Garatiya-ne̱ 4:12 - Mɑ‑to̱ Shir Taku̱rda-o swo̱r o-nu pu̱-o̱

¹² O̱r re ne̱, hakku̱r no̱ she'et no̱ sasa bo̱ u̱m ro̱ e̱s-mo̱ u̱n ká rem-se à, remen u̱m waragte̱ bo̱ no̱ ro̱ à, (no̱ ye̱ ro̱ Yahuda-ne̱ á), sasa e̱s-mo̱ u̱n ká karamsa-to̱. No̱ yo'og me̱ da-o̱ u̱m ko̱'o̱tu̱ no̱ ka ma-to̱ á.

Garatiya-ne̱ 4:12 ပူးပေါင်းရင်းမြစ်များ

Se̱nge̱-mo̱ 21:21

A ru̱ssu̱tu̱ Yahuda-ne̱ kane̱ yan-dor u̱nze wo̱ m-yoose̱ u̱n kap Yahuda-ne̱, ye̱ ro̱ n-me̱ u̱n ye̱ ro̱ Yahuda-ne̱ á u̱nze ye̱ jore̱ karamsa-o̱ Mosa. U̱nze wo̱ Yahuda-ne̱ m-yoose̱ taase ko yakar-ye̱ u̱n ye̱ u̱r-ko̱, ko̱ komo ye̱ do̱re̱ ges-o̱ u̱n jind-se u̱n Yahuda-ne̱.

2 Korinti-ne̱ 2:5

U̱rege̱ wu̱ ken wu̱ no̱mo̱g rii-yo rwo̱'e̱ hun-ne̱ tu̱k-mo̱ u̱t-me̱n à, ba me̱ wu̱ rwo̱'e̱ tu̱k-mo̱ u̱t-me̱n á. No̱ ye̱ wu̱ rwo̱'e̱ tu̱k-mo̱ u̱t-me̱n.

2 Korinti-ne̱ 6:11

Te̱ ru̱ru̱tu̱ no̱ u̱t-ma u̱r-hur sak no̱ Korinti-ne̱, komo te̱ upsu̱tu̱ no̱ hur-u̱r te̱ cas. Te̱ wuke̱ no̱ yo ken á, komo te̱ kutute̱ no̱ u̱nze te̱ waste̱ u̱n no̱ ne̱ de̱e̱n.

2 Korinti-ne̱ 6:13

Me̱ u̱n ka ma-to̱ u̱n no̱ ne̱ bo̱ tato-o ro̱ u̱n nome̱ u̱n yakar-ye̱ u̱n wu̱ à. No̱ u̱n cen no̱, kutu te̱ no̱ was-m no̱.

Garatiya-ne̱ 2:14

Da-o̱ u̱m hyane̱ ye̱ ro̱ m-do̱re̱ nip-o̱ u̱n Ma-to̱ m-Re̱re̱m to̱ Shir á, u̱m ze̱e̱ru̱ Bitrus u̱n yish-ye̱ u̱n ko̱wan. “Wo̱ ko-Yahuda-wu̱, amba wo̱ u̱r-she'et u̱ntu̱n wu̱ ro̱ ko-Yahuda á. Amba wo̱ m-do̱re̱ u̱n jor-se ye̱ ro̱ u̱n Yahuda-ne̱ á. ¿M-mo̱ka wo̱a ru̱ ye̱ ro̱ Yahuda-ne̱ á ye̱ do̱re̱ jor-se u̱n Yahuda-ne̱?”

Garatiya-ne̱ 4:11

Ka rii-yo no̱ m-no̱m à ya'ag me̱ o-gye̱r, remen waragte̱ sa o zee o̱ ka ko̱o̱b-de u̱m swo̱ rem no̱ à jaag o-hwaa!

Garatiya-ne̱ 4:13

No̱ nepse̱ go̱m-o̱ u̱m nome̱ à. O̱ tikshi me̱ co̱w-yo u̱m hantu̱tu̱ no̱ Ma-to̱ m-Re̱re̱m à u̱r-takan.

Garatiya-ne̱ 6:14

Amba me̱ ko̱ hiin, man no̱m nu̱-mo̱ u̱r-hi á. Ko̱ man nom nu̱-mo̱ u̱r-hi, se̱ de̱ remen kan-o Wan-Ko̱yan na Ye̱so Kiristi. Mar-mo̱ u̱n wu̱ n-to̱n o-kan o̱ rwo̱'e̱ co̱n-to̱ u̱n rii-yo u̱n ho̱no o-dak merte̱ u̱n hur u̱n de. Me̱ komo u̱m marag. Me̱ co̱n rii-yo u̱n ho̱no o-dak á.

Garatiya-ne̱ 6:18

O̱r re ne̱, yar-m Wan-Ko̱yan na Ye̱so Kiristi, mo̱ nom mo̱sse̱ u̱n no̱ ne̱! Amin.