Markus 13:11 - Mɑ‑to̱ Shir Taku̱rda-o swo̱r o-nu pu̱-o̱

¹¹ Da-o̱ a he no̱ m-ship à, a heete̱ no̱ be-de u̱n yan-piish u̱t-ma. Rii-yo no̱ neku̱te̱ no̱ jar no̱ ryegen u̱n rii-yo no̱ he m-rwo̱r á. U̱n ka da-o̱, kap rii-yo Shir ya'e̱ no̱ à, yo no̱ he m-rwo̱r remen no̱ ye̱ ro̱ te̱p u̱n hi u̱n no̱ á. Ku̱kt-o̱ Shir o̱ ro̱ te̱p be u̱n no̱.

Markus 13:11 ပူးပေါင်းရင်းမြစ်များ

Matiyos 10:17

No̱m no̱ ja u̱n hun-ne̱ ne̱, remen ye̱a heet no̱ be-de u̱n gwo̱mo-ne̱, komo ye̱ nomo no̱ u̱s-so̱ro̱g u̱n kuke̱-to̱ u̱n yoos u̱n Ma-to̱ Shir u̱n pyo-se u̱n ye̱ ne̱ se piish u̱t-ma.

Markus 13:12

“U̱n ka da-o̱ ne̱, se̱k-wu̱ wu̱a ya'as heno u̱n wu̱ a hoot wu̱. O-tato tomso ne̱ o̱a ya'as wà u̱n o̱. Yakar ye̱a ine̱ eso ye̱ ru̱r rii-yo tat-ne̱ ye̱ u̱n ye̱ u̱n in-ne̱ ye̱ u̱n ye̱ ne̱ no̱me̱ à yo u̱n ba u̱r-bon har ye̱a ru̱ a ho ye̱.

Markus 13:9

“Remen no̱ yan-neke̱-m re ye̱, ‘She'et no̱ zo̱ngse̱!’ Hun-ne̱ a eeg no̱ be-de u̱n yan-piish u̱t-ma. Ye̱a bu no̱ m-dum n-me̱ u̱n kuke̱-to̱ u̱n yoos u̱n Ma-to̱ Shir. Hun-ne̱ a eeg no̱ be-de u̱n gwamna-ne̱ u̱n gwo̱mo-ne̱ ne̱. Ye̱a nom yo kà remen no̱ yan-neke̱-m re ye̱. Amba kap u̱n kaane̱ ne̱, no̱a kum o-co̱w remen no̱ ru̱ru̱tú̱ ye̱ Ma-to̱ m-Re̱re̱m to̱ Shir.

Ruka 21:12

Rii-yo ka rem-se nomot kaane̱, a ship no̱ a re̱e̱su̱ no̱ u̱r-ko̱o̱b, a heet no̱ u̱n kuke̱-to̱ u̱n yoos u̱n Ma-to̱ Shir be-de u̱n piish u̱t-ma, a ke no̱. A heet no̱ be-de u̱n gwo̱mo-ne̱ u̱n ya-o-dak-ne̱ remen no̱ me̱ m-do̱re̱.

Yohana 3:27

Yohana shasu̱ru̱, “Yatt ne̱t-wu̱ he kum u̱n rii á, se̱ yo Shir ya'anu̱ wu̱ rwu̱u̱n-mo̱ n-To̱n à.

Se̱nge̱-mo̱ 2:4

A shoosu̱ ye̱ kap u̱n Ku̱kt-o̱ Shir. Ye̱ ciru̱ m-te̱pe̱r u̱n rem-u̱t ho̱r-to̱ bo̱ Ku̱kt-o ya'u̱ ye̱ co̱w-yo m-te̱pe̱r à.

Se̱nge̱-mo̱ 3:13

Shir Ibrahi, u̱n Ishaku, u̱n Yakubu ne̱, Shir tat-ne̱ te̱, wu̱ se̱pse̱ ko-gu̱w-wu̱ u̱n wu̱ Ye̱so. Biratus ko-Gwamna no̱mu̱ sakto̱-o̱ wu̱ ho'ostu̱ wu̱. Amba u̱n hek-o̱ u̱n kaane̱, no̱ yo'ogte̱ Ye̱so, no̱ yagu̱ wu̱ komo u̱t-yage̱ u̱n co Biratus.

Se̱nge̱-mo̱ 4:31

Bo̱ ye̱ nomte̱ ko̱n-se Shir à, ka be-de ye̱ rotte̱ u̱r-mo̱ro̱g à, de nuktu̱ru̱. Kap mo̱ u̱n ye̱ argu̱ m-shi u̱n Ku̱kt-o̱ Shir, ye̱ se̱ngu̱ rwo̱r u̱n ma-to̱ Shir ba o-gye̱r.

Se̱nge̱-mo̱ 6:10

Amba, ye̱ bo'os u̱t-ween u̱n wu̱ ne̱ á, remen ma-to̱ u̱n wu̱ to̱ u̱s-nap to̱, Ku̱kt-o̱ Shir ciriru̱ u̱n hi-de u̱n wu̱.

Se̱nge̱-mo̱ 6:15

Myet bo̱ u̱n ye̱ ro tara tara be-de u̱n Mo̱ro̱g-de u̱n Se̱k-ye̱ à, ye̱ ro wu̱ u̱n tu u̱n yish-ye̱ hyanu̱ co-o̱ u̱n wu̱ waksu̱te̱ u̱ntu̱n wan-to̱m-wu̱ Shir.

Se̱nge̱-mo̱ 7:55

Amba Istipanus ro shiishe̱ ce̱ng u̱n Ku̱kt-o̱ Shir. Wu̱ tuuru̱ yish, wu̱ ro u̱n gwo̱t o-To̱n shir, wu̱ hyanu̱ru̱ se̱ps-mo̱ Shir, komo u̱n Ye̱so ne̱ eso u̱n kom-o̱ u̱r-re̱ o̱ Shir.

1 Korinti-ne̱ 2:13

Remen kaane̱ te̱ ro̱tte̱ u̱n ru̱re̱ u̱n ye̱ ken ye̱. Da-o̱ te̱ ru̱re̱ hun-ne̱ ka Ma-to̱ m-Re̱re̱m to̱, te̱ m-rwo̱r u̱n gom-to̱ u̱s-nap se te̱ yoose̱ u̱n nap-se u̱n ne̱t á, se̱ de̱ u̱n gom-to̱ Ku̱kt-o ru̱ru̱ te̱ à, se o-nip mo̱sse̱ u̱n Shir ne̱.

Apisu-ne̱ 3:5

N-ga, Shir kute̱ hun-ne̱ ye̱ u̱n ka da-o̱ ka zo̱nge̱-to̱ wu̱ no̱me̱ á. Amba m-mo̱ka wu̱ kutusu̱te̱ yan-To̱m Ye̱so, u̱n yan-Rwo̱r u̱n ma-to̱ u̱n wu̱ ne̱ u̱n bu̱-yo u̱n Ku̱kt-o̱ Shir.

Yakubu 1:5

U̱rege̱ wu̱ ken wu̱ be-u̱r no̱ co̱no̱g u̱s-nap, wu̱ kon Shir wu̱ ro̱ m-'ya u̱n ko̱wan à, ko̱ o̱ ke da-o̱ u̱n me̱n-u̱t gaan, wu̱a 'ye wu̱. Da-o̱ wu̱ ko̱ne̱, Shir a kangsu̱ wu̱ á.

1 Bitrus 1:12

Amba Shir kutute̱ ká yan-Rwo̱r u̱n Ma-to̱ Shir ye̱ u̱nze, ye̱ ro̱ no̱ m-nome̱ m-gu̱w ba hi u̱n de u̱n ye̱ á. Ka rem-se ye̱ rwo̱re̱ n-ga à mo̱sse̱ u̱n Kiristi ne̱, m-mo̱ka ye̱ ken hun-ne̱ ye̱ ru̱ru̱tu̱ no̱ Ma-to̱ m-Re̱re̱m u̱n bu̱-yo u̱n Ku̱kt-o̱ Shir, o̱ a to̱mne̱ rwu̱u̱n-mo̱ n-To̱n u̱n shir à. Ka nip-o̱ o̱ mo̱sse̱ u̱n bo̱ Shir ruru na ne̱ à, o̱ yan-to̱m ye̱ Shir co̱ne̱ m-byarag à.