Markus 3:2 - Mɑ‑to̱ Shir Taku̱rda-o swo̱r o-nu pu̱-o̱

² To̱, ye̱ ken hun-ne̱ ye̱ ro kane̱ ye̱ co̱no̱g ye̱ shipk Ye̱so u̱r-ba'as. Ye̱ ma'asu̱ru̱ Ye̱so u̱n tuwe̱ u̱n yish ko̱ wu̱a taasu̱ wu̱ ka go̱m-o̱ o-kom à. Ye̱ de̱k u̱nze Ye̱so dosse̱ wu̱ ka go̱m-o̱ Ho̱-de u̱r-Wu̱we̱, ye̱ ship Ye̱so o̱ ká be-de u̱r-ba'as. Ye̱ kumug o̱ ka co̱w-yo ye̱ hette̱ wu̱ m-heet be-de u̱n piish u̱t-ma à.

Markus 3:2 ပူးပေါင်းရင်းမြစ်များ

Matiyos 12:10

Wu̱ ken ne̱t-wu̱ ro kon kane̱ ko-yan-kom-o margan. Wu̱ ro̱ m-hoks m-nukt u̱n ka kom-o̱ á. Parisa-ne̱ ro u̱n hoob-o̱ u̱n bo̱ ye̱ he Ye̱so m-ce̱e̱b à. Ye̱ citu̱ru̱ wu̱ ka cot-o̱, “¿Karamsa-o̱ u̱n Yahuda-ne̱ ya'ag a taase ne̱t go̱m u̱n Ho̱-de u̱r-Wu̱we̱?” Ye̱ u̱n cit ká cot-o̱ remen ye̱ bu̱pt wu̱ u̱r-ba'as.

Markus 3:3

Ye̱so ze̱e̱ru̱ wan-kom-o margan, “Hyokne̱ o ine̱ ge̱ u̱n co-o̱ u̱n ko̱wan.”

Ruka 14:1

De ken Ho̱-de u̱r-Wu̱we̱ de, Ye̱so haag wu̱ reet rii-yo m-re̱ u̱n hur-o u̱n wu̱ ken caari-wu̱ wu̱ u̱n Parisa-ne̱, hun-ne̱ ro̱ Ye̱so m-gwo̱t me̱kse̱.

Ruka 20:20

Ye̱ ro̱ u̱n hoob-o̱ o-co̱w remen ye̱ zeet Ye̱so rwo̱ro̱g gom-de u̱r-ba'as. Ye̱ zwo̱pu̱ru̱ ye̱ ken ye̱ o-nu, ye̱ barag m-ze̱e̱ kashi u̱n hun-ne̱ ye̱ ro̱. Komo ye̱ to̱mu̱ru̱ ka hun-ne̱-ye̱ ceeb Ye̱so u̱s-cot, remen ye̱ bo̱bsu̱te̱ wu̱, be-u̱r Biratus, ko-Gwamna-wu̱ o-dak.

Ruka 6:7

Yan-Yoos-de o-karamsa u̱n Parisa-ne̱ ne̱ co̱nu̱ru̱ o-teber a zeet Ye̱so no̱mo̱g u̱r-ba'as, ye̱ tuuru̱ yish, remen ye̱ hyenet u̱rege̱ wu̱a taas go̱m Ho̱-de u̱r-Wu̱we̱.

Yohana 8:6

Ye̱ u̱n rwo̱r kaane̱, remen ye̱ cept wu̱ remen ye̱ kumut o-co̱w yo ye̱ hette̱ wu̱ m-bo̱p à. Amba Ye̱so kaktu̱ru̱, wu̱ ge̱nu̱ru̱ m-ge̱n u̱n jow-yo u̱n wu̱ n-dak.

Yohana 9:16

Remen kááne̱, ye̱ ken Parisa-ne̱ ye̱ ze̱e̱ru̱, “Ka ne̱t-wu̱, be-de Shir o̱ wu̱ ro̱ á, remen wu̱ ku ho̱-de Shir zette̱ a wu̱we̱ u̱n de á.” Ye̱ ken ye̱ ze̱e̱ru̱, “¿Re ne̱ o̱ ko-wa-u̱r-ba'as he nap u̱n no̱m u̱n rem-se u̱t-hyat kááne̱?” Ma-u̱t su̱nu̱tu̱ ye̱ o̱ ka.