Garatiya-ne̱ 5:22 - Mɑ‑to̱ Shir Taku̱rda-o swo̱r o-nu pu̱-o̱

²² Da-o̱ Ku̱kt-o̱ Shir garamse̱ na à, hun-ne̱ a hyen ka rem-se u̱n she'et u̱n na, se ro̱: m-was, me̱n-u̱t pus-to̱, gwu̱gwu̱-mo̱ u̱r-hur, 'mo̱ u̱r-hur, gu u̱n hun-ne̱, u̱n shoos u̱n rii-yo u̱r-bon ne̱, u̱n o̱ shir ne̱,

Garatiya-ne̱ 5:22 ပူးပေါင်းရင်းမြစ်များ

Matiyos 12:33

Ye̱so haaru̱ co m-ze̱e̱, “'Yo-yo u̱r-bon yo ro̱ u̱n mat u̱n yakar-ye̱ u̱r-bon. Amba 'Yo-yo ba u̱r-bon komo yo matu̱ru̱ yakar-ye̱ ba u̱r-bon. O-'yo de̱, u̱n go̱n yakar-ye̱ u̱n yo atte̱ yo m-nap.

Ruka 13:9

U̱rege̱ yo makt hak-ye̱ ro̱o̱ne̱ à, no̱mo̱g u̱r-bon de̱e̱n, u̱rege̱ ne̱ yo mat á, ka da-o̱ wo̱a hoks yo m-kups.’ ”

Yohana 15:16

No̱ ye̱ daage̱ me̱ á, me̱ daage̱ no̱. U̱m rwo̱'o̱g no̱ he no̱ met yakar rem re, yakar-ye̱ he komo m-she'et har da-o̱ ba m-ta à. Ka da-o̱ a 'ye no̱ kap o̱ u̱n rii-yo no̱ ko̱ne̱ n-me̱ u̱n jin u̱n de à.

Yohana 15:2

Ko̱ yo ke jet-yo be-de u̱n yo, yo mate̱ á, Tato re a kups yo. Ko̱ yo ke yo ro̱ u̱r-mat à, a ro̱ yo m-ja'as remen yo ja'asté̱ u̱r-mat de̱e̱n.

Yohana 15:5

“Me̱ ro̱ 'wu̱n-de o-'yo. No̱ ro̱ u̱s-jet. Bo̱ u̱n ne̱t-wu̱ she'ete̱ be u̱n de à, man she'et be-de u̱n wu̱, wu̱a met yakar de̱e̱n. U̱n ya mo̱sse̱ u̱n me̱ ne̱ á, no̱a hoks no̱m u̱n ko̱yan á.

Roma-ne̱ 14:17

Gwo̱mo-to̱ Shir ba ma-to̱ m-re̱ m-swo̱ ne̱ to̱ á, ma-to̱ u̱n kashi u̱r-she'et de, u̱n gwu̱gwu̱-mo̱ u̱r-hur ne̱, u̱n me̱n-u̱t pus-to̱ ne̱ to̱ Ku̱kt-o̱ Shir ro̱ m-'ya à.

Roma-ne̱ 15:14

O̱r re ne̱, me̱ u̱n hi u̱n de u̱m nepste̱ u̱nze no̱ u̱n hi u̱n no̱, no̱ shiig u̱n no̱m u̱n rem-se u̱r-bon, komo no̱ u̱s-nap ne̱ de̱e̱n, se̱ bo̱'o̱se̱ no̱ yoose̱ o̱r no̱ ne̱ à.

Roma-ne̱ 15:3

Remen ko̱ Kiristi, wu̱ no̱m co̱n-to̱ u̱r-hi á. Bo̱ Ma-to̱ Shir ze̱e̱ à, “Shir, re̱e̱b-to̱ a pyapu̱ru̱ wo̱ à, me̱ m-hyan sa o zee me̱ a pyapre̱.”

Roma-ne̱ 15:30

O̱r re ne̱, rem Ye̱so Kiristi Wan-Ko̱yan na u̱n was-mo̱ Ku̱kt-o ro̱ na m-'ya ne̱ à, hakku̱re̱ no̱ gu me̱ no̱ u̱n ko̱n-u̱s no̱ be-de Shir.

Roma-ne̱ 6:22

Amba m-mo̱ka, no̱ po̱ssu̱te̱ be-de u̱r-ba'as, no̱ waragte̱ gu̱w-ne̱ ye̱ Shir. Kwu̱m-o̱ no̱ he m-kum kane̱ à o̱ ro̱ ho̱o̱g-mo̱ ba m-ku̱ko̱p, o̱ he no̱ m-rwo̱ no̱ kumut ho̱o̱g-mo̱ ba m-ta.

Roma-ne̱ 7:4

Kaane̱ no̱ ro̱ o̱r re ne̱, mar-m Kiristi n-to̱n o-kan mo̱ rwo̱'o̱g no̱ waragte̱ margan-ne̱ be-de o-karamsa. U̱n kaane̱ no̱ waragte̱ kang-o gaan, u̱n ka wu̱ Shir 'yonse̱ ne̱ u̱t-marimar à remen a no̱mo̱té̱ Shir se̱nge̱-mo̱ u̱r-bon.

Roma-ne̱ 8:5

Ye̱ ro̱ u̱r-she'et bo̱ barag-se u̱n ye̱ se ma-hun ze̱e̱ ye̱ à, hur-de u̱n ye̱ shiishe̱ u̱n yo barag-se u̱n ye̱ se ma-hun co̱ne̱ à. Amba ye̱ ro̱ u̱r-she'et bo̱ Ku̱kt-o Shir ze̱e̱ ye̱ à, hur-de u̱n ye̱ shiig u̱n yo Ku̱kt-o̱ Shir co̱ne̱ à.

1 Korinti-ne̱ 13:13

To̱, rem-u̱s tet ro̱ ko̱n se ro̱: She̱r o-nip, O-sakto̱ ne̱, M-was ne̱, amba yo jiishe̱ kap à yo ro̱ m-was.

Garatiya-ne̱ 5:13

O̱r re ne̱, Shir co̱no̱g no̱ she'et sak komo sasa. Amba we̱r no̱ taase ka she'et-u̱r no̱ de o-sasa de warag no̱ bu̱-yo u̱n do̱re̱ u̱n rem-se wu̱r-o co̱ne̱ à. U̱n su̱ge̱-de u̱n kaane̱, yagu̱ no̱ ka she'et-de o-sasa de wootu̱ no̱ u̱n nome̱ u̱n ye̱ ken ye̱ m-gu̱w n-me̱ m-was.

Apisu-ne̱ 4:23

M-mo̱ka yagu̱ no̱ Ku̱kt-o Shir garamsu̱te̱ she'et-u̱r no̱ u̱n barag-u̱s no̱ ne̱.

Apisu-ne̱ 5:9

Me̱ u̱n ze̱e̱ kaane̱ remen u̱rege̱ hun-ne̱ ro̱ u̱r-she'et be-de m-cecar, ye̱a no̱m she'et-de u̱r-bon, she'et-u̱r kashi, u̱n no̱m u̱n o-nip ne̱.

Piripi-ne̱ 1:11

U̱m ko̱no̱g bo̱ ho̱o̱g-m no̱ u̱n hur-u̱r no̱ ne̱ he m-do̱ m-kashi à, u̱n be̱e̱b-u̱r Ye̱so Kiristi, kap yo ka yo me̱ u̱s-ko̱n remen da-o̱ hun-ne̱ nape̱ u̱nze no̱ u̱s-barag no̱ no̱m kaane̱, ye̱a 'ye Shir m-se̱k, ye̱ bu̱m wu̱.

Korosiya-ne̱ 1:10

Te̱ u̱n ko̱n-se Shir u̱nze no̱ she'et, bo̱ depe̱ ká ye̱ do̱re̱ Wan-Ko̱yan ye̱ she'et à. Komo no̱ se̱nge̱ wu̱ u̱n gwu̱'u̱rse̱ u̱r-hur u̱n nom u̱n rii-yo u̱r-bon ne̱. Te̱ u̱s-ko̱n komo bo̱ no̱ he m-ma'as u̱n no̱m u̱n bo̱ u̱n rii-yo u̱r-bon ko̱yanda à, no̱ nep Shir u̱r-bon ne̱.

2 Tasaronika-ne̱ 3:2

Komo no̱ ko̱n bo̱ a he na m-gu u̱n kom-to̱ u̱n hun-ne̱ yan-me̱n-u̱t jaas-to̱ à, remen ba kap mo̱ u̱n hun-ne̱ ye̱ she̱re̱ á.

1 Timoti 3:11

Kaane̱ komo ne'a-ne̱ ye̱ u̱n ye̱ warag kashi u̱n ne'a-ne̱ ye̱ u̱n ba u̱r-re̱e̱b, ba komo ya-u̱t-we̱ á. Amba ye̱ hokse̱ she'et-de u̱n ye̱ à. Hun-ne̱ ro̱ ye̱ m-'wo̱s u̱n ma-u̱t gaan ne̱ ko̱yanda.

1 Timoti 4:12

Taase o yage̱ hun-ne̱ gu̱t hi u̱n du ba u̱s-shi á, remen wo̱ mo̱nge̱ á. Amba se̱nge̱ yoos u̱n du. Komo yage̱ she'et u̱n du ma'as rii-yo u̱r-yoos be-de u̱n yan-dor Ye̱so bo̱ depe̱ ye̱ she'et à: Ce̱p ma-to̱ u̱r-bon. No̱m rii-yo u̱r-bon. Was u̱n hun-ne̱ ne̱. She̱r be-de Shir. Komo o ma'as u̱n hur-u̱r pus-de ne̱.

1 Bitrus 1:22

M-mo̱ka no̱ muste̱ hi u̱n no̱ ba u̱t-ri'in u̱n do̱ro̱tte̱-o̱ o-nip remen no̱ kumut was-m o̱r no̱ ne̱. Was no̱ o̱r no̱ ne̱ cin u̱n hur-u̱r no̱, komo u̱n hur-u̱r pus-de ne̱.

1 Bitrus 1:8

Ko̱ de nomte̱ no̱ we̱t Ye̱so m-hyan á, amba no̱ wu̱ m-was. Ko̱ de no̱tte̱ wu̱ m-hyan m-mo̱ka á, komo no̱ she̱re̱g be-de u̱n wu̱. Komo yatt gom-to̱ he m-hoks m-rwo̱r bo̱ no̱ ro̱ o-zak, u̱n zak-o̱ rwu̱u̱ne̱ be-de Shir á.

1 Bitrus 5:12

U̱n be̱e̱b-u̱r Siras o̱r na ko-yan-e̱ss u̱t-ma à, u̱m ge̱nbe̱ no̱ ka taku̱rda-o̱ o-kotton remen u̱m ye'et no̱ be̱e̱b-de u̱s-rwu̱n komo u̱m ru̱ru̱ no̱, u̱nze yo ka yar-mo̱ Shir mo̱. Remen kaane̱ she̱r no̱ m-'wo̱ns ne̱ be-de u̱n ká yar-mo̱.