Garatiya-ne̱ 5:18 - Mɑ‑to̱ Shir Taku̱rda-o swo̱r o-nu pu̱-o̱

¹⁸ Amba u̱rege̱ Ku̱kt-o̱ Shir o̱ ro̱ no̱ m-do̱ro̱tte̱, no̱ u̱n ku̱s-o̱ o-karamsa o̱ ka á.

Garatiya-ne̱ 5:18 ပူးပေါင်းရင်းမြစ်များ

Yohana 16:13

Da-de Ku̱kt-o̱ Shir haane̱, Wa-u̱r-Yoos de o-nip, wu̱a do̱ru̱ttu̱ no̱ be-de o-nip. Wu̱ ro̱ u̱n he de no̱ ru̱re̱ u̱t-ma be-de u̱t-gwo̱mo á. Wu̱ ro̱ u̱n he-de m-ze̱e̱ ko̱ rii, se̱ de̱ kap to̱ wu̱ ho̱ge̱ be-de Shir à, to̱ to̱ wu̱ he m-rwo̱r. Wu̱a ru̱ru̱ no̱ rem-se he m-takan à.

Roma-ne̱ 7:4

Kaane̱ no̱ ro̱ o̱r re ne̱, mar-m Kiristi n-to̱n o-kan mo̱ rwo̱'o̱g no̱ waragte̱ margan-ne̱ be-de o-karamsa. U̱n kaane̱ no̱ waragte̱ kang-o gaan, u̱n ka wu̱ Shir 'yonse̱ ne̱ u̱t-marimar à remen a no̱mo̱té̱ Shir se̱nge̱-mo̱ u̱r-bon.

Roma-ne̱ 8:12

Remen kaane̱, o̱r re ne̱, a u̱s-nu̱ ne̱ a sew, a do̱re̱ yo barag-se ma-hun na co̱ne̱ a no̱m á.

Roma-ne̱ 8:14

Ye̱ Ku̱kt-o̱ Shir ro̱ u̱n teke̱ co à, yakar-ye̱ Shir ye̱.

Garatiya-ne̱ 5:16

Yo me̱ m-ze̱e̱ à yo ka, yagu̱ no̱ Ku̱kt-o̱ Shir o̱ kututu̱ no̱ o-co̱w. No̱ nome̱ kaane̱ no̱ hede m-do̱re̱ u̱n she'et-de ma-hun á.

Garatiya-ne̱ 5:23

gwu̱gwe̱r-mo̱ u̱r-hi, hoks m-garamsa u̱t-ma u̱n rem-se wo̱ m-nom à. U̱rege̱ no̱ no̱m u̱n ka rem-se, yatt-yo da'e̱ karamsa-o̱ zet no̱ no̱mo̱g u̱r-ba'as á.

Garatiya-ne̱ 5:25

Yage̱ Ku̱kt-o̱ Shir do̱ru̱ttu̱ na n-me̱ u̱n ko̱ yo ke rii-yo u̱n she'et-u̱r na, remen Ku̱kt-o̱ ya'u̱ na m-ho̱o̱g à.

1 Timoti 1:9

A nak komo, Shir ya'as o-karamsa remen o̱ ja'asté̱ kashi u̱n hun-ne̱ á. Amba Shir u̱n ya'as o̱ remen o̱ ja'asté̱: Yan-ko̱o̱b-de u̱n gye̱r-o̱ u̱n wu̱, U̱n yan-ko̱o̱b-de o-do̱ro̱tte̱ ne̱, U̱n ya-u̱t-ba'as ne̱, U̱n yan-yage̱ u̱n nom u̱n rii-yo karamsa-o ze̱e̱ ne̱ à, U̱n ye̱ ro̱ m-yage̱ she'et-de m-ku̱ko̱p ne̱ á, Yan-ko̱o̱b-de o-do̱ro̱tte̱ o̱ u̱n Ma-to̱ Shir, U̱n ye̱ ro̱ u̱n ho̱ u̱n tat-ne̱ ye̱ u̱n ye̱ ne̱ à, U̱n ye̱ ro̱ u̱n ho̱ u̱n in-ne̱ ye̱ u̱n ye̱ ne̱ à, Myet u̱n yan-ho̱ u̱n hun-ne̱ ne̱,

2 Timoti 1:7

Me̱ u̱n ze̱e̱ kaane̱ remen Ku̱kt-o̱ Shir ya'u̱ na à, o̱ na m-rwo̱ a ho̱gu̱te̱ o-gye̱r á. Amba o̱ na m-'ya u̱r-be̱e̱b de u̱n gu̱w-mo̱ Shir, u̱n was u̱n hun-ne̱ ne̱, u̱n bo̱ a he garamse̱ u̱n hi u̱n na u̱r-bon ne̱ à.