Garatiya-ne̱ 6:8 - Mɑ‑to̱ Shir Taku̱rda-o swo̱r o-nu pu̱-o̱

⁸ U̱rege̱ ne̱t go̱o̱g u̱n bu̱-yo ma-hun, yoa woot wu̱ m-mar. U̱rege̱ ne̱ wu̱ go̱o̱g u̱n bu̱-yo o-Ku̱kt, wu̱a kum ho̱o̱g-mo̱ ba m-ta.

Garatiya-ne̱ 6:8 ပူးပေါင်းရင်းမြစ်များ

Matiyos 19:29

Komo kap o̱ u̱n wu̱ yagne̱ u̱t-hur ko̱ hen-ne̱ ye̱ u̱n wu̱, ko̱ se̱k-ye̱ u̱n wu̱, ko̱ o-tato, ko̱ o-inu, ko̱ yakar, ko̱ u̱t-kat, remen jin u̱n de, wu̱a kum rii-yo arge̱ kaane̱ à u̱t-be o-zungu [100], komo wu̱ kum ho̱o̱g-mo̱ ba m-ta.

Matiyos 25:46

“Ye̱ ká ye̱a cu̱w re̱ u̱r-ko̱o̱b de u̱n ba m-ta. Amba kashi u̱n hun-ne̱ ne̱ ye̱a cu̱w ho̱o̱g-o̱ ba m-ta.”

Ruka 18:30

wu̱a kum de̱e̱n u̱n ka hak-se, komo wu̱a kum ho̱o̱g-o̱ ba m-ta u̱n hak-se ro̱o̱ne̱ à.”

Yohana 4:14

Amba ne̱t-wu̱ he m-swo̱ ho̱-mo̱ u̱m he wu̱ m-'ya à, wu̱a do m-ho̱ge̱ o-swo̱o̱t á, har da-o̱ ba m-ta. Remen ho̱-mo̱ u̱m he wu̱ m-'ya à, mo̱a warag u̱ntu̱n yish-to̱ m-ho̱ u̱n me̱n-to̱ u̱n wu̱. Mo̱a 'ye wu̱ ho̱o̱g-mo̱ ba m-ta.”

Yohana 4:36

Bo̱ ko-wa-m-ce ro̱ m-karagse̱ u̱n hyo à, káane̱ o̱ komo wu̱ he woot u̱n hun-ne̱ be-de Shir ye̱ kumut ho̱o̱g-o̱ ba m-ta. Wa-u̱r-go u̱n wa-m-ce ne̱ ye̱a nom o-zak be-u̱r gaan.

Yohana 6:27

Yagu̱ no̱ hoob-o̱ u̱n rii-yo m-re̱ yo o-wu̱r u̱n ho̱n-de u̱n yo. Yo ro̱ m-tees à. Se̱ de̱ no̱ hoob rii-yo m-re̱ yo ba m-ta, yo he 'ya u̱n hun-ne̱ ho̱o̱g à, yo Wà-wu̱ u̱n ne̱t he no̱ m-'ya à. Remen kááne̱ o̱ Shir o-Tato to̱mo̱nte̱ me̱.”

Roma-ne̱ 13:14

Amba 'ya no̱ Wan-Ko̱yan Ye̱so Kiristi u̱r-be wu̱ wo̱o̱nté̱ yow yow u̱n no̱ ne̱ sa o zee saw-to̱ no̱ m-co̱p à. Taase no̱ 'ye go̱p-de ma-hun u̱r-hek.

Roma-ne̱ 6:13

No̱ yage̱ do̱k-to̱ u̱n wu̱r-u̱t no̱ nomot u̱r-ba'as, har to̱ waktu̱te̱ rem-se me̱n-u̱t jaas-to̱ á. Amba ya'as no̱ Shir wu̱r-u̱t no̱, sa o zee ye̱ a rwu̱nte̱ be-de m-mar ye̱ kumu̱ru̱ ho̱o̱g à, komo no̱ ya'as wu̱r-u̱t no̱ myet remen kashi m-se̱nge̱.

Roma-ne̱ 6:23

'Yons-de u̱r-ba'as mar-mo̱, amba yar-mo̱ Shir ho̱o̱g-mo̱ ba m-ta mo̱ ro̱ be-u̱r Kiristi Ye̱so Wan-Ko̱yan na.

Roma-ne̱ 8:11

Ku̱kt-o̱ Shir, o̱ 'yonse̱ Ye̱so u̱t-marimar, ro̱ u̱n hur-u̱r no̱. Wu̱ wu̱ 'yonse̱ Kiristi u̱t-marimar à, wu̱a 'ye no̱ ho̱o̱g u̱n wu̱r-u̱t no̱ to̱ m-mar u̱n bu̱-yo u̱n Ku̱kt-o̱ u̱n wu̱ o̱ ro̱ u̱n wu̱r-u̱t no̱ à.

Roma-ne̱ 8:13

U̱rege̱ u̱n she'et-u̱r no̱, yo barag-se ma-hun ze̱e̱ no̱ no̱ no̱m à, yo no̱ m-no̱m, no̱a mer. Amba u̱rege̱ no̱ u̱n she'et-de o-do̱ro̱tte̱ o̱ u̱n yo Ku̱kt-o̱ Shir ze̱e̱ à, no̱ yage̱ komo no̱m u̱r-ba'as, no̱a no̱m ho̱o̱g.

Roma-ne̱ 8:6

Muut u̱r-hi u̱n barag-se ma-hun ro̱ u̱n hante̱ m-mar, amba muut u̱r-hi u̱n rem-se Ku̱kt-o̱ Shir ro̱ u̱n hante̱ u̱n ho̱o̱g, u̱n gwu̱gwu̱-mo̱ u̱r-hur ne̱.

1 Korinti-ne̱ 15:42

Kaane̱ komo to̱ ro̱ be-de u̱n ine̱-mo̱ u̱n margan-ne̱. Rii-yo a go̱'e̱ à yo ro̱ m-wu̱m, amba yo a 'yonse̱ à yo ro̱ m-wu̱m á.

Garatiya-ne̱ 6:7

Taase no̱ raks hi u̱n no̱, yatt-wu̱ he m-hoks u̱n raks u̱n Shir á. Kap bo̱n yo ne̱t go̱'e̱ à, yo wu̱ he m-ce̱.

1 Timoti 1:16

Amba Shir ho̱gu̱te̱ 'wo̱n u̱n de, me̱ wu̱ arge̱ hun-ne̱ u̱r-ba'as à. Kiristi Ye̱so kututu̱ na mo̱ u̱n hur-de u̱n wu̱ remen u̱m waragté̱ rii-yo m-sha be-de u̱n kap ye̱ he m-she̱r kane̱ n-co à. Ka hun-ne̱ ye̱a kum ho̱o̱g-o̱ ba m-ta.

Titus 3:7

Remen yar-mo̱ Shir wu̱ ak na kashi u̱n hun-ne̱, komo a wost u̱r-be̱ remen wu̱ e̱ssu̱tu̱ na ho̱o̱g-m ba m-ta. Wu̱ u̱n no̱m yo ka remen na m-mo̱ka yakar-ye̱ u̱n wu̱ ye̱.

Yakubu 3:18

Bo̱ u̱n ye̱ go̱ u̱r-go u̱n gwu̱gwu̱-mo̱ u̱r-hur be-de hun-ne̱ à, ye̱a ce me̱n-u̱t pus-to̱ be-de u̱n Shir.

2 Bitrus 2:12

Amba ka yan-yoos-de u̱t-bo̱ ye̱ ro̱ m-no̱m u̱ntu̱n gu̱t-to̱ o-ko̱t to̱ ro̱tte̱ be̱e̱b-de o-ceker á, amba ye̱ ro̱ m-no̱m yo wu̱r-to̱ u̱n ye̱ co̱ne̱ ye̱ nom à. An no̱m ka gu̱t-to̱ remen hun-ne̱ shipt komo ye̱ pen. U̱ntu̱ u̱t-gu̱t ka yan-yoos-de u̱t-bo̱ ye̱ ro̱, remen kaane̱ ye̱ ro̱ m-rwo̱r u̱n ma-u̱t yo̱-to̱ be-de u̱n rii-yo ye̱ nape̱ á.

2 Bitrus 2:19

Ye̱ ro̱ m-ze̱e̱ u̱n hun-ne̱, “U̱rege̱ no̱ do̱ru̱te̱ yoos-u̱r te̱, Shir a ru̱ no̱ do̱re̱ u̱n ka karamsa-o̱ á. No̱a hoks m-no̱m u̱n yo̱ no̱ co̱ne̱ à.” U̱m ze̱e̱g ye̱ gu̱w-ne̱ remen u̱rege̱ ne̱t yagu̱te̱ rii hoks wu̱, ya wu̱ ro̱ u̱ntu̱n ko-gu̱w be-de u̱n ka rii-yo. Wu̱a hoks yo m-yage̱ á. Amba ka yan-yoos-de u̱t-bo̱ ye̱ u̱n hi u̱n de u̱n ye̱, ye̱ ro̱tt gwo̱mo-to̱ u̱n no̱m u̱n yo̱ ye̱ co̱ne̱ á. Gu̱w-ne̱ ye̱ ya m-no̱m u̱n rii-yo ba u̱r-bon yo, yo he ye̱ m-sabarse̱ à.

Yahudas 1:21

She'et no̱ u̱n was-m Shir, e̱ss no̱ hi u̱n no̱ u̱n was-mo̱ Shir. She'et no̱ kaane̱ bo̱ no̱ u̱n u̱r-'er de u̱n 'wo̱n-u̱r Wan-Ko̱yan na Ye̱so Kiristi de he no̱ haante̱ u̱n ho̱o̱g-o̱ ba m-ta à.

U̱t-Hyangan 22:11

Myet ko-yan-me̱n-u̱t jaas-to̱ wu̱ se̱nge̱ me̱n-u̱t jaas-to̱ to̱ u̱n wu̱, wu̱ ro̱ yo̱-wu̱ à, wu̱ se̱nge̱ no̱m u̱n rii yo̱-yo. Wan-no̱m u̱n rii-yo u̱r-bon, wu̱ se̱nge̱ no̱m u̱n rii-yo u̱r-bon, komo wu̱ ro̱ ba m-ku̱ko̱p á, wu̱ se̱nge̱ she'et-de u̱n wu̱ ba m-ku̱ko̱p.”