Garatiya-ne̱ 4:9 - Mɑ‑to̱ Shir Taku̱rda-o swo̱r o-nu pu̱-o̱

⁹ Amba m-mo̱ka no̱ nepse̱ Shir, ko̱ na a zee Shir nepse̱ u̱n no̱ ne̱. ¿Remen yan o̱ no̱ hette̱ m-warag be-de u̱n bu̱-yo u̱n jor-se u̱n Yahuda-ne̱ se o-hwaa? ¿No̱ u̱n co̱n o̱ no̱ warag gu̱w-mo̱ u̱n se komo?

Garatiya-ne̱ 4:9 ပူးပေါင်းရင်းမြစ်များ

Matiyos 11:27

Bo̱ Ye̱so komte̱ u̱s-ko̱n be-de Shir à, ka da-de wu̱ nomu̱ru̱ hun-ne̱ u̱t-ma. “Tato re, Shir ya'ag me̱ nap-se u̱n ko̱yan. Komo yatt-wu̱ nape̱ Wà á se̱ o-Tato o̱ nape̱ wu̱. Komo yatt-wu̱ nape̱ Shir o-Tato á se̱ Wà, komo bo̱ u̱n ka hun-ne̱ ye̱, ye̱ me̱ Wà-wu̱ Shir co̱ne̱ wu̱ kute̱ ye̱ o-Tato à, komo ye̱ nept bo̱ Shir ro̱ à.

Ruka 5:38

Remen kaane̱, a wu̱u̱s ke̱-m pu̱-mo̱ u̱n tur-o̱ o-ka o-pu̱ o̱!

Yohana 10:14

“Me̱ wu̱ ro̱ wa-u̱r-gu̱t-wu̱ u̱r-bon. U̱m nak ye̱ ma re. Ye̱ ma re komo ne̱, ye̱ nepse̱ me̱.

Yohana 10:27

Ca re ye̱ ro̱ u̱n raks u̱n co̱r re. U̱m nepste̱ ye̱. Ye̱ ro̱ me̱ tomso ne̱ m-do̱re̱.

Yohana 17:3

Co̱w-yo hun-ne̱ hette̱ m-kum ho̱o̱g-o̱ ba m-ta à, yo ro̱, ye̱ nep u̱nze wo̱ wu̱ ro̱ Shir gaan, o-nip, komo ye̱ nep u̱nze me̱, Ye̱so, me̱ ro̱ Kiristi, wu̱ o to̱mne̱ à.

Roma-ne̱ 8:29

Remen ye̱ Shir ekse̱ à, ye̱ wu̱ m-hu̱s ye̱ waragté̱ u̱ntu̱n Wà u̱n wu̱, remen Wà u̱n wu̱ waragté̱ mat-de co wu̱ o-hur be-de u̱n hen-ne̱ ye̱ u̱t-mo̱o̱r.

Roma-ne̱ 8:3

Yo karamsa-o wo̱ hokse̱ m-no̱m á remen kende̱-de u̱n wu̱r-o̱ ma-hun, yo yo Shir no̱me̱. Shir to̱mo̱nte̱ Wà u̱n wu̱ wan-gaan cot u̱n sha-mo̱ u̱n wu̱r-u̱t na to̱ u̱r-ba'as remen wu̱ waragté̱ rii-yo u̱r-seke̱ rem u̱r-ba'as, Ye̱so doste̱ komo be̱e̱b-de u̱r-ba'as u̱n wu̱r-u̱t na.

1 Korinti-ne̱ 13:12

Remen kaane̱, m-mo̱ka, Rim rim a m-hyan u̱ntu̱n u̱r-madipi, Amba ka ho̱-de wo̱o̱ne̱ ka da-de a he m-hyan cas. M-mo̱ka nap-u̱s re ba shishe̱-se á, amba ká ho̱-de wo̱o̱ne̱ Man nep ko̱yan hond hond bo̱ Shir napu̱ me̱ à.

1 Korinti-ne̱ 15:34

Mu̱u̱n no̱ u̱n barag-se u̱r-bon, no̱ wonge̱ u̱n no̱m u̱r-ba'as ne̱. Rii-yo m-'e̱ yo ye̱ ken ye̱ be u̱n no̱ ye̱ nap Shir á. Me̱ u̱n rwo̱r to̱ ka remen no̱ ho̱gu̱te̱ m-'e̱.

1 Korinti-ne̱ 8:3

Amba myet bo̱n ne̱t-wu̱ ro̱ u̱n co̱n-to̱ Shir à, Shir nepste̱ u̱n wu̱ ne̱.

2 Korinti-ne̱ 11:20

Remen u̱rege̱ wu̱ ken wu̱ rwo̱'o̱g no̱ m-gu̱w, no̱ m-du̱ngu̱ne̱ u̱n wu̱ ne̱, ko̱ wu̱ rumse̱ no̱ rii, ko̱ wu̱ re ra-o no̱, ko̱ wu̱ kutu no̱ m-'wo̱ns, wu̱ ken no̱ o-raag.

2 Korinti-ne̱ 4:6

Remen Shir, o̱ rwo̱re̱, “Yage̱ m-cu̱cas mo̱ dakante̱ n-te̱ o-comb,” Wu̱ rwo̱'o̱g cu̱cas-mo̱ u̱n wu̱ mo̱ ma'as m-dakan n-te̱ u̱n hur u̱n te̱, mo̱ ye'et hun-ne̱ m-cecas ye̱ nept se̱ps-mo̱ Shir be-u̱r Ye̱so Kiristi.

Garatiya-ne̱ 3:3

M-mo̱ka ¿yan-go̱n ko̱o̱b-de u̱s-barag de ko̱ru̱ no̱? No̱ ka teksu̱ne̱ u̱n Ku̱kt-o̱ Shir, amba m-mo̱ka ¿no̱ co̱no̱g m-bu̱se̱ u̱n 'wo̱ns-mo̱ u̱n ma-hun?

Garatiya-ne̱ 4:3

Kaane̱ to̱ ro be u̱n na, n-ga rii-yo Kiristi haante̱, a ro u̱ntu̱n yakar re̱k-ye̱. A ro u̱ntu̱n gu̱w-ne̱, a u̱n hoob-o̱ u̱n a reet u̱r-ho̱ be-de Shir u̱n bu̱-yo u̱n jind-se u̱n Yahuda-ne̱.

Apisu-ne̱ 1:17

Me̱ u̱s-ko̱n be-de Shir ye̱ u̱n Wan-Ko̱yan na, Ye̱so Kiristi. Wu̱ ro̱ Tato na wan-caari-mo̱ m-se̱ps. Me̱ u̱s-ko̱n be-de Shir wu̱ 'ye no̱ ku̱kt-o̱ u̱s-nap, bo̱ yish no̱ he m-upse̱ à, remen no̱ nept wu̱ u̱r-bon ne̱.

2 Timoti 2:19

Amba hun-ne̱ ye̱ Shir sa o zee shi'it-de ro̱ m-nukte̱ á ye̱ ro̱. Be-de u̱n ka shi'it-de Shir ge̱ne̱g: “Yawe nak hun-ne̱ ye̱ ro̱ ye̱ ma u̱n wu̱ à.” Komo Ma-to̱ Shir ze̱e̱g, “Da-o̱ wu̱ ken, wu̱ zee ye̱, ‘Yawe wu̱ ro̱ Wan-hur re.’ Ka ne̱t-wu̱, se̱ wu̱ yage̱ no̱m u̱r-ba'as.”

Yahuda-ne̱ 7:18

A e̱sste̱ ká karamsa-o̱ n-ga o̱ n-riib o̱ ka, remen o̱t m-'wo̱ns á, komo o̱ waragte̱ hwaa.

2 Bitrus 2:20

Me̱ u̱n ze̱e̱ yo ka mo̱sse̱ u̱n yan-yoos-de u̱t-bo̱ ne̱ remen ye̱ rwu̱nte̱ be-de u̱n rii-yo ba u̱r-bon yo u̱n ho̱no o-dak yo ro̱ m-naas u̱n hur-de u̱n hun-ne̱ à. Yo ka u̱n nome̱ remen ye̱ nak Ye̱so Kiristi wu̱ ro̱ Wan-Ko̱yan u̱n Wan-Gwu̱ ne̱. Amba m-mo̱ka ye̱ yagu̱te̱ rii yo̱-yo hoks ye̱, ye̱ ro̱ yo komo m-nome̱ o-do̱ro̱tte̱. Remen kaane̱ ho̱o̱g-mo̱ u̱n ye̱ u̱r-bu̱ste̱ a jiish m-naase̱ arge̱-mo̱ n-ga, remen ye̱ yagu̱te̱ Kiristi.

1 Yohana 5:20

A nepse̱ u̱nze Wà-wu̱ Shir haante̱, komo wu̱ ya'ag na u̱s-nap a nept Shir-o̱ o-nip. M-mo̱ka a n-me̱ u̱n ká wa-o-nip-wu̱ remen a she'ette̱ u̱n gam-o̱ u̱r-hi u̱n Wà u̱n wu̱ ne̱, Ye̱so Kiristi. Wu̱ ro̱ Shir-o̱ ba m-ku̱ko̱p o̱ o-nip, komo wu̱ ro̱ Shir-o̱ o-nip u̱n ho̱o̱g-o̱ ba m-ta ne̱.