Apisu-ne̱ 2:22 - Mɑ‑to̱ Shir Taku̱rda-o swo̱r o-nu pu̱-o̱

²² Remen a mo̱ssu̱te̱ u̱n Kiristi ne̱, a m-ma no̱ mo̱sse̱ u̱n ye̱ ken ye̱ ne̱ remen no̱ waragté̱ o-hur be-de Shir ro̱ u̱r-she'et à u̱n Ku̱kt-o̱ u̱n wu̱.

Apisu-ne̱ 2:22 ပူးပေါင်းရင်းမြစ်များ

1 Korinti-ne̱ 3:16

¿No̱ nap u̱nze no̱ u̱n hi u̱n no̱ Pyo-o̱ Shir o̱ no̱ ro̱ á, be-de Shir ro̱ m-she'et?

1 Korinti-ne̱ 3:9

Remen te̱ yan-gu̱w-mo̱ Shir ye̱, komo no̱ yan-dor u̱n bo̱-o̱ o-Korinti kat-o̱ Shir o̱. Mà-to̱ Shir no̱ ro̱ komo.

1 Korinti-ne̱ 6:19

¿Ko̱ no̱ nap u̱nze wu̱r-u̱t no̱ pyo-o̱ u̱n Ku̱kt-o̱ Shir o̱, o̱ ro̱ be u̱n no̱, komo o̱ rwu̱u̱ne̱ be-de wu̱ á? Komo no̱ ye̱ yan-be̱e̱b-de u̱n hi u̱n no̱ á, amba Shir.

2 Korinti-ne̱ 6:16

¿Ya mo̱sse̱ Pyo-o̱ Shir u̱n pyo-o̱ m-gir ne̱? Na Pyo-o̱ Shir o̱, o̱ u̱n ho̱o̱g. Bo̱ Shir ze̱e̱ à, “Man she'et mo̱sse̱ u̱n ye̱ ne̱, u̱m tu̱we̱ n-me̱ u̱n ye̱. Man warag Shir o̱ u̱n ye̱, ye̱ komo ye̱a warag hun-ne̱ re.”

Apisu-ne̱ 3:17

Komo me̱ u̱s-ko̱n se Shir, bo̱ Kiristi he m-she'et ko̱yanda u̱n hur-u̱t no̱ remen no̱ she̱re̱g u̱n wu̱ à. Me̱ u̱s-ko̱n no̱ cu̱n Shir, u̱n o̱r no̱ ne̱. Ká co̱n-to̱ a doo no̱ m-'wo̱ns.

1 Yohana 3:24

Ye̱ ro̱ o-do̱ro̱tte̱ u̱n karamsa-o Shir à ye̱ ro̱ n-me̱ u̱n Shir, Shir ro̱ komo n-me̱ u̱n ye̱. Kaane̱ a nape̱ u̱nze wu̱ ro̱ n-me̱ u̱n na: A u̱n nap to̱ kà remen Ku̱kt-o̱ wu̱ ya'u̱ na à.

1 Yohana 4:13

Shir ya'aste̱ Ku̱kt-o̱ u̱n wu̱, u̱n ka co̱w-yo a nepte̱ a kang-o gaan u̱n wu̱ ne̱, bo̱ wu̱ ro̱ kang-o gaan u̱n na ne̱ à.

1 Yohana 4:16

A nak, tomso ne̱ a she̱re̱g o-nip u̱n was-mo̱ Shir no̱me̱ na à. Shir was-mo̱ u̱rege̱ a se̱ngu̱te̱ m-was u̱n o̱r na ne̱, a ma'as kang-o gaan u̱n hur-u̱t na u̱n Shir ne̱, komo Shir a ma'as kang-o gaan be-u̱r na.