Apisu-ne̱ 5:11 - Mɑ‑to̱ Shir Taku̱rda-o swo̱r o-nu pu̱-o̱

¹¹ No̱ jar no̱ mo̱sse̱ u̱r-hi u̱n no̱m u̱n rem-se o-saa ne̱ se ye̱ ro̱ m-no̱m o-comb á. O̱tte̱ kaane̱ à rwu̱ntu̱ no̱ ye̱, u̱nze go̱n ka rem-se ye̱ ro̱ m-no̱m à, se ro̱tt u̱r-bon á.

Apisu-ne̱ 5:11 ပူးပေါင်းရင်းမြစ်များ

Matiyos 18:15

“U̱rege̱ o̱r ru ko-yan-dor nomote̱ wo̱ u̱r-ba'as, neke̱ o ru̱ru̱ wu̱ u̱n ho̱n no̱. U̱rege̱ wu̱ ho̱gu̱te̱ ma-u̱t ru, komo wu̱ ko̱no̱g wo̱ o doog wu̱ o̱ ka m-mu̱u̱nte̱ u̱n co̱w.

Ruka 3:19

Amba Yohana ru̱ru̱te̱ Here̱ [Atipas] ko-Gwamna u̱t-ma m-'wo̱ns ne̱ remen wu̱ gaag Herodiya, ne'a heno u̱n wu̱, komo wu̱ no̱mo̱g rii-yo ba u̱r-bon de̱e̱n.

Se̱nge̱-mo̱ 26:18

Wo̱a upsu̱ ye̱ yish-ye̱ u̱n ye̱, ye̱ yagne̱ be-de o-comb ye̱ mu̱u̱n be-de m-cu̱cas, ye̱ yagne̱ komo gwo̱mo-to̱ u̱n ko-Gwo̱mo-wu̱ u̱n ya-u̱t-ko̱t ye̱ mu̱u̱n be-de u̱n Gwo̱mo-to̱ Shir. U̱n kaane̱ ye̱ hette̱ m-kum a soksu̱ ye̱ u̱t-ba'as, komo o-cim ne̱ mo̱sse̱ u̱n ye̱ warge̱ ba m-ku̱ko̱p ne̱ à kap remen ye̱ she̱re̱g be u̱n de.’

Roma-ne̱ 13:12

Te̱t-m ro̱ u̱n ma-to̱ m-ta, ish ro̱ u̱n ma-to̱ m-gas. Remen kaane̱, a yagu̱ no̱ se̱nge̱-mo̱ o-comb. Amba she'et no̱ hond hond u̱n cecas-mo̱ Shir remen kaane̱ no̱ hette̱ kwange̱ ko-Gwo̱mo-wu̱ u̱n ya-u̱t-ko̱t.

Roma-ne̱ 16:17

O̱r re ne̱, u̱m co̱no̱g m-nek no̱ u̱t-to̱ u̱n ye̱ he no̱ hante̱ m-koos ne̱ à. No̱m no̱ ja u̱n ye̱ ro̱ no̱ m-rwo̱ u̱t-pu̱kse̱ ne̱ à, ye̱ ro̱ komo u̱t-yage̱ u̱n yoos-de no̱ kume̱ ne̱ à.

Roma-ne̱ 6:21

¿Ya no̱ kume̱ ne̱ u̱n rem-se no̱ no̱me̱ se warge̱ no̱ se m-'e̱ à? U̱r-'yons de u̱n ka rem-se mar-mo̱.

Garatiya-ne̱ 6:8

U̱rege̱ ne̱t go̱o̱g u̱n bu̱-yo ma-hun, yoa woot wu̱ m-mar. U̱rege̱ ne̱ wu̱ go̱o̱g u̱n bu̱-yo o-Ku̱kt, wu̱a kum ho̱o̱g-mo̱ ba m-ta.

Apisu-ne̱ 4:22

Yo a yoosu̱ no̱ à, yo ro̱ yagu̱ no̱ go̱n she'et-de no̱ ro m-she'et n-ga à. U̱n ká da-o̱ no̱ ro m-co̱n u̱n no̱m u̱n myet go̱n rem-se u̱n ba u̱r-bon. Ká rem-se ro̱ no̱ m-e̱gu̱sse̱ komo se ro̱ u̱n sabu̱rse̱ u̱n ho̱o̱g-m no̱.

Apisu-ne̱ 5:12

Rii-yo m-'e̱ yo a ru̱ru̱t rem-se ka hun-ne̱ ye̱ ro̱ m-no̱m wukuse̱ à.

Apisu-ne̱ 5:7

Remen kaane̱, no̱ jar no̱ mo̱sse̱ u̱r-hi u̱n go̱n ka hun-ne̱ ye̱ ro̱ u̱n no̱m u̱n go̱n ka rem-se u̱n ba u̱r-bon se ne̱ á.

Korosiya-ne̱ 1:12

Te̱ komo u̱s-ko̱n be-de Shir no̱ se̱nge̱ bo̱ngo̱n-de Shir Tato-o na. Wu̱ wu̱ muutu̱ no̱ hun-ne̱ ye̱ u̱n wu̱, remen no̱ bo̱'o̱sté̱ kum u̱n ka cim-yo wu̱a 'ye hun-ne̱ ye̱ u̱n wu̱, ye̱ ro̱ u̱r-she'et m-cecas à.

1 Tasaronika-ne̱ 5:7

Remen ye̱ ro̱ m-rew à te̱t-mo̱ ye̱ ro̱ m-rewe̱, ka ye̱ swo̱-m mo̱ m-ho̱ komo à, te̱t-mo̱ mo̱ ro̱ ye̱ m-ho̱.

2 Tasaronika-ne̱ 3:14

U̱rege̱ wu̱ ken wu̱ yagu̱te̱ no̱m o-do̱ro̱tte̱ u̱n rii-yo te̱ rwo̱re̱ n-me̱ u̱n ka taku̱rda-o̱ á, ru̱ru̱ no̱ yan-dor Ye̱so wu̱. Nom no̱ ja u̱n wu̱ ne̱ m-so̱k ne̱, komo no̱ som wu̱ remen wu̱ ho̱gu̱té̱ m-'e̱.

2 Tasaronika-ne̱ 3:6

O̱r te̱ ne̱, te̱ ka'agte̱ no̱ u̱n jin-u̱r Wan-Ko̱yan na Ye̱so Kiristi, ru no̱ co̱w-yo u̱n ko̱ wu̱ ke, wu̱ ro̱ u̱n she'et-de o-hwaa à, wu̱ ro̱ u̱n do̱ro̱tte̱-o̱ u̱n ká rii-yo te̱ yoosu̱ no̱ á.

1 Timoti 5:20

Wo̱ nepse̱ u̱nze nip-o̱ wu̱ ken ko-se̱k-wu̱ no̱mo̱g u̱r-ba'as, o kwo̱s wu̱ u̱n yish-ye̱ u̱n ko̱ wu̱ ke wan-dor Ye̱so wu̱. No̱m kaane̱ remen ye̱ kuse̱ à, ye̱ ho̱gu̱te̱ o-gye̱r o̱ u̱n no̱m u̱r-ba'as.

1 Timoti 5:22

Wo̱ cu̱ne̱ m-daag u̱n se̱k-wu̱, wo̱ no̱m m-ho̱r á. Rii-yo o hu̱u̱tu̱ wu̱ kom-u̱t ru to̱ o-kwu̱m, o ceker ko̱ kashi u̱n ne̱t-wu̱ à. Wo̱ nome̱ ce̱e̱n á, wo̱a deeg ko-wa-u̱r-ba'as. Komo hun-ne̱ a hoks m-ze̱e̱ wo̱ was u̱n ba'as-de u̱n wu̱ ne̱ á. Amba wo̱, she'et she'et-de u̱n ba m-ku̱ko̱p.

1 Timoti 6:5

Ka hun-ne̱ ye̱ pe̱ne̱g mo̱o̱r-to̱ u̱t-ween. Ye̱ ro̱ u̱n barag-se o-hwaa ne̱, ye̱ kus o-nip ne̱ á. Ka hun-ne̱ ye̱ ro̱ m-hyan do̱r-o̱ Shir yo ken co̱w-yo yo, yo u̱n kum u̱n hwo̱r.

2 Timoti 3:5

Ye̱ ro̱ m-no̱m sa o zee ye̱ u̱n do̱ro̱tte̱-o̱ Shir. Amba ye̱ m-co̱n Shir ja'as rem-u̱s yo̱-se, se̱ ye̱ ro̱ m-no̱m á. No̱m ja u̱n go̱n ka hun-ne̱ ye̱ ne̱.

2 Timoti 4:2

Me̱, Burus, ro̱ wo̱ m-ze̱e̱ o ko̱'o̱t Ma-to̱ Shir. Zo̱nge̱ o ko̱'o̱t Ma-to̱ Shir, da-o̱ hun-ne̱ co̱ne̱ m-ho̱ge̱ à, komo u̱n da-o̱ ye̱ co̱ne̱ ye̱ ho̱ge̱ á. O ru̱re̱ hun-ne̱ ye̱ ja'as, da-o̱ ye̱ no̱me̱ yo depe̱ á, o kwo̱s ye̱. O do ye̱ jaab-o̱ u̱t-me̱n, ye̱ se̱nge̱ u̱n no̱m u̱n rii so̱-yo. No̱m ka rem-se u̱n 'mo̱ u̱r-hur, komo o ma'as ye̱ m-yoose̱ u̱n Ma-to̱ Shir.

Titus 2:15

Remen kaane̱ Titus, u̱m co̱no̱g o yoose̱ yan-dor ye̱ u̱n o-Kirit ka rem-se u̱m ru̱ru̱ wo̱ à. Do ye̱ jaab-o̱ u̱t-me̱n ye̱ no̱m myet ka rem-se, o nek ye̱ u̱t-to̱, o baks u̱nze wo̱ u̱r-be̱e̱b ne̱ de u̱n no̱m u̱n kaane̱. Taase o yage̱ wu̱ ken wu̱ muut ma-u̱t ru hwaa á.

U̱t-Hyangan 18:4

U̱m ho̱gu̱ru̱ o̱ ken co̱r-o̱ rwu̱u̱n-mo̱ n-To̱n o̱ shir o̱ ze̱e̱g, “Hun-ne̱ re o̱, rwu̱u̱n no̱ n-me̱ u̱n o̱! U̱rege̱ no̱ m-no̱m u̱r-ba'as bo̱ ye̱ m-no̱m à, Man 'ye no̱ u̱r-ko̱o̱b bo̱ u̱m he ye̱ m-'ya à.