Apisu-ne̱ 1:15 - Mɑ‑to̱ Shir Taku̱rda-o swo̱r o-nu pu̱-o̱

¹⁵ Remen kaane̱ kap yo Shir no̱me̱ à, me̱ u̱n ko̱n-se Shir rem no̱. Cin da-o̱ u̱m ho̱ge̱ she̱r-m no̱ be-u̱r Ye̱so Wan-Ko̱yan à u̱n was-m no̱ ne̱ be-de u̱n yan-dor Ye̱so à,

Apisu-ne̱ 1:15 ပူးပေါင်းရင်းမြစ်များ

Se̱nge̱-mo̱ 20:21

U̱m nak Yahuda-ne̱ u̱n ye̱ ro̱ Yahuda-ne̱ á u̱t-to̱ kap ma-to̱ m-waktu̱ne̱ be-de Shir, komo ye̱ m-she̱r o-nip be-u̱r Wan-Ko̱yan na Ye̱so.

Roma-ne̱ 1:8

U̱r-takan, u̱m bo̱mo̱g Shir re u̱n jin-u̱r Ye̱so Kiristi rem no̱ kap, remen ho̱no o-dak hun-ne̱ ro̱ u̱n m-ho̱ge̱ u̱n ma-to̱ u̱n she̱r-m no̱.

Garatiya-ne̱ 5:6

Remen a ro n-me̱ u̱n Kiristi Ye̱so, ko̱ u̱r-ko̱ ko̱ ba u̱r-ko̱ yo ken rii-yo yo á be-u̱r na. Amba rii-yo Shir co̱ne̱ cot à yo ro̱ ne̱t she̱r be-u̱r Kiristi, komo ho̱o̱g-mo̱ u̱n wu̱ ro̱ m-kute̱ wu̱ co̱no̱g Shir u̱n hun-ne̱ ne̱.

Apisu-ne̱ 1:1

Me̱ wu̱ Burus, ko-wan-To̱m Ye̱so Kiristi, remen Shir co̱ne̱ kaane̱. Me̱ no̱ m-gene̱ u̱n ka taku̱rda-o̱, no̱ hun-ne̱ ye̱ Shir u̱n bo̱-o̱ o-Apisu, ye̱ ro̱ u̱n do̱re̱ u̱n Ye̱so Kiristi hur-u̱r gaan à.

Apisu-ne̱ 3:18

Remen kaane̱, me̱ u̱s-ko̱n myet hun-ne̱ ye̱ Shir a hoks m-nap bo̱ wu̱ wasse̱ u̱n na ne̱ à. Wu̱ co̱no̱g na ba u̱r-ma. Komo yatt-wu̱ he to̱ hoks m-me'es á remen mo̱ ro̱ de̱e̱n.

1 Tasaronika-ne̱ 1:3

Te̱ m-baks u̱n se̱nge̱-m no̱ ne̱ mo̱ m-she̱r u̱n co-o̱ Shir Tato na u̱n se̱nge̱-mo̱ no̱tte̱ à remen no̱ was hun-ne̱. Da-o̱ hun-ne̱ ya'u̱ no̱ u̱r-ko̱o̱b à, no̱ u̱n 'mo̱ u̱r-hur ne̱ remen no̱ ro̱ o-sakto̱ ne̱ n-me̱ u̱n Wan-Ko̱yan na Ye̱so Kiristi.

1 Tasaronika-ne̱ 4:9

M-mo̱ka mo̱sse̱ u̱n was u̱n o̱r no̱ ne̱ ne̱ komo, ba se̱ wu̱ ken wu̱ genete̱ no̱ á, remen no̱ u̱n hi u̱n no̱ Shir o̱ yoosu̱ no̱, no̱ was u̱n o̱r no̱ ne̱ ne̱.

2 Tasaronika-ne̱ 1:3

O̱r te̱ ne̱, depete̱ te̱ bu̱m Shir ko̱ de ke ho̱-de rem no̱, komo kaane̱ ro̱ u̱r-bon ne̱, remen she̱r-m no̱ ro̱ m-bo̱'o̱se̱, komo was-mo̱ no̱ wasse̱ o̱r no̱ ne̱ à mo̱ ro̱ m-do̱.

1 Timoti 1:14

Wan-Ko̱yan na ya'ag me̱ yar-mo̱ Shir de̱e̱n. Wu̱ ya'u̱ru̱ me̱ m-she̱r, m-was ne̱, mo̱ rwu̱u̱ne̱ be-u̱r Kiristi Ye̱so à.

1 Timoti 1:5

Yo a co̱ne̱ ko̱ wu̱ ke wan-dor o̱ Shir wu̱ nom à, yo ro̱ m-was u̱n o̱r u̱n wu̱ ne̱ ne̱. Ka was-mo̱ a rwu̱u̱n u̱n hur-u̱r pus-de, u̱n hur-u̱r gaan ne̱, komo u̱r-hur ne̱ de m-she̱r be-de Shir cot.

Pirimo̱n 1:5

remen u̱m ho̱gu̱te̱ wo̱ m-was u̱n hun-ne̱ ye̱ Shir ne̱ kap, m-she̱r ne̱ mo̱ wo̱tte̱ à, be-u̱r Wan-Ko̱yan Ye̱so.

Yahuda-ne̱ 6:10

Taase no̱ zee Shir ro̱ m-was u̱n se̱nge̱-m no̱ ne̱ á. Wu̱ ro̱ m-was u̱n mo̱ ne̱. Wu̱a top ko̱ wu̱ ke ne̱t-wu̱ se̱nge̱-mo̱ u̱n wu̱. No̱ ye̱ ro̱ m-was u̱n wu̱ ne̱ à, no̱ ye̱ kutu̱ wu̱ m-was be-de u̱n yan-dor ye̱ u̱n wu̱ à. Har m-mo̱ka no̱ ro̱ ye̱ m-gu.

1 Bitrus 1:22

M-mo̱ka no̱ muste̱ hi u̱n no̱ ba u̱t-ri'in u̱n do̱ro̱tte̱-o̱ o-nip remen no̱ kumut was-m o̱r no̱ ne̱. Was no̱ o̱r no̱ ne̱ cin u̱n hur-u̱r no̱, komo u̱n hur-u̱r pus-de ne̱.

1 Yohana 3:17

Ne̱t-wu̱ hyane̱ wu̱ ro̱ u̱n rii-yo m-re̱ ne̱ à, wu̱ hyanu̱ru̱ o̱r ru wu̱ wu̱ ka wu̱ ro̱tt rii á, wu̱ ne̱, wu̱ 'ya wu̱ á, ¿was-mo̱ Shir ro̱ u̱n hur-de u̱n wu̱ o̱ ka?

1 Yohana 4:21

Karamsa-o̱ Shir ya'asu̱ na à o̱ ro̱, “Was no̱ u̱n Shir ne̱ komo no̱ was o̱r no̱ ne̱.”