Apisu-ne̱ 3:10 - Mɑ‑to̱ Shir Taku̱rda-o swo̱r o-nu pu̱-o̱

¹⁰ Yo Shir co̱ne̱ à yo ro̱: yan-dor Ye̱so, ye̱ ko̱'o̱t nap-se Shir, se aragte̱ u̱s-nap myet. M-mo̱ka, ye̱ ru̱re̱ kap ya-u̱t-gwo̱mo u̱n ya-u̱r-be̱e̱b ne̱ u̱n be-to̱ n-to̱n.

Apisu-ne̱ 3:10 ပူးပေါင်းရင်းမြစ်များ

Roma-ne̱ 11:33

Nip-o̱ du̱w-de u̱n we̱e̱r-se Shir u̱n nap-se u̱n wu̱ ne̱ ro̱tt u̱r-ma á, piish u̱t-ma to̱ u̱n wu̱ argu̱te̱ m-cit. Rii-yo wu̱ ro̱ m-nom à peste̱ nap-se u̱n ne̱t.

Roma-ne̱ 8:38

U̱m nepste̱ ko̱ hiin sea wo̱o̱ngsu̱ na u̱n was-mo̱ Shir ro̱ na m-was u̱n Kiristi Ye̱so Wan-Ko̱yan na á: ko̱ m-mar, ko̱ ho̱o̱g, ko̱ yan-to̱m-ye̱ Shir, ko̱ ko-Gwo̱mo-wu̱ u̱n ya-u̱t-ko̱t, ko̱ m-mo̱ka, ko̱ da-o̱ ro̱o̱ne̱ à, ko̱ yan-go̱ u̱n gwo̱mo-to̱, ko̱ m-pipir, ko̱ u̱r-du̱w, ko̱ yo ken rii-yo u̱n ho̱n, myet se bo'os se wo̱ngse̱ na u̱n was-mo̱ Shir ne̱ á.

1 Korinti-ne̱ 1:24

Amba ma-to̱ te̱ m-rwo̱r à to̱ ro̱, Kiristi be̱e̱b-de Shir de u̱n nap-se u̱n wu̱ ne̱ be-de u̱n ye̱ a aage̱ à, ko̱ Yahuda-ne̱, ko̱ ye̱ ro̱ Yahuda-ne̱ á.

1 Korinti-ne̱ 2:7

Amba te̱ u̱t-ma u̱n nap-se Shir wukusse̱, se hun-ne̱ ro nakke̱ á, se ro̱ nap-se Shir se wu̱ daage̱ remen se̱ps-m na cin ba a ro̱ no̱mo̱g ho̱no o-dak à. N-ga Shir kute̱ ko̱ wan-gaan ka napse̱ á.

Apisu-ne̱ 1:21

Kiristi ro̱ u̱n gwo̱mo-to̱ u̱n gwo̱mo-ne̱, u̱r-be̱e̱b ne̱ m-'wo̱ns ne̱ u̱t-gwo̱mo ne̱. Wu̱ ro̱ u̱r-jin ne̱ de arge̱ ko̱ de ke jin-de à de a he m-aag à, ba u̱n ho̱n m-mo̱ka cot à, har da-o̱ ro̱o̱ne̱ à.

Apisu-ne̱ 1:23

Yan-dor Ye̱so ye̱ ro̱ u̱ntu̱n wu̱r-o Kiristi. Yan-dor ro̱ u̱n kum u̱n be̱e̱b-de u̱n ye̱ be-de wu̱. Kiristi ro̱ u̱n nom u̱s-rem n-me̱ u̱n na, u̱ntu̱n bo̱ wu̱ no̱me̱ u̱s-rem u̱n be̱e̱b-de u̱n wu̱ u̱n ho̱no o-dak à.

Apisu-ne̱ 1:3

A bu̱m no̱ Shir, Tato-o Wan-Ko̱yan na, Ye̱so Kiristi. Wu̱ ya'asu̱ na myet rii-yo u̱r-bon yo rwu̱u̱ne̱ n-To̱n u̱n shir à. Wu̱ u̱n no̱m kaane̱ remen wu̱ guut ku̱kt-u̱t na. Wu̱ u̱n no̱m kaane̱ remen a mo̱ssu̱te̱ hi-u̱t na be-u̱r gaan u̱n Kiristi ne̱.

Apisu-ne̱ 1:8

Komo wu̱ duusu̱tu̱ na myet u̱s-we̱e̱r, u̱s-nap ne̱ de̱e̱n, remen ka yar-mo̱.

Apisu-ne̱ 6:12

Me̱ u̱n ze̱e̱ kaane̱ remen gu̱n-u̱r na de u̱n hun-ne̱ de á. Amba dum-mo̱ atte̱ u̱n yan-dak-ye̱ rim-ye̱ ne̱ u̱n myet gwo̱mo-ne̱ ye̱ u̱n ya-u̱t-ko̱t ye̱ ro̱ be-to̱ ro̱ n-to̱n à. Komo ye̱ ro̱ u̱t-gwo̱mo u̱n ka dak-o̱ o-comb o̱.

Korosiya-ne̱ 1:16

U̱n bu̱-yo ka Wà-wu̱, Shir no̱me̱ ko̱yan yo ro̱ n-To̱n komo o-dak ne̱ à, myet yo a m-hyan ne̱ komo u̱n yo a m-hyane̱ ne̱ á. Mo̱sse̱ u̱n wu̱ ne̱ a no̱me̱ hun-ne̱ ye̱ ro̱ u̱t-gwo̱mo à. Yagu̱nte̱ yan-to̱m-ye̱ Shir u̱n to̱ ken ku̱kt-to̱ ne̱. Komo ko̱yan u̱n co̱w-yo u̱n wu̱ a nomte̱ yo, remen ko̱yan yo ye'et wu̱ m-se̱k.

Korosiya-ne̱ 2:10

Komo a mo̱ssu̱te̱ no̱ u̱n Kiristi, remen kaane̱ no̱ ro̱ u̱n ko̱yan ne̱, yo no̱ co̱ne̱ à yo o-Ku̱kt. Wu̱ wu̱ ro̱ u̱n gwo̱mo-to̱ u̱n ko̱yan yo ro̱ u̱t-gwo̱mo à.

Korosiya-ne̱ 2:15

Ba ba'as-u̱t na Shir sokse̱ cot á amba komo wu̱ jeste̱ gwo̱mo-to̱ u̱n ko-caari-wu̱ u̱n gwo̱mo-to̱ u̱t-ku̱kt yo̱-to̱. Wu̱ kutute̱ ko̱wan cas cas u̱nze wu̱ re̱e̱g ye̱ u̱r-gu̱n u̱n bu̱-yo Kiristi merte̱ n-to̱n o-kan à.

1 Timoti 3:16

Nip-o̱, m-she̱r be-de Shir ro̱ m-'wo̱ns ne̱ ko̱ de nomte̱ se ken rem-se ro̱ko̱n wukusse̱ à: Ye̱so haante̱ n-me̱ o-wu̱r u̱ntu̱n o̱ ma na, Ku̱kt-o̱ Shir kutute̱ na wu̱ kashi u̱n ne̱t-wu̱. Yan-to̱m-ye̱ Shir ye̱ hyanag wu̱. Yan-dor Ye̱so ko̱'o̱te̱ ma-to̱ u̱n wu̱ be-de hun-ne̱ kap ho̱no o-dak. Hun-ne̱ go̱kste̱ kà ko̱'o̱t-o̱ be-u̱t-be ho̱no o-dak kap. Shir de̱ku̱ wu̱ ha-m o̱ n-To̱n be-de m-se̱ps.

1 Bitrus 1:12

Amba Shir kutute̱ ká yan-Rwo̱r u̱n Ma-to̱ Shir ye̱ u̱nze, ye̱ ro̱ no̱ m-nome̱ m-gu̱w ba hi u̱n de u̱n ye̱ á. Ka rem-se ye̱ rwo̱re̱ n-ga à mo̱sse̱ u̱n Kiristi ne̱, m-mo̱ka ye̱ ken hun-ne̱ ye̱ ru̱ru̱tu̱ no̱ Ma-to̱ m-Re̱re̱m u̱n bu̱-yo u̱n Ku̱kt-o̱ Shir, o̱ a to̱mne̱ rwu̱u̱n-mo̱ n-To̱n u̱n shir à. Ka nip-o̱ o̱ mo̱sse̱ u̱n bo̱ Shir ruru na ne̱ à, o̱ yan-to̱m ye̱ Shir co̱ne̱ m-byarag à.

1 Bitrus 3:22

Kiristi ro̱ m-mo̱ka n-To̱n, so̱ u̱n re̱-de Shir. Yan-to̱m-ye̱ Shir, u̱t-gwo̱mo, komo m-'wo̱ns ne̱ kap ro̱ u̱n kom-to̱ u̱n wu̱.