Apisu-ne̱ 4:11 - Mɑ‑to̱ Shir Taku̱rda-o swo̱r o-nu pu̱-o̱

¹¹ Kiristi ya'ase̱ hun-ne̱ m-yar. Wu̱ daagu̱ru̱: Ye̱ ken ye̱, ye̱ warag yan-To̱m Ye̱so, Ye̱ ken ye̱ yan-Rwo̱r u̱n Ma-to̱ Shir, Ye̱ ken ye̱ yan-Rwo̱r u̱n Ma-to̱ m-Re̱re̱m, Ye̱ ken ye̱ yan-Gu̱t-de u̱n hun-ne̱ ye̱ Shir, u̱n Ye̱ ken ye̱ ya-u̱r-Yoos ne̱.

Apisu-ne̱ 4:11 ပူးပေါင်းရင်းမြစ်များ

Matiyos 28:20

No̱ yoose̱ yan-dor pu̱'e̱, ye̱ nom o-do̱ro̱tte̱ o̱ u̱n ma-u̱t re u̱n kap o̱ u̱n rii-yo u̱m rwo̱'u̱ no̱ à. Nap no̱ yo ka. Me̱ be-u̱r gaan u̱n no̱ ne̱ u̱r-ho̱ bi har u̱n ta-de ho̱no o-dak.”

Se̱nge̱-mo̱ 13:1

To̱, be-de u̱n hun-ne̱ yan-dor Ye̱so ye̱ ro o-Antakiya à, ye̱ ken yan-Rwo̱r u̱n Ma-to̱ Shir ye̱ ro kon u̱n yan-Yoos-de u̱n Ma-to̱ Shir ne̱. Ye̱ ro: Barnabas, u̱n Simo̱n ne̱ (wu̱ a m-aag Rim-wu̱ à), u̱n Rushiyos ne̱ (ko-ya-o-Kire̱ni), u̱n Manayen ne̱ (wu̱ bo̱'o̱se̱ be-u̱r gaan u̱n Here̱ [Atipas] ne̱ à), komo u̱n Shawuru ne̱.

Se̱nge̱-mo̱ 20:28

Gwo̱t no̱ hi u̱n no̱, komo kap o̱ u̱n hun-ne̱ ye̱ Ku̱kt-o̱ Shir rwo̱'u̱ no̱ m-gwo̱t à. Ye̱ ro̱ u̱ntu̱n kur-o̱ u̱n ca. Komo no̱ he yan-gu̱t-de u̱n hun-ne̱ yan-dor ye̱ Shir kumne̱ hi u̱n de u̱n wu̱ u̱n hyó-m Wà u̱n wu̱ à.

Se̱nge̱-mo̱ 21:8

Gas-o̱ ish, te̱ inu̱ru̱ te̱ haaru̱ bo̱-o̱ o-Kaseriya. Te̱ co̱wu̱ru̱ hur-o Pirip ko-ya-m-Rwo̱r u̱n Ma-to̱ m-Re̱re̱m. Wu̱ wan-gaan-wu̱ be-de u̱n ka ne̱n ta'yoor-ye̱ a daage̱ remen ye̱ wo̱ngté̱ rii-yo m-re̱ be-de u̱n se̱nge̱-mo̱ u̱n hun-ne̱ yan-dor o-Urusharima. Te̱ comsu̱ru̱ be-de u̱n wu̱.

Roma-ne̱ 12:7

U̱rege̱ yar-m ru mo̱ m-gu̱w mo̱, o no̱m m-gu̱w. U̱rege̱ mo̱ u̱r-yoos mo̱, o yoos u̱r-yoos.

1 Korinti-ne̱ 12:4

To̱, yar-mo̱ u̱n Ku̱kt-o̱ Shir ro̱ ko̱n go̱-u̱s-go̱, amba Ku̱kt-o Shir o-gaan, o̱ ro̱ mo̱ m-'ya u̱n hun-ne̱.

Apisu-ne̱ 2:20

A u̱n she̱r no̱ u̱n shi'it-de yan-To̱m Ye̱so, u̱n yan-Rwo̱r u̱n Ma-to̱ Shir ne̱. Ye̱so Kiristi u̱n hi u̱n de u̱n wu̱, wu̱ ro̱ ka ta'ar-o̱ o-kwu̱nt o̱ a meete̱ ka hur-o̱ à.

Apisu-ne̱ 3:5

N-ga, Shir kute̱ hun-ne̱ ye̱ u̱n ka da-o̱ ka zo̱nge̱-to̱ wu̱ no̱me̱ á. Amba m-mo̱ka wu̱ kutusu̱te̱ yan-To̱m Ye̱so, u̱n yan-Rwo̱r u̱n ma-to̱ u̱n wu̱ ne̱ u̱n bu̱-yo u̱n Ku̱kt-o̱ Shir.

Apisu-ne̱ 4:8

Bo̱ Ma-to̱ Shir ze̱e̱ à, “Da-o̱ wu̱ da n-to̱n à, wu̱ deku̱ru̱ yan-yage̱-to̱ u̱n wu̱, ye̱ wu̱ re u̱r-gu̱n à. Komo wu̱ ya'u̱ru̱ hun-ne̱ m-yar go̱-u̱s-go̱.”

2 Timoti 4:5

Amba wo̱ Timoti, o garamse̱ hi u̱n du ko̱yanda. O 'mo u̱r-hur, da-o̱ u̱n swo̱ u̱r-ko̱o̱b. O no̱m se̱nge̱-mo̱ u̱n ko-ya-m-Rwo̱r u̱n Ma-to̱ m-Re̱re̱m, to̱ Shir. O no̱m se̱nge̱-m ru u̱r-bon ne̱, mo̱ Shir ya'asu̱ wo̱, o nom à.

Yahuda-ne̱ 5:12

Cin ya ca á, no̱ u̱n dor Ye̱so har m-mo̱ka, wooste̱ no̱ se̱nge̱ yoose̱ u̱n ye̱ ken. Kap u̱n kaane̱ ne̱, no̱ u̱n co̱no̱g wu̱ he no̱ m-yoose̱ rem-se yan-dor pu̱-ye̱ ro̱ m-yoos be-de u̱n Ma-to̱ Shir à. No̱ u̱ntu̱n yan-yaar ye̱, ye̱ ro̱ m-swo̱ m-yo̱w à, ye̱a hoks m-re̱ u̱t-ga á.

Yahudas 1:17

Amba no̱ ye̱ me̱ m-was u̱n no̱ ne̱ à, baks no̱ rii-yo yan-To̱m Ye̱so ye̱ u̱n Wan-Ko̱yan na Ye̱so Kiristi ru̱ru̱ no̱ à.

U̱t-Hyangan 18:20

No̱m no̱ o-zak, no̱ ye̱ ro̱ u̱r-she'et n-To̱n shir à, no̱m no̱ o-zak no̱ yan-ba-m-ku̱ko̱p, yan-To̱m Ye̱so, u̱n yan-Rwo̱r u̱n Ma-to̱ Shir ne̱. U̱r-ko̱m Shir piishite̱ o-Babira u̱t-ma remen rii-yo o̱ no̱mu̱ no̱ à!’ ”

U̱t-Hyangan 21:14

Komo wur-o̱ u̱n ka bo̱-o̱ a u̱n ma o̱ n-to̱n u̱n shi'it-u̱t o̱p u̱n yoor-to̱ u̱t-ta'ar. Komo n-to̱n u̱n to̱ kane̱ a gene̱ jin-to̱ u̱n yan-To̱m Ye̱so o̱p u̱n yoor-ye̱ u̱n ka Ya o-Rwu̱u̱g o-Ca yo.