Markus 2:18 - Mɑ‑to̱ Shir Taku̱rda-o swo̱r o-nu pu̱-o̱

¹⁸ De ken ho̱-de, yan-neke̱-m Yohana Wa-m-Yo'os u̱n hun-ne̱ m-ho̱ ye̱ ro̱ o-swo̱o̱t. Parisa-ne̱ ye̱ ro̱ m-no̱m kaane̱ tomso. Ye̱ ken hun-ne̱ ye̱ haanu̱ru̱ be-u̱r Ye̱so, ye̱ citu̱ru̱ wu̱, “¿Re no̱me̱ yan-neke̱-m Yohana u̱n yan-neke̱-mo̱ u̱n Parisa-ne̱ ro̱tte̱ m-no̱m o-swo̱o̱t remen Shir, amba ye̱ ma ru ro̱ m-no̱m á?”

Markus 2:18 ပူးပေါင်းရင်းမြစ်များ

Matiyos 23:5

“Ye̱ m-no̱m u̱n se̱nge̱-mo̱ u̱n ye̱ remen hun-ne̱ hyenet. Ye̱ m-gaag caari caari-to̱ u̱n ci-se u̱n Ma-to̱ Shir sa o zee u̱t-du̱po u̱n zwo̱n-to̱ u̱n ye̱, riib-se u̱n matuku-to̱ u̱n ye̱ ro̱ u̱s-geeza ne̱ har se ro̱ u̱n huk o-dak. Ye̱ ro̱ m-kute̱ u̱n hun-ne̱ a zeet ye̱ ro̱ yow yow u̱n Shir ne̱.

Matiyos 6:16

Ye̱so ze̱e̱ru̱, “Da-o̱ no̱ o-swo̱o̱t à, no̱ naas o-co bo̱ ya-o-she̱pe̱ ro̱ m-naas u̱n co-se u̱n ye̱ á. Ye̱ ro̱ m-naas u̱n co-se u̱n ye̱ remen ye̱ kututé̱ hun-ne̱, ye̱ ro̱ o-swo̱o̱t. Nip-o̱ me̱ no̱ m-ru̱re̱, ye̱ kumuste̱ o̱ ka ko̱m-de u̱n 'yons-de u̱n ye̱.

Matiyos 6:18

Taase hun-ne̱ nep wo̱ o-swo̱o̱t. No̱m bo̱ Tato na wu̱ ro̱ n-To̱n à, wu̱ a m-hyan á, wu̱ wu̱ cot nape̱. Wu̱ hyeneste̱ yo wo̱ m-no̱m à ba hun-ne̱ u̱n nap. Komo wu̱a topo wo̱.”

Markus 2:19

Ye̱so shasu̱ru̱ ye̱ u̱n sha-mo̱ u̱t-ma, wu̱ ze̱e̱ru̱, “To̱, ¿a nome̱ kaane̱? ¿Wa-u̱r-ge u̱n nay-ne̱ ye̱ u̱n wu̱ ne̱ ye̱ yage̱ re̱ u̱n rii-yo m-re̱ mo̱sse̱ u̱n wu̱ ne̱? Ay, a nome̱ kaane̱ á.

Ruka 18:12

U̱n ho̱-u̱t ta'yoor me̱ u̱n no̱m o-swo̱o̱t ho̱-u̱t yoor, me̱ kume̱ rii-yo wo̱o̱ o̱p à, me̱ wo̱ m-ya'as o-gaan.’

Roma-ne̱ 10:3

Remen ye̱ nap bu̱-yo Shir ro̱tte̱ u̱n muut u̱n hun-ne̱ kashi be-de u̱n wu̱ á, o̱ rwo̱'e̱ ye̱ do̱ru̱te̱ barag-se u̱n hi u̱n de u̱n ye̱. Ye̱ se̱ngu̱ru̱ m-do̱re̱ u̱n bu̱-yo o-karamsa.