Garatiya-ne̱ 4:25 - Mɑ‑to̱ Shir Taku̱rda-o swo̱r o-nu pu̱-o̱

²⁵ Hajaratu sha-mo̱ u̱n Haag-o̱ o-Sinay o̱ ro̱ u̱n dak-o̱ u̱n Raraba-ne̱ à. Wu̱ ro̱ sha-mo̱ u̱n bo̱-o̱ o-Urusharima o̱ m-mo̱ka, remen wu̱ u̱n yakar-ye̱ u̱n wu̱ ne̱ kap gu̱w-ne̱ ye̱ u̱n ku̱s-o̱ o-karamsa.

Garatiya-ne̱ 4:25 ပူးပေါင်းရင်းမြစ်များ

Matiyos 23:37

“Ayya ya-o-Urusharima, ya-o-Urusharima! Bo̱-o̱ hoome̱ yan-Rwo̱r u̱n Ma-to̱ Shir, no̱ jir ye̱ Shir to̱mnu̱ no̱ à u̱t-ta'ar! U̱m ro co̱no̱g de̱e̱n u̱m kamas no̱ bo̱ kiit-o ro̱ m-kamas u̱n yakar-ye̱ u̱n yo n-me̱ u̱n ku̱ku̱n-to̱ u̱n yo à, amba no̱ yagu̱te̱.

Ruka 13:34

“Ya-o-Urusharima, ya-o-Urusharima! O ho̱o̱g yan-Rwo̱r u̱n Ma-to̱ Shir, o ho̱o̱g ye̱ Shir to̱mnu̱ wo̱ à! So̱o̱ re o̱ u̱m ro co̱nge̱ sak u̱n kom-u̱t re n-to̱n u̱n hun-ne̱ ru, bo̱ kiit-o ro̱ m-ho̱k u̱n yakar-ye̱ u̱n yo u̱n ku̱ku̱n-to̱ u̱n yo à, amba no̱ yagu̱ me̱ m-nomot á.

Ruka 19:44

Ye̱a ho no̱ u̱n yakar no̱ ne̱, komo ye̱ sabu̱rse̱ bo̱-o no̱, ko̱ o-pam a yage̱ yo n-to̱n u̱n yo ken yo á, remen no̱ baks da-o̱ Shir haane̱ wu̱ guut no̱ á!”

Se̱nge̱-mo̱ 1:11

Ye̱ ze̱e̱ru̱, “No̱ hun-ne̱ ye̱ o-Gariri, ¿remen yan o̱ no̱tte̱ eso eso u̱n gwo̱t-o̱ n-To̱n shir? Ká Ye̱so wu̱ a de̱ke̱ be u̱n no̱ ha-mo̱ n-To̱n à, wu̱a do m-mu̱u̱n bo̱ no̱ hyane̱ arag-mo̱ u̱n wu̱ à.”

Garatiya-ne̱ 1:17

komo me̱ ha o-Urusharima be-de u̱n ye̱ ba'u̱ me̱ m-warag yan-To̱m Ye̱so á. Rii-yo u̱m no̱me̱ à, yo ro̱, u̱m haaru̱ dak-o̱ u̱n Raraba-ne̱, ka da-de u̱m mu̱u̱nu̱ru̱ bo̱-o̱ o-Damaskus.

Garatiya-ne̱ 4:24

Mo̱ ka sha-mo̱, ka ne'a-ne̱ ye̱ yoor kutute̱ swo̱r o-nu o-yoor. Hajaratu he mat u̱n gu̱w-ne̱, wu̱ ro̱ sha-mo̱ u̱n swo̱r o-nu o̱ a no̱me̱ u̱n Haag-o̱ Sinay à.

Garatiya-ne̱ 4:26

Amba Urusharima-o pu̱-o̱ ro̱ ko̱n n-to̱n, na ye̱ m-ha kane̱ à ya a ro̱ sasa be-de u̱n dor-o̱ o-karamsa. Na ye̱ m-ha kane̱ à, a o̱ u̱n gwo̱t-o̱ o-bo̱ u̱nze o̱ ro̱ inu na remen na yakar-ye̱ Shir ye̱ ye̱ o-nip. Saratu, ba ko-gu̱w-wu̱ á, wu̱ ro̱ sha-mo̱ u̱n ka Urusharima-o pu̱-o̱ o̱.

Yahuda-ne̱ 12:18

No̱ u̱n goshi u̱n haan be-de u̱n Haag-o̱ o-Sinay o̱ a hoks m-ci á. Ka haag-o̱ ro̱ be-de ra-o̱ ro̱ m-tu̱k à, be-de o-comb rim-o̱ cip, u̱n kem ne̱ m-yo ne̱. Da-o̱ Shir ya'ase̱ Isra-ne̱ karamsa-to̱ u̱n wu̱ à, Shir ru̱ru̱ ye̱, ye̱ ci Haag-o̱ o-Sinay á. Ye̱ ko̱nu̱ru̱ Shir wu̱ yage̱ te̱p kaane̱, remen ye̱ ho̱gu̱te̱ kan-se o-kar u̱r-be̱e̱b ne̱, co̱r-o̱ ro̱ te̱p, m-'wo̱ns ne̱. Remen ye̱ taagu̱te̱ yo m-no̱m u̱n ka ma-to̱ ne̱, to̱ Shir ru̱ru̱ ye̱ à. Remen Shir ze̱e̱g, “Ko̱ gu̱t-de ci ka haag-o̱, a jir-de u̱t-ta'ar, de mer.”