Markus 2:9 - Mɑ‑to̱ Shir Taku̱rda-o swo̱r o-nu pu̱-o̱

⁹ ¿Ya jiishe̱, a zee ko-ryam ‘A soksu̱tu̱ wo̱ ba'as-u̱t ru,’ ko̱ a zee wu̱, ‘Ine̱ ge̱, o mos ke̱re̱m-o ru, o arag jo’?”

Markus 2:9 ပူးပေါင်းရင်းမြစ်များ

Matiyos 4:24

Remen kaane̱, ma-to̱ u̱n wu̱ wo̱o̱ru̱ ko̱ o̱ ke dak-o̱ o-Siriya da-o gaan. Ye̱ ma'asu̱ru̱ wu̱ m-hante̱ u̱n ya-u̱s-go̱m go̱-u̱s-go̱, u̱n yan-swo̱ u̱r-ko̱o̱b ne̱, u̱n ye̱ ya-u̱t-ko̱t da'e̱ u̱t-hi ne̱ à u̱n ya-o-tattara ne̱, u̱n ryam-ne̱ komo. Wu̱ taasu̱ go̱m-se u̱n ye̱ myet.

Matiyos 9:2

Ye̱ ken hun-ne̱ ye̱ hantu̱ru̱ Ye̱so ko-ryam. Wu̱ ro do̱mb o-karanga, wu̱ ro m-hoks u̱n nukt u̱n wu̱r-o̱ u̱n wu̱ á. Ye̱so napu̱ru̱ ká hun-ne̱ ye̱ she̱re̱ste̱ u̱nze Ye̱so a hoks taase u̱n wu̱ ká go̱m-o̱. Ye̱so ze̱e̱ru̱ ká ko-ryam-wu̱, “Wan-yen de, wo̱ jar o-regen á, a sokste̱ ba'as-u̱t ru!”

Matiyos 9:5

¿Ya jiishe̱ kupse̱, u̱m zee, ‘U̱m sokste̱ ba'as-u̱t ru,’ ko̱ a zee, ‘Ine̱ o hewwe̱ u̱r-hew?’

Markus 2:10

Ye̱so dooru̱ ye̱ m-ze̱e̱, “To̱, yage̱ u̱m kutu no̱, no̱ nept u̱nze me̱ Wà-wu̱ u̱n ne̱t ro̱ m-'wo̱ns ne̱, me̱ bo̱'o̱se̱ sokse̱ u̱n hun-ne̱ ba'as-to̱ u̱n ye̱.”

Markus 2:8

Ba u̱n naas o-da, Ye̱so napu̱ru̱ barag-se u̱n ye̱ kap u̱n ku̱t-o̱ u̱n wu̱. Wu̱ ze̱e̱ru̱ ye̱, “¿Remen yan o̱ no̱tte̱ u̱s-barag kaane̱ u̱n hur u̱n no̱?

Ruka 7:48

Ka da-de Ye̱so ze̱e̱ru̱ ka ne'a-wu̱, “A sokste̱ ba'as-u̱t ru.”