “U̱rege̱ no̱ se̱ngu̱te̱ bo̱p u̱n ma-u̱t re, o-nip, no̱a she'et yan-neke̱-m re.

Garatiya-ne̱ 6:12

Ka hun-ne̱ ye̱ co̱nu̱ no̱ m-gakte̱ u̱r-ko̱ à yan-nu̱-mo̱ u̱r-hi ye̱, ye̱ u̱n co̱n a muut ye̱ yo ken rii-yo. Ye̱ ro̱ m-no̱m kaane̱ remen ye̱ ro̱ m-ho̱ge̱ o-gye̱r. Ye̱ ro̱ u̱s-barag hun-ne̱ a 'ye ye̱ u̱r-ko̱o̱b u̱rege̱ ye̱ she̱r be-de u̱n seke̱-u̱r Kiristi de n-to̱n o-kan cot á.

2 Timoti 1:15

O nepse̱ u̱nze yan-dor Ye̱so kap, ye̱ ro̱ u̱n dak-o̱ o-Asiya tukute̱ me̱ o-cin. Har u̱n Pajerus ne̱ u̱n Hamojenis ne̱, ye̱ tukute̱ me̱ o-cin.

2 Timoti 4:10

U̱m co̱no̱g o haan remen Dimas wongu̱te̱ u̱n me̱ ne̱. Wu̱ wongu̱te̱ u̱n me̱ remen go̱p-de u̱n rem-se u̱n ho̱no o-dak. Wu̱ neke̱te̱ bo̱-o̱ o-Tasaronika. Komo Kirezens haag raag-o̱ o-Garatiya. Titus komo wu̱ haaru̱ raag-o̱ o-Darmatiya.

2 Timoti 4:16

Da-de a taknu̱ me̱ m-hante̱ be-de u̱n ko-wan-piish u̱t-ma kane̱ u̱n bo̱-o̱ o-Roma à, u̱m ruute̱ hi u̱n de be-de u̱n ye̱ ro̱ me̱ u̱s-ce̱te̱nte̱ à, yatt-wu̱ su̱'e̱ me̱ á. Ye̱ tukute̱ me̱ o-cin kap mo̱ u̱n ye̱. U̱m ko̱no̱g Shir sokse̱ ye̱ ka ba'as-de.

Yahuda-ne̱ 10:29

Yagu̱nte̱ ma ne̱t: Wu̱ yo'oge̱ Wà-wu̱ Shir à, Wu̱ 'yarag ma-to̱ u̱n hyó-mo̱ a e̱ste̱ u̱t-ma u̱n wu̱ ne̱, ka mo̱ so'osu̱ wu̱ à, Komo wu̱ yo'ogte̱ Ku̱kt-o̱ m-Yar mo̱ Shir! Ne̱t-wu̱ nome̱ kaane̱ à, Shir a 'ye wu̱ u̱r-ko̱o̱b arge̱ ka ye̱ pase̱ karamsa-o Mosa à.

1 Yohana 2:19

Ká hun-ne̱ ye̱ u̱n rwu̱u̱n be-u̱r na, myet u̱n kaane̱ ne̱ ye̱ kang-o gaan u̱n na ne̱ á. Ye̱ rotte̱ kang-o gaan u̱n na ne̱, ye̱ ro̱a she'et be-u̱r gaan u̱n na ne̱. Amba koos-mo̱ u̱n ye̱, mo̱ a nepte̱ ye̱ ma na ye̱ á, ko̱ n-ga.

U̱t-Hyangan 2:10

No̱ ho̱ge̱ gye̱r-o̱ u̱n ko̱o̱b-de no̱ u̱n ma-to̱ m-swo̱ m-mo̱ka á. U̱m ru̱ru̱tu̱ no̱, ko-Gwo̱mo-wu̱ u̱n ya-u̱t-ko̱t wu̱a ru̱ a jorbe̱ ye̱ ken ye̱ be u̱n no̱ n-me̱ u̱n kuke̱-o̱ m-ke'et remen a megerté̱ no̱. No̱a su̱ o-jaas yo har ho̱-u̱t o̱p. Amba she̱r no̱, ko̱ u̱n ma-to̱ m-mar, man 'ye no̱ go̱nd-o̱ u̱n ho̱o̱g.

U̱t-Hyangan 2:13

U̱m nepste̱ no̱ ro̱ u̱r-she'et n-me̱ u̱n bo̱-o̱ u̱n ko-Gwo̱mo-wu̱ u̱n ya-u̱t-ko̱t ro̱ u̱t-gwo̱mo à. Myet u̱n kaane̱ ne̱, no̱ nomote̱ me̱ o-do̱ro̱tte̱. Me̱ u̱n ze̱e̱ kaane̱ remen u̱m bakste̱ da-o Antipas, wu̱ swo̱o̱g u̱r-ko̱o̱b be-de u̱n ko-Gwo̱mo-wu̱ u̱n ya-u̱t-ko̱t ro̱ u̱t-gwo̱mo à har a ho wu̱, remen wu̱ ko-yan-e̱sse̱ ma-u̱t re wu̱. Myet u̱n kap o̱ u̱n yo ko̱re̱ ne̱ à, wu̱ she me̱ á.