Markus 3:20 - Mɑ‑to̱ Shir Taku̱rda-o swo̱r o-nu pu̱-o̱

²⁰ Ka da-de, Ye̱so co̱wu̱ru̱ o̱ ken hur-o̱, komo mo̱o̱r-to̱ u̱n hun-ne̱ dooru̱ m-go'one̱ be-de u̱n wu̱, har wu̱ kum da-o̱ u̱n re̱ u̱n rii-yo m-re̱ u̱n yan-neke̱-mo̱ u̱n wu̱ ne̱ á.

Markus 3:20 ပူးပေါင်းရင်းမြစ်များ

Markus 1:45

Amba ka ne̱t-wu̱ ruuru̱, wu̱ taknu̱ rwo̱r u̱n ka ma-to̱ ko̱ kene̱. Wu̱ ma'asu̱ru̱ m-ru̱re̱ u̱n hun-ne̱ rii-yo no̱me̱ à. Bo̱ a taase wu̱ cim-to̱ u̱n wu̱ à, har Ye̱so wu̱ do hoks m-co̱w o-bo̱ a hyenet wu̱ á. Amba wu̱ she'etu̱nu̱ru̱ re̱e̱no̱ o-ko̱t. Hun-ne̱ ye̱ u̱n ko̱ kene̱ ye̱ ma'asu̱ru̱ m-ha be-de u̱n wu̱.

Markus 2:1

Bo̱ ho̱-u̱t doote̱ à, Ye̱so mu̱u̱nu̱ru̱ komo bo̱-o̱ o-Kapanahum. Hun-ne̱ ho̱gu̱ru̱ wu̱ mu̱u̱nte̱ o-hur.

Markus 3:7

Ye̱so inu̱ru̱ mo̱sse̱ u̱n yan-neke̱-mo̱ u̱n wu̱ ne̱. Ye̱ haaru̱ n-riib o̱ o-mar. Mo̱o̱r-to̱ u̱n hun-ne̱ de̱e̱n u̱n dak-o̱ o-Gariri ye̱ do̱ru̱ru̱ wu̱, har yan-dak-o̱ o-Judiya, u̱n yan-bo̱-o̱ o-Urusharima ne̱, dak-o̱ o-Idumiya, u̱n hun-ne̱ ne̱ ye̱ u̱n jit-de u̱n Ro̱o̱g-o̱ o-Joda, raag-o̱ o-Taya o-Sidon ne̱. Ho̱no o-dak ye̱ haanu̱ru̱ be-de u̱n wu̱. Ye̱ ho̱gu̱su̱te̱ kap rem-se wu̱ ro̱ m-no̱m à.

Markus 3:9

Bo̱ ye̱ mo̱rgu̱te̱ à, Ye̱so ze̱e̱ru̱ yan-neke̱-mo̱ u̱n wu̱ ye̱ e̱ssu̱ wu̱ hat-o re̱k-o̱, taase mo̱o̱r-to̱ u̱n hun-ne̱ me̱gu̱mse̱ wu̱.

Markus 6:31

To̱, ye̱ ro wu̱ m-ru̱re̱, hun-ne̱ doro ye̱, ye̱ ma'asu̱ru̱ m-haan be-de u̱n wu̱ ye̱ ho̱gu̱té̱ ma-u̱t Ye̱so. Ye̱ ka ro̱ m-nekne̱, ye̱ ka ro m-arag, har Ye̱so kum da-o̱ u̱n re̱ u̱n rii-yo m-re̱ á. Wu̱ ze̱e̱ru̱ yan-neke̱-mo̱ u̱n wu̱, “Haan no̱, a paks no̱, a wu̱we̱ no̱ hiin.”

Markus 7:17

Bo̱ Ye̱so nomte̱ u̱t-ma kaane̱ à, wu̱ yagu̱ru̱ mo̱o̱r-to̱ u̱n hun-ne̱, wu̱ co̱wu̱ru̱ o-hur. Ka da-de ne̱, yan-neke̱-mo̱ u̱n wu̱ citu̱ru̱ wu̱, “¿Re o̱, ka sha-mo̱ u̱t-ma to̱ ro̱?”

Markus 9:28

Bo̱ Ye̱so tu̱wte̱ o-hur à, yan-neke̱-mo̱ u̱n wu̱ citu̱ru̱ wu̱ pakse̱. Ye̱ ze̱e̱ru̱, “To̱, ¿re o̱ no̱me̱ te̱ hokste̱ ruut u̱n ka ko-ya-u̱t-ko̱t-wu̱ á, o ruutte̱ wu̱?”

Ruka 6:17

Da-o̱ Ye̱so kergene̱ n-to̱n u̱r-dor u̱n yan-to̱m-ye̱ u̱n wu̱ ne̱ à, wu̱ e̱su̱ru̱ eso u̱n be-de ro̱ cangam à, u̱n yan-neke̱-mo̱ u̱n wu̱ ne̱ de̱e̱n. Hun-ne̱ de̱e̱n ye̱ rwu̱u̱ne̱ ho̱no dak-o̱ o-Judiya à, o-Urusharima ne̱, u̱n he̱be̱-mo̱ o-Taya, o-Sidon ne̱ bo̱-to̱ u̱n riib-o̱ m-sa.