Markus 11:18 - Mɑ‑to̱ Shir Taku̱rda-o swo̱r o-nu pu̱-o̱

¹⁸ Gwo̱mo-ne̱ ye̱ u̱n ko̱n-se Shir u̱n yan-Yoos-de u̱n karamsa-o Mosa ne̱, da-o̱ ye̱ ho̱ge̱ kaane̱ à, ye̱ ho̱o̱bu̱ru̱ o-co̱w yo ye̱ hette̱ ho̱ u̱n Ye̱so à. Ye̱ ro hyan u̱n gye̱r-o̱ u̱n wu̱, remen hun-ne̱ hyanag u̱t-hyat u̱n yoos-de u̱n wu̱.

Markus 11:18 ပူးပေါင်းရင်းမြစ်များ

Matiyos 21:15

Amba bo̱ Gwo̱mo-ne̱ ye̱ u̱n ko̱n-se Shir u̱n yan-Yoos-de o-karamsa ne̱ hyente̱ rem-se o-made̱ se wu̱ no̱me̱ à, har yakar ro̱ u̱n dak u̱s-co̱r n-me̱ u̱n Pyo-o̱ Shir ye̱ ro̱ m-ze̱e̱, “Bo̱ngo̱n-u̱r depete̱ be-u̱r Wà Dawuda,” yan-co swo̱o̱ru̱ u̱s-ryaab.

Matiyos 7:28

Bo̱ Ye̱so komte̱ rwo̱r u̱n ka rem-se à, mo̱ro̱g-de u̱n hun-ne̱ ye̱ ho̱ge̱ wu̱ à, ye̱ bo̱pu̱ru̱ o-nu u̱n co̱w-yo wu̱ yoosu̱tu̱ ye̱ à u̱n rem-se wu̱ yoose̱ ye̱ ne̱ à.

Markus 1:22

Ye̱ bo̱pu̱ru̱ o-nu u̱n yoos-de u̱n wu̱, remen wu̱ yoosu̱te̱ ye̱ u̱ntu̱n ko-gwo̱mo. De no̱m u̱ntu̱n de u̱n yan-Yoos-de u̱n karamsa-o Mosa á. De ma u̱n ye̱, yoos-de ro̱tt m-'wo̱ns á.

Markus 11:32

¿Amba a hoks m-ze̱e̱, ‘Hun-ne̱ ye̱ to̱mne̱ Yohana’? A hoks m-ze̱e̱ kaane̱ á.” Ye̱ u̱n ho̱ge̱ u̱n gye̱r-o̱ u̱n hun-ne̱, remen ye̱ nepste̱ Yohana wan-Rwo̱r u̱n Ma-to̱ Shir wu̱.

Markus 12:12

Bo̱ Ye̱so ru̱ru̱te̱ ye̱ kaane̱ à, se̱k-ye̱ be-de u̱n Yahuda-ne̱ ye̱ napu̱ru̱ u̱nze ye̱ wu̱ tane̱ be-de u̱n ka sha-mo̱ u̱t-ma to̱. Remen kaane̱, ye̱ hoborte̱ o-co̱w ye̱ shipt wu̱. Amba bo̱ ye̱ hyente̱ hun-ne̱ u̱t-mo̱o̱r ne̱ à, gye̱r-o re̱e̱ru̱ ye̱. Ye̱ e̱s wu̱ m-ship á. Ye̱ yagu̱ru̱ wu̱. Ye̱ argu̱ru̱ arag-mo̱ u̱n ye̱.

Markus 3:6

Ba u̱n naas o-da Parisa-ne̱ ruuru̱, ye̱ gamu̱ru̱ u̱t-hi u̱n hun-ne̱ ko-Gwo̱mo Here̱ ne̱ ye̱ wu̱ ro̱tte̱ u̱t-tu̱w à. Ye̱ ho̱o̱bu̱ru̱ o-co̱w ye̱ hoot Ye̱so.

Markus 6:20

Ko-Gwo̱mo Here̱ ro̱ u̱n gye̱r-o Yohana. Wu̱ nak wu̱ kashi u̱n ne̱t-wu̱, wan-ba-m-ku̱ko̱p. Remen kaane̱, wu̱ e̱ssu̱ru̱ wu̱ be-de rii a ci wu̱ á. Wu̱ ro m-zo̱'o̱re̱ de̱e̱n da-o̱ Yohana ro u̱t-ma u̱n wu̱ ne̱. Amba kap u̱n kaane̱ ne̱, wu̱ ro̱ u̱n ho̱ge̱ u̱n re̱re̱m-mo̱ u̱n ma-to̱ u̱n wu̱.

Ruka 19:47

Ko̱ de ke ho̱-de Ye̱so yooste̱ u̱n Pyo-o̱ Shir. Gwo̱mo-ne̱ ye̱ u̱n ko̱n-se Shir, yan-Yoos-de o-karamsa, u̱n se̱k-ye̱ ne̱ co̱nu̱ru̱ ye̱ ho wu̱.

Ruka 2:47

Kap ye̱ ho̱ge̱ wu̱ à, ye̱ bo̱pu̱ru̱ o-nu, remen go̱n shas-o̱ wu̱ ro̱ ye̱ m-shas à, o̱ u̱s-nap.

Ruka 20:19

Yan-Yoos-de o-karamsa u̱n Gwo̱mo-ne̱ ye̱ u̱n ko̱n-se Shir ne̱ co̱nu̱ru̱ ye̱ ship Ye̱so kane̱ remen ye̱ nepse̱ wu̱ rwo̱ro̱g ka sha-mo̱ u̱t-ma mo̱ remen ye̱, amba ye̱ ro̱ o-gye̱r o̱ u̱n hun-ne̱.

Ruka 4:22

Kap ye̱ ho̱gu̱te̱ re̱re̱m-mo̱ u̱n wu̱, ye̱ bo̱pu̱ru̱ o-nu u̱n go̱n ka gom-to̱ wu̱ rwo̱re̱ à. Ye̱ ze̱e̱ru̱, “¿Wà Yusuhu wu̱ kaa?”

Yohana 7:1

Bo̱ Ye̱so komte̱ u̱t-ma o-Kapanahum à, wu̱ ma'asu̱ru̱ u̱r-hew u̱n dak-o̱ o-Gariri. Wu̱ do m-pa so̱ u̱n dak-o̱ o-Judiya á remen Yahuda-ne̱ ye̱ ro u̱n hoob-o̱ ye̱ hoot wu̱.

Yohana 7:19

¿Mosa wu̱ ka ya'asu̱ no̱ o-karamsa á? Amba myet u̱n kááne̱ ne̱ yatt-wu̱ ro̱ u̱n no̱m u̱n do̱ro̱tte̱-o̱ u̱n ka karamsa-o̱ be-u̱r no̱ á. ¿Ya hante̱ no̱tte̱ me̱ o-hoob no̱ hoot?”

Yohana 7:46

Yan-'er-de u̱n Pyo-o̱ Shir shasu̱ru̱. Ye̱ zee, “Ai, yatt-wu̱ take̱ u̱n rwo̱r u̱t-ma u̱ntu̱n ka ne̱t-wu̱ á.”

Se̱nge̱-mo̱ 24:25

Bo̱ Burus takante̱ rwo̱r u̱n ma-to̱ u̱n kashi u̱n hun-ne̱, u̱n garamse̱ u̱r-hi ne̱, komo u̱n piish u̱t-ma ne̱ da-o̱ ro̱o̱ne̱ à, Pe̱ris ho̱gu̱ru̱ o-gye̱r. Wu̱ ze̱e̱ru̱ Burus, “Wooste̱ kaane̱! M-mo̱ka de̱ warag. U̱rege̱ u̱m kumug u̱r-ke̱e̱r, man agbu̱ wo̱.”