Markus 14:1 - Mɑ‑to̱ Shir Taku̱rda-o swo̱r o-nu pu̱-o̱

¹ Kuks ho̱-u̱t yoor Yahuda-ne̱ nomot biki-to̱ ye̱ ro̱ m-no̱m à Biki-o̱ m-Pas u̱n Biki-o̱ u̱t-Buro̱di to̱ ba m-Yist ne̱. Gwo̱mo-ne̱ ye̱ u̱n ko̱n-se Shir u̱n yan-Yoos-de u̱n karamsa-o Mosa ne̱ ye̱ ho̱o̱bu̱ru̱ co̱w-yo u̱n ship u̱n Ye̱so u̱r-hyow ba hun-ne̱ ye̱ u̱n nap, ye̱ hoot wu̱.

Markus 14:1 ပူးပေါင်းရင်းမြစ်များ

Matiyos 12:14

Amba Parisa-ne̱ ruuru̱, ye̱ to̱o̱ru̱ u̱t-hun, bo̱ ye̱ he m-no̱m ye̱ hoot Ye̱so à.

Matiyos 6:2

“Remen kaane̱ da-o̱ wo̱ 'ye m-yar, o guut ko̱o̱b-ne̱, taase o ru̱re̱ hun-ne̱ bo̱ o he yo m-no̱m à. U̱rege̱ no̱ m-no̱m u̱n kaane̱, no̱ waragte̱ u̱ntu̱n ya-o-she̱pe̱, ye̱ ro̱ m-no̱m u̱n kaane̱ u̱n kuke̱-to̱ u̱n yoos u̱n Ma-to̱ Shir, komo u̱s-co̱w ne̱ remen hun-ne̱ bu̱mu̱t ye̱. Nip-o̱ me̱ no̱ m-ru̱re̱, ye̱ kumuste̱ 'yons-de u̱n ye̱ be-de u̱n hun-ne̱.

Markus 14:12

A wo̱o̱n da-o̱ u̱n ho̱-de u̱r-takan de Biki-o̱ u̱t-Buro̱di to̱ ba m-Yist, ho̱-de u̱n m-penem u̱n ca remen baks u̱n ho̱-de ye̱ rwu̱u̱nte̱ o-Masar à. Yan-neke̱-mo̱ u̱n wu̱ ye̱ ze̱e̱ru̱ wu̱. “¿Ke ne̱ o̱ o co̱ne̱ te̱ he te̱ nomo wo̱ rii-yo m-re̱ yo Biki-o̱ m-Pas?”

Markus 14:2

Amba ye̱ ze̱e̱ru̱, “A ship wu̱ ho̱-de o-biki á, taase hun-ne̱ 'yons o-zaaz.”

Yohana 11:47

Remen kááne̱ Gwo̱mo-ne̱ ye̱ u̱n ko̱n-se Shir u̱n Parisa-ne̱ ne̱ ye̱ aagu̱ru̱ Mo̱ro̱g-de u̱n Se̱k-ye̱ remen ye̱ piishté̱ u̱t-ma. Ye̱ ze̱e̱ru̱, “¿Ya u̱n yo ne̱ a no̱ m-no̱m? Gwo̱t no̱ saw-to̱ u̱t-hyat to̱ wu̱ ro̱ m-nom à!

Yohana 13:1

A káne̱, da-o̱ Biki-o̱ m-Pas ro u̱n he de m-wo̱o̱n à, Ye̱so nepste̱ ne̱ da-o wooste̱ o̱ wu̱ hette̱ m-ine̱ u̱n ka ho̱no o-dak o̱ wu̱ waragte̱ be-u̱r Tato u̱n wu̱, wu̱ n-To̱n à. Wu̱ waste̱ ye̱, ye̱ ro̱ ye̱ ma u̱n wu̱ n-me̱ u̱n ho̱no o-dak à, m-mo̱ka wu̱ kutute̱ ye̱ bo̱ wu̱ wasse̱ u̱n ye̱ ne̱ à har da-o̱ u̱r-ko̱m.

Se̱nge̱-mo̱ 12:4

Bo̱ Here̱ shipte̱ Bitrus à, wu̱ cu̱wtu̱ wu̱ u̱n kur-o̱ m-ke'et u̱n kom-to̱ u̱n karma-ne̱ o̱p u̱n cind [16] ye̱ eret wu̱. Wu̱ ro o-sakto̱ wu̱ hantu̱tu̱ wu̱ n-me̱ u̱n hun-ne̱ wu̱ piishitu̱ Bitrus u̱t-ma a komse̱ Biki-o̱ m-Pas.