Apisu-ne̱ 4:2 - Mɑ‑to̱ Shir Taku̱rda-o swo̱r o-nu pu̱-o̱

² Ko̱yanda ma'as no̱ yan-gwe̱gwe̱r-mo̱ u̱r-hi, u̱n 'mo̱ u̱r-hur ne̱, komo no̱ geeg u̱t-me̱n u̱n o̱r no̱ ne̱ ne̱ be-de m-was.

Apisu-ne̱ 4:2 ပူးပေါင်းရင်းမြစ်များ

Matiyos 11:29

Go̱ks no̱ ma-u̱t re, komo no̱ yoos be u̱n de, remen me̱ ko-yan-gwu̱gwe̱r-mo̱ u̱r-hi wu̱, wu̱ ro̱tte̱ m-nu̱ á komo no̱a kum u̱r-wu̱we̱ u̱n hur-u̱r no̱.

Markus 9:19

Ye̱so ze̱e̱ru̱ ka hun-ne̱ ye̱ kap. “No̱ ya-m-mo̱ka, yan-ko̱o̱b-de m-she̱r be u̱n de! ¿Se̱ da u̱n ke o̱ u̱m he m-ma'as u̱n no̱ ne̱? ¿U̱m du̱ngu̱nte̱ u̱n no̱ ne̱, har no̱ bu̱pt ma-u̱t re? No̱ de̱, hantu̱ me̱ no̱ wà.”

Se̱nge̱-mo̱ 20:19

Me̱ m-no̱m u̱n se̱nge̱-m Wan-Ko̱yan u̱n gwu̱gwe̱r-mo̱ u̱r-hi de̱e̱n har m-yish ne̱. U̱m mo̱'o̱g u̱r-hur be-de u̱n meger-to̱ haanu̱ me̱ à be-de u̱n rew-u̱r yo̱-de de Yahuda-ne̱ swo̱ me̱ m-nome̱ à.

Roma-ne̱ 15:1

Na ye̱ ro̱ u̱r-be̱e̱b ne̱ u̱n she̱r-m na à, depete̱ a gu ye̱ ro̱tte̱ u̱r-be̱e̱b á u̱n de̱k u̱n nu̱-se u̱n ye̱. Taase a no̱m co̱n-to̱ u̱n hi u̱n na cot á.

1 Korinti-ne̱ 13:7

Was-m ro̱ u̱n hante̱ u̱n 'mo̱ u̱r-hur be-de u̱n ko̱ yo ke rii-yo. Was-m ro̱ m-hante̱ m-she̱r n-me̱ u̱n ko̱yan, Was-m ro̱ m-hante̱ o-sakto̱ U̱n hwo̱ u̱r-hur ne̱ be-de u̱n ko̱yan.

Garatiya-ne̱ 6:2

Gu no̱ o̱r no̱ ne̱ be-de u̱n de̱k u̱n nu̱-se u̱n ye̱. U̱n kaane̱ no̱ he m-shoos u̱n karamsa-o Kiristi.

Apisu-ne̱ 1:4

Rii-yo Shir nomot o-To̱n o-dak ne̱, wu̱ daagu̱ na, remen wu̱ co̱no̱g na, a waragté̱ kashi u̱n hun-ne̱ komo ba u̱r-ba'as be-de Shir. Remen Shir waste̱ u̱n na ne̱,

Korosiya-ne̱ 1:11

Te̱ komo u̱s-ko̱n be-de Shir wu̱ tor ku̱kt-o no̱ wu̱ 'ye no̱ m-'wo̱ns, be-de u̱n do ye̱ u̱n no̱ be̱e̱b-de u̱n wu̱ de ro̱tte̱ u̱r-me'et á. Te̱ u̱s-ko̱n Shir kaane̱ remen no̱ hoksté̱ m-jo̱o̱se̱ o-zak m-gaag u̱t-me̱n ne̱ be-de u̱n swo̱ u̱r-ko̱o̱b.

1 Timoti 6:11

Amba wo̱ Timoti o she̱re̱g be-de Shir. Bo̱ hun-ne̱ ro̱ m-so̱m be-de u̱n rii yo̱-yo à, so̱m be-de u̱n co̱n-to̱ u̱n hwo̱r de̱e̱n. O ma'as m-gwo̱t u̱n hun-ne̱ u̱r-bon ne̱. O se̱nge̱ no̱m u̱n rii-yo ro̱ u̱r-bon ne̱ à. Myet yo wo̱ m-no̱m à, she'et bo̱ Shir co̱ne̱ o she'et à. She̱r be-de Shir. Was u̱n hun-ne̱ ne̱. No̱m jaab-o̱ u̱t-me̱n u̱n dor-o̱ Shir. Nome̱ hun-ne̱ u̱t-ma u̱n gwu̱gwe̱r-mo̱ u̱r-hi ne̱.

2 Timoti 2:25

Ka da-de, n-me̱ u̱n gwu̱gwe̱r-mo̱ u̱r-hi, wu̱ ke̱we̱s ye̱ ro̱ u̱n yage̱-to̱ u̱n yoos-de u̱n wu̱ à. O̱ ken da-o̱ Shir a 'ye ye̱ o-da, ye̱ waktu̱ne̱ be-de u̱n wu̱, ye̱ nep yo nip-o ro̱ à.

Yakubu 1:21

Ruut no̱ myet rii-yo ro̱ m-hante̱ u̱r-ba'as à, no̱ yage̱ nome̱ u̱n o̱r no̱ ne̱ me̱n-u̱t jaas-to̱. Ka da-de ne̱ u̱n gwu̱gwe̱r-mo̱ u̱r-hi, no̱ go̱ks ka gom-de a yoosu̱ no̱ à. De ro̱ u̱r-be̱e̱b ne̱ de guut ho̱o̱g-m no̱, be-de u̱n swo̱ u̱n ko̱o̱b-de u̱r-ba'as.

1 Bitrus 3:15

Ya no̱ Kiristi u̱r-be u̱n hur-u̱r no̱ komo wu̱ warag Go̱s-wu̱ wu̱ u̱n ho̱o̱g-m no̱. She'et no̱ zo̱ngse̱ no̱ shest da-o̱ wu̱ ken wu̱ citu̱ no̱ ma-to̱ u̱n sakto̱-o no̱. Amba no̱m no̱ kaane̱ u̱n gwu̱gwe̱r-mo̱ u̱r-hi u̱n 'ya m-se̱k ne̱.

1 Bitrus 3:8

U̱r-ko̱m, kap she'et no̱ m-so̱k ne̱ u̱n o̱r no̱ ne̱ ne̱, ko̱ wu̱ ke wu̱ hyen o̱r u̱n wu̱ rii-yo m-was. No̱ hyen u̱r-'wo̱n u̱n gwu̱gwe̱r-mo̱ u̱r-hi ne̱.