Apisu-ne̱ 2:8 - Mɑ‑to̱ Shir Taku̱rda-o swo̱r o-nu pu̱-o̱

⁸ Wu̱ u̱n gu no̱ ba remen rii-yo u̱r-bon yo no̱ no̱me̱ á, amba remen yar-mo̱ Shir. Komo wu̱ u̱n no̱m kááne̱ remen no̱ she̱re̱g u̱n yo Ye̱so no̱me̱ à, ba remen hi u̱n no̱ á, yar-mo̱ Shir mo̱.

Apisu-ne̱ 2:8 ပူးပေါင်းရင်းမြစ်များ

Matiyos 16:17

Ye̱so shasu̱ru̱, wu̱ zee, “Simo̱n wà Yohana, wo̱ ko-ya-o-kwu̱m-wu̱! Remen Tato re wu̱ ro̱ n-To̱n shir à, wu̱ kutu̱ wo̱ to̱ ka, ba ne̱t á.

Matiyos 20:9

“Da-o̱ a to̱pe̱ ka ye̱ haane̱ hohond-mo̱ u̱n kwo̱m-u̱s taan à, ko̱ wu̱ ke go̱ksu̱ru̱ rii-yo depe̱ a top wu̱ u̱n taas u̱r-ho̱ à.

Markus 16:16

Bo̱ u̱n wu̱ she̱re̱ u̱n ka Ma-to̱ m-Re̱re̱m to̱ à, komo a yo'os wu̱ m-ho̱, Shir a sokse̱ wu̱ ba'as-to̱ u̱n wu̱. Amba wu̱ she̱re̱ u̱n ka Ma-to̱ m-Re̱re̱m to̱ á a piishe̱ wu̱ u̱t-ma u̱ntu̱n wa-u̱r-ba'as a 'ye wu̱ u̱r-ko̱o̱b.

Ruka 7:50

Amba Ye̱so ze̱e̱ru̱ ka ne'a-wu̱, “Shir guug wo̱ remen o she̱re̱g be u̱n de, arag u̱n gwu̱gwu̱-mo̱ u̱r-hur.”

Yohana 3:36

Wu̱ she̱re̱ hur-de u̱n wu̱ u̱n Wà-wu̱ Shir à, wu̱a kum ho̱o̱g-o̱ Shir o̱ ba m-ta. Ye̱ no̱me̱ ne̱ o-do̱ro̱tte̱ u̱n ka Wà-wu̱ ne̱ á, ye̱a hyen ho̱o̱g á, ryaab-se Shir ro̱ be-de u̱n ye̱.”

Yohana 4:10

Ye̱so ze̱e̱ru̱ ka ne'a-wu̱, “Wo̱ ro nakke̱ yar-mo̱ Shir, u̱n wu̱ wu̱ to̱mne̱ ne̱ à, o roa cit ka wu̱ ro̱ wo̱ u̱s-ko̱n o 'ye wu̱ m-ho̱ wu̱ su̱ à, wu̱ roa 'ye wo̱ ne̱ ho̱-mo̱ u̱n ho̱o̱g o su̱.”

Yohana 5:24

Me̱ no̱ m-ru̱re̱ o-nip, kap ne̱t-wu̱ ro̱ m-ho̱ge̱ ma-u̱t re à, wu̱ ro̱ m-she̱r u̱n hur-de u̱n wu̱, u̱n wu̱ to̱mne̱ me̱ komo ne̱ à, wu̱ ro̱ u̱n ho̱o̱g-o̱ u̱n ba m-ta ne̱. A piishe̱ wu̱ u̱t-ma á, remen wu̱ be'essu̱te̱, wu̱ possu̱ssu̱te̱ m-mar, wu̱ wo̱o̱g be-de u̱n kum u̱n ho̱o̱g.

Yohana 6:35

Ye̱so ze̱e̱ru̱ ye̱, “Me̱ ro̱ buro̱di-to̱ u̱n ho̱o̱g. Ko̱wan wu̱ haane̱ be u̱n de, wu̱a arag u̱n me̱r á. Wu̱ she̱re̱ u̱n me̱ à, wu̱a do ho̱ge̱ o-swo̱o̱t á.

Yohana 6:37

Kap ye̱ Tato-o ya'e̱ me̱ à ye̱a haan be u̱n de. Komo bo̱ u̱n wu̱ haane̱ be u̱n de à, man yen wu̱ á.

Yohana 6:40

Remen barag-u̱s Tato re se ro̱, kap bo̱ u̱n ne̱t-wu̱ gwo̱te̱ Wà komo wu̱ she̱r u̱n wu̱ à, wu̱a kum ho̱o̱g-o̱ ba m-ta. Komo man 'yons wu̱ ho̱-de u̱r-ko̱m u̱n ho̱o̱g ne̱.”

Yohana 6:44

Remen yatt-wu̱ he hoks m-haan be u̱n de á, se̱ de̱ Tato-o̱ to̱mne̱ me̱ à wu̱ nakne̱ wu̱ be u̱n de. Me̱ ne̱ komo, man 'yons wu̱ ho̱-de u̱r-ko̱m.

Yohana 6:65

Wu̱ dooru̱ m-ze̱e̱, “O̱ u̱m zette̱ no̱, yatt-wu̱ he hoks m-haan be u̱n de à, se̱ de̱ wu̱ Shir o-Tato ya'e̱ co̱w-yo wu̱ haante̱ be u̱n de à.”

Se̱nge̱-mo̱ 13:39

Komo be-de u̱n wu̱ o̱ kap bo̱ u̱n wu̱ she̱re̱ o-nip à, wu̱ waragte̱ kashi u̱n ne̱t u̱n hyan-mo̱ Shir, rii-yo karamsa-o Mosa kuse̱ ba o̱ u̱n pya ke̱e̱r-de u̱n to̱ à.

Se̱nge̱-mo̱ 14:27

Bo̱ ye̱ wo̱o̱nte̱ à, ye̱ mo̱ro̱gsu̱ hun-ne̱ yan-dor Ye̱so ye̱ rwo̱ru̱ kap rii-yo Shir no̱me̱ be-de u̱n ye̱ à, komo u̱n bo̱ wu̱ tikshe̱ ye̱ ro̱ Yahuda-ne̱ á ish-o̱ m-she̱r o-nip à.

Se̱nge̱-mo̱ 15:11

Amba a she̱re̱g u̱nze be-de u̱n yar-m Wan-Ko̱yan Ye̱so a kum gwu̱, u̱ntu̱n ye̱ ma bo̱ ye̱ kume̱ à.”

Se̱nge̱-mo̱ 16:14

Wu̱ ken ne'a-wu̱ ro kon jin-de u̱n wu̱ Ridiya, “Wan-se̱ps u̱n Shir,” wu̱ ro te̱ m-ho̱ge̱. Wu̱ ko-yan-bo̱-o̱ o-Tiyatira wu̱, wu̱ ro m-baab u̱n gund-u̱t jaas-to̱ to̱ u̱n hwo̱r. Wan-Ko̱yan tikshte̱ hur-de u̱n wu̱, har wu̱ e̱ste̱ u̱r-hi wu̱ raks rii-yo Burus rwo̱re̱ à.

Se̱nge̱-mo̱ 16:31

Ye̱ komo ye̱ ze̱e̱ru̱, “She̱r u̱n Wan-Ko̱yan Ye̱so, wo̱ u̱n yakar ru ne̱, no̱a kum gwu̱.”

Roma-ne̱ 10:14

¿Amba re ye̱ he m-aag u̱n wu̱ ye̱ she̱re̱ be-de u̱n wu̱ á? ¿Re ye̱ he m-she̱r u̱n wu̱ ye̱ ho̱ge̱ ma-to̱ u̱n wu̱ á? ¿Re ye̱ he m-ho̱ge̱ u̱rege̱ a kum wu̱ he ye̱ m-ko̱'o̱te̱ á?

Roma-ne̱ 10:17

Remen kaane̱, she̱r-m ro̱ m-haan be u̱n na u̱n bu̱-yo u̱n ho̱ge̱ u̱n Ma-to̱ Shir, komo a m-ho̱ge̱ u̱n Ma-to̱ Shir u̱n bu̱-yo u̱n yan-ko̱'o̱t u̱n ma-u̱t Kiristi.

Roma-ne̱ 4:16

Remen kaane̱, she̱r-mo̱ ro̱ 'wu̱n-de u̱t-ma kap. Shir u̱n ya'as na swo̱r o-nu o̱ u̱n wu̱ m-yar, hur-u̱r gaan. A go̱kste̱ o̱, yanze remen a no̱mo̱g o-do̱ro̱tte̱ o̱ o-karamsa á, amba remen she̱r-m na u̱ntu̱n she̱r-m Ibrahi. Ibrahi wu̱ ro̱ tato na kap.

Roma-ne̱ 4:5

Amba Shir ro̱ muut u̱n ya-u̱r-ba'as kashi be-de u̱n wu̱ remen she̱r-mo̱ u̱n ye̱, yanze remen se̱nge̱-mo̱ u̱n ye̱ á.

Roma-ne̱ 9:16

Yanze remen co̱n-mo̱ u̱n ne̱t ko̱ se̱nge̱-mo̱ u̱n wu̱ á, amba u̱n 'wo̱n-de Shir cot.

Garatiya-ne̱ 3:14

Kiristi rurug na remen ka kwu̱m-o̱ a hu̱'e̱ Ibrahi à, ye̱ ro̱ Yahuda-ne̱ á ye̱ kumut ka kwu̱m-o̱ be-u̱r Kiristi Ye̱so. U̱n kaane̱, na ma, be-de m-she̱r, a hoks m-kum u̱n ka Ku̱kt-o̱ Shir swo̱re̱ o-nu à.

Garatiya-ne̱ 3:22

U̱n su̱ge̱-de u̱n kaane̱, gense̱ to̱ ro̱ u̱n Ma-to̱ Shir u̱nze, ho̱no o-dak kap ro̱ u̱n ku̱s-o̱ u̱r-ba'as. ¿Remen ya? Shir u̱n yage̱ yo ka korot remen wu̱ ya'asté̱ swo̱o̱ru̱ nu-o̱ wu̱ no̱me̱, be-de ye̱ she̱re̱ be-u̱r Ye̱so Kiristi à.

Apisu-ne̱ 1:19

Me̱ u̱s-ko̱n komo no̱ nept be̱e̱b-de u̱n wu̱ jiishte̱ kap, de ro̱ na m-gu ye̱ she̱re̱ be-de u̱n wu̱ à. Ka be̱e̱b-de ro̱ be-u̱r na à gaan-to̱,

Apisu-ne̱ 2:10

Na no̱m-mo̱ Shir mo̱. Wu̱ u̱n no̱m na pu̱-ye̱ u̱n Ye̱so Kiristi, remen a nomot rem-se u̱r-bon se wu̱ zo̱ngse̱ cin n-ga à.

Apisu-ne̱ 2:5

da-o̱ a ro u̱ntu̱n margan-ne̱ remen ba'as-u̱t na à, Shir ya'ag na ho̱o̱g pu̱-o̱ bo̱ wu̱ 'yonse̱ Kiristi u̱t-marimar u̱n ho̱o̱g pu̱-o̱ ne̱ à. Wu̱ guug na remen yar-mo̱ u̱n wu̱ cot.

Piripi-ne̱ 1:29

U̱m ze̱e̱g yo ka, remen Shir ya'ag no̱ da-o̱ u̱n go̱ks u̱n ma-u̱t Kiristi, komo Shir ya'ag no̱ o-da no̱ su̱ u̱r-ko̱o̱b u̱n wu̱ ne̱.

Korosiya-ne̱ 2:12

Da-o̱ a yo'osu̱ no̱ m-ho̱ à, kutute̱ na u̱nze a jo̱k she'et-de u̱n ba'as-u̱t no̱ bo̱ a jo̱ke̱ Kiristi à. A 'yonstu̱ no̱ bo̱ a 'yonse̱ Kiristi u̱n ho̱o̱g-m pu̱-mo̱ à. Yo ka u̱n nome̱ remen no̱ she̱re̱g u̱nze Shir ye̱ 'yonse̱ Kiristi u̱n ho̱o̱g, wu̱ ro̱ komo u̱n gwo̱mo-to̱ u̱n no̱m u̱n kaane̱ ne̱.

2 Tasaronika-ne̱ 1:9

A 'ye ye̱ ko̱o̱b-de ba m-ta, a dos ye̱ u̱n co-o Wan-Ko̱yan u̱n se̱ps-mo̱ u̱n be̱e̱b-de u̱n wu̱ ne̱.

Yahuda-ne̱ 6:4

Ka ye̱ she̱re̱ be-de Shir à, ka da-de ye̱ 'yaru̱ru̱ yo Ye̱so no̱mu̱ ye̱ à n-to̱n o-kan, ye̱a ho̱ks m-waktu̱ne̱ be-de Shir komo á, ra no̱me̱ á. Ka ye̱ nape̱ nip-o̱ Shir à, Ka ye̱ rake̱ yar-mo̱ u̱n To̱n-o shir n-me̱ u̱n Ma-to̱ u̱n Shir à, Komo ye̱ go̱kste̱ wo̱ng-de u̱n ye̱ de Ku̱kt-o Shir, u̱n be̱e̱b-de a he ye̱ m-'ya à, n-me̱ u̱n ho̱o̱g-o̱ ro̱o̱ne̱ à, ye̱a hoks m-waktu̱ne̱ be-de Shir komo á. Ye̱a hoks m-waktu̱ne̱ komo á, remen ye̱ 'yarag Ye̱so u̱r-seke̱ de u̱n wu̱ ne̱. Ye̱ ro̱ u̱ntu̱n ká hun-ne̱, ye̱ kame̱ Ye̱so to̱n-o ce à. Ye̱ ro̱ u̱ntu̱n ká hun-ne̱, ye̱ yo'oge̱ Ye̱so be-de hun-ne̱ komo à.

1 Bitrus 1:5

Remen she̱r-m no̱, Shir a 'er no̱ u̱n be̱e̱b-de u̱n wu̱ har no̱ go̱kste̱ ká gwu̱-o̱ ro̱ zo̱ngse̱ o̱ rwu̱u̱nte̱ ho̱-de u̱r-ko̱m à.