Garatiya-ne̱ 6:12 - Mɑ‑to̱ Shir Taku̱rda-o swo̱r o-nu pu̱-o̱

¹² Ka hun-ne̱ ye̱ co̱nu̱ no̱ m-gakte̱ u̱r-ko̱ à yan-nu̱-mo̱ u̱r-hi ye̱, ye̱ u̱n co̱n a muut ye̱ yo ken rii-yo. Ye̱ ro̱ m-no̱m kaane̱ remen ye̱ ro̱ m-ho̱ge̱ o-gye̱r. Ye̱ ro̱ u̱s-barag hun-ne̱ a 'ye ye̱ u̱r-ko̱o̱b u̱rege̱ ye̱ she̱r be-de u̱n seke̱-u̱r Kiristi de n-to̱n o-kan cot á.

Garatiya-ne̱ 6:12 ပူးပေါင်းရင်းမြစ်များ

Matiyos 23:27

“Rii-yo u̱r-'wo̱n yo no̱, yan-Yoos-de o-karamsa u̱n Parisa-ne̱. Ya-o-she̱pe̱! Ya no̱ ro̱ u̱ntu̱n saag-se hun-ne̱ suke̱ o-jo̱jo̱ à, se u̱n bon-de m-hyan n-do̱, amba n-me̱ se̱ caar-to̱ u̱n margan-ne̱, m-ku̱ko̱p ne̱ go̱-u̱s-go̱.

Matiyos 23:28

No̱ m-se̱nge̱ a zeet no̱ ro̱ kashi u̱n hun-ne̱ u̱n hyan-o̱ u̱n yish, amba me̱n-u̱t no̱, ya to̱ ro̱ shiishe̱ o-she̱pe̱ u̱n se̱nge̱-m yo̱-mo̱ ne̱.”

Matiyos 23:5

“Ye̱ m-no̱m u̱n se̱nge̱-mo̱ u̱n ye̱ remen hun-ne̱ hyenet. Ye̱ m-gaag caari caari-to̱ u̱n ci-se u̱n Ma-to̱ Shir sa o zee u̱t-du̱po u̱n zwo̱n-to̱ u̱n ye̱, riib-se u̱n matuku-to̱ u̱n ye̱ ro̱ u̱s-geeza ne̱ har se ro̱ u̱n huk o-dak. Ye̱ ro̱ m-kute̱ u̱n hun-ne̱ a zeet ye̱ ro̱ yow yow u̱n Shir ne̱.

Matiyos 5:10

Ya-o-zak-ye̱, ka ye̱ hun-ne̱ re̱e̱se̱ u̱r-ko̱o̱b à, remen ye̱ ro̱ m-no̱m u̱n yo depe̱ à, Shir a ru̱ ye̱ o-zak, remen go̱n ye̱ Shir co̱ne̱ u̱n gwo̱mo-to̱ u̱n wu̱.

Matiyos 6:16

Ye̱so ze̱e̱ru̱, “Da-o̱ no̱ o-swo̱o̱t à, no̱ naas o-co bo̱ ya-o-she̱pe̱ ro̱ m-naas u̱n co-se u̱n ye̱ á. Ye̱ ro̱ m-naas u̱n co-se u̱n ye̱ remen ye̱ kututé̱ hun-ne̱, ye̱ ro̱ o-swo̱o̱t. Nip-o̱ me̱ no̱ m-ru̱re̱, ye̱ kumuste̱ o̱ ka ko̱m-de u̱n 'yons-de u̱n ye̱.

Matiyos 6:2

“Remen kaane̱ da-o̱ wo̱ 'ye m-yar, o guut ko̱o̱b-ne̱, taase o ru̱re̱ hun-ne̱ bo̱ o he yo m-no̱m à. U̱rege̱ no̱ m-no̱m u̱n kaane̱, no̱ waragte̱ u̱ntu̱n ya-o-she̱pe̱, ye̱ ro̱ m-no̱m u̱n kaane̱ u̱n kuke̱-to̱ u̱n yoos u̱n Ma-to̱ Shir, komo u̱s-co̱w ne̱ remen hun-ne̱ bu̱mu̱t ye̱. Nip-o̱ me̱ no̱ m-ru̱re̱, ye̱ kumuste̱ 'yons-de u̱n ye̱ be-de u̱n hun-ne̱.

Matiyos 6:5

Ye̱so ze̱e̱ru̱, “Komo u̱rege̱ no̱ u̱t-ma u̱n Shir ne̱, no̱ no̱m bo̱ ya-o-she̱pe̱ ro̱ m-no̱m á. Ye̱ ro̱ m-co̱n ye̱ ine̱ eso n-me̱ u̱n kuke̱-to̱ u̱n yoos u̱n Ma-to̱ Shir ye̱ konot, komo u̱t-bakse̱ ne̱ be-de hun-ne̱ ro̱ m-go'one̱ à remen hun-ne̱ hyenet ye̱. Nip-o̱ me̱ no̱ m-ru̱re̱, ye̱ kumuste̱ o̱ ka ko̱m-de u̱n 'yons-de u̱n ye̱.

Ruka 16:15

Ye̱so ze̱e̱ru̱ ye̱, “No̱ co̱no̱g hun-ne̱ zee no̱ u̱n me̱n-u̱t pus-to̱ ne̱, amba Shir nepse̱ no̱ yan-me̱n-u̱t jaas-to̱ ye̱. Remen rii-yo hun-ne̱ bo̱pe̱ kom-u̱t yoor à, be-de u̱n Shir rii-yo á.

Ruka 20:47

Ye̱ ro̱ m-co̱w u̱n hur-to̱ u̱n gwo̱r-ne̱ ye̱ rumus ye̱ saw-to̱ u̱n ye̱, ka da-de komo ye̱ bargu̱ru̱ naas o-da de̱e̱n u̱n ko̱n-se Shir! Ko̱o̱b-de Shir he ye̱ m-'ya à dea jiish de u̱n ko̱ wu̱ ke!”

Yohana 7:18

Ai, ne̱t-wu̱ ro̱ u̱n no̱m u̱t-ma remen hi u̱n de u̱n wu̱ à, ai, go̱s-to̱ u̱n hi u̱n de u̱n wu̱ to̱ wu̱ ro̱ o-hoob. Amba kap ne̱t-wu̱ ro̱ u̱n rwu̱nte̱ u̱n jin-de u̱n wu̱ to̱mne̱ wu̱ à, go̱s-to̱ u̱n wu̱ to̱mne̱ wu̱ à, to̱ wu̱ ro̱ o-hoob komo. Ko-wan-to̱m-wu̱ o-nip wu̱ ka, komo kashi u̱n ne̱t-wu̱.

Se̱nge̱-mo̱ 15:1

Ye̱ ken hun-ne̱ ye̱ haanu̱ru̱ komo o-Antakiya rwu̱u̱n-mo̱ dak-o̱ o-Judiya. Ye̱ ro m-yoose̱ u̱n yan-dor Ye̱so, ye̱ m-ze̱e̱, “U̱rege̱ a ko̱ no̱ u̱r-ko̱ bo̱ jind-o Mosa ze̱e̱ á, no̱a hoks kum u̱n gwu̱ á.”

Se̱nge̱-mo̱ 15:5

Amba ye̱ ken Parisa-ne̱ ye̱ waragte̱ yan-dor Ye̱so, ye̱ inu̱ eso, ye̱ ze̱e̱ru̱, “Depete̱ ye̱ ro̱ yan-Yahuda-ne̱ á m-do̱re̱ karamsa-o Mosa komo se a ko̱o̱g ye̱.”

2 Korinti-ne̱ 10:12

Te̱ bo'os te̱ hongsu̱té̱ ko̱ te̱ dekt hi u̱n te̱ u̱ntu̱n hun-ne̱ ye̱ ro̱ m-hyan ye̱ zee ye̱ aragte̱ ko̱ wan á! Ka hun-ne̱ ye̱, ye̱ ro̱ m-hongse̱ hi u̱n de u̱n ye̱ u̱n o̱r re u̱n ye̱ ne̱, komo ye̱ ro̱ u̱n hoob-o̱ u̱n wu̱ jiishe̱ à n-me̱ u̱n hi u̱n de u̱n ye̱, ye̱ nep u̱nze ye̱ ro̱tt u̱s-we̱e̱r á.

2 Korinti-ne̱ 11:13

Go̱ u̱n ka hun-ne̱ ye̱ ba yan-To̱m Ye̱so ye̱ o-nip ye̱ á, amba yan-se̱nge̱-mo̱ u̱t-bo̱ ye̱. Ye̱ ro̱ u̱n muut u̱n hi u̱n de u̱n ye̱ yan-To̱m Kiristi.

Garatiya-ne̱ 2:14

Da-o̱ u̱m hyane̱ ye̱ ro̱ m-do̱re̱ nip-o̱ u̱n Ma-to̱ m-Re̱re̱m to̱ Shir á, u̱m ze̱e̱ru̱ Bitrus u̱n yish-ye̱ u̱n ko̱wan. “Wo̱ ko-Yahuda-wu̱, amba wo̱ u̱r-she'et u̱ntu̱n wu̱ ro̱ ko-Yahuda á. Amba wo̱ m-do̱re̱ u̱n jor-se ye̱ ro̱ u̱n Yahuda-ne̱ á. ¿M-mo̱ka wo̱a ru̱ ye̱ ro̱ Yahuda-ne̱ á ye̱ do̱re̱ jor-se u̱n Yahuda-ne̱?”

Garatiya-ne̱ 2:3

Ye̱ tosu̱tu̱ me̱, komo yatt-wu̱ gakte̱ á ko-wan-hew wu̱ u̱n de Titus á, ko̱ de̱ nomte̱ wu̱ ko-ya-o-Girik wu̱ à.

Garatiya-ne̱ 5:11

O̱r re ne̱, u̱rege̱ har m-mo̱ka me̱ m-ko̱'o̱t u̱nze depete̱ a ko ko̱wan, ¿ya hante̱ m-mo̱ka hun-ne̱ ro̱ttu̱ me̱ m-'ya u̱r-ko̱o̱b? U̱rege̱ me̱ u̱s-to̱r u̱nze a ko u̱r-ko̱, ai, ma-u̱t re mo̱sse̱ u̱n mar-m Kiristi ne̱ n-to̱n o-kan, ro a warag rii-yo u̱r-pu̱kse̱ be-de u̱n ko̱ wu̱ ke ne̱t-wu̱ á!

Garatiya-ne̱ 6:13

Ko̱ ka ye̱ ro̱ u̱r-ko̱ ne̱ à, ye̱ m-do̱re̱ o-karamsa u̱n hi u̱n de u̱n ye̱ á. Ye̱ de̱ ye̱ co̱no̱g a ko no̱ remen nu̱-mo̱ u̱r-hi, ye̱ ro̱ m-ze̱e̱ ye̱ rwo̱'e̱ a koot no̱.

Piripi-ne̱ 1:15

Nip-o̱, ye̱ ken ye̱ ro̱ m-ko̱'o̱t u̱n ma-u̱t Kiristi, remen ye̱ ro̱ u̱r-shoob. Ye̱ ko̱'o̱te̱ ma-u̱t Ye̱so u̱n co̱n-mo̱ u̱r-hur, ye̱ ro̱ m-co̱n u̱m su̱ u̱r-ko̱o̱b ke'o à. Amba ye̱ ken ye̱ ko̱'o̱tte̱ ma-u̱t Kiristi, u̱n hur-u̱r gaan, ye̱ ka, ye̱ ro̱ m-ko̱'o̱t remen ye̱ co̱no̱g me̱, komo ye̱ nepste̱ Shir rwo̱'o̱g me̱ kaane̱ a kutute̱ hun-ne̱ u̱nze ka Ma-to̱ m-Re̱re̱m to̱ nip-o̱.

Piripi-ne̱ 3:18

Remen u̱m ru̱ssu̱tu̱ no̱ co co n-ga, komo u̱m ze̱e̱g yo yish-m yish, ye̱ ken hun-ne̱ ye̱ ro̱ ko̱n ye̱ ro̱ m-no̱m u̱n rii-yo kute̱ u̱nze ye̱ ro̱ yan-yage̱-u̱t Kiristi, wu̱ meret n-to̱n o-kan à.

Korosiya-ne̱ 2:23

U̱n yish-ye̱ u̱n hun-ne̱, go̱n ka karamsa-to̱ ro̱ u̱n sha-mo̱ u̱s-nap ne̱, to̱ ro̱ m-hante̱ m-se̱nge̱ de̱e̱n u̱n gwu̱gwe̱r-mo̱ u̱r-hi ne̱ a kutute̱ hun-ne̱ u̱nze ye̱ to̱ro̱g be-de Shir. Har ye̱ ro̱ u̱n reese̱ u̱n wu̱r-to̱ u̱n ye̱ u̱r-ko̱o̱b. Ye̱ ro̱ m-ze̱e̱ ko̱ Shir a ho̱ge̱ o-zak. Amba o-nip ka karamsa-to̱ ro̱tt de ken be̱e̱b-de to̱ hette̱ gu u̱n hun-ne̱ ye̱ garamsu̱te̱ wu̱r-to̱ u̱n ye̱ á.