2 Timoti 3:13 - Mɑ‑to̱ Shir Taku̱rda-o swo̱r o-nu pu̱-o̱

¹³ Amba yan-me̱n-u̱t jaas-to̱, u̱n ya-u̱t-raks ne̱, she'et-de u̱n ye̱ u̱r-yo̱-de a do m-ha n-co n-co. Ye̱ ro̱ u̱n raks u̱n hun-ne̱, u̱n ce u̱n ye̱, a ye̱ u̱t-raks.

2 Timoti 3:13 ပူးပေါင်းရင်းမြစ်များ

2 Korinti-ne̱ 6:8

A te̱ m-se̱ps, a te̱ komo ne̱ m-yo'og, a te̱ bo̱m, a te̱ komo ne̱ u̱t-re̱e̱b. A mustu̱ te̱ ya-u̱t-bo̱, myet u̱n kaane̱ ne̱, te̱ m-rwo̱r o-nip.

1 Timoti 4:1

Ku̱kt-o̱ Shir ru̱ru̱tu̱ na cas u̱nze u̱n kà ho̱-to̱ u̱r-ko̱m to̱, ye̱ ken ye̱ a yage̱ m-she̱r be-de u̱n yoos-de o-nip de u̱n Ma-to̱ Shir. Ye̱a she̱r be-de u̱n yoos-de u̱n ya-u̱t-bo̱, to̱ rwu̱u̱ne̱ be-de u̱n ya-u̱t-ko̱t à.

2 Timoti 3:8

Ye̱ ro̱ u̱ntu̱n Jenis u̱n Jambaras ne̱ ye̱ nome̱ Mosa u̱r-shoob n-ga n-ga à. Ka bo̱-se o̱, ka hun-ne̱ ye̱ ro̱ u̱r-shoob u̱n rii-yo ro̱ o-nip à. Barag-se u̱n ye̱ ro̱tt u̱r-bon á, she̱r-mo̱ u̱n ye̱ komo mo̱ u̱t-bo̱ mo̱.

Titus 3:3

A ro m-raag ne̱ n-ga, sa o zee hun-ne̱ ye̱ yage̱ m-she̱r be-u̱r Ye̱so m-mo̱ka à. A ro u̱n ko̱o̱b-de o-do̱ro̱tte̱, komo hun-ne̱ ro rakstu̱ na. Sa o zee gu̱w-ne̱ a ro'e̱, ye̱ go̱p-de u̱n no̱m u̱n rem-se u̱n me̱n-u̱t jaas-to̱ garamse̱ à, se ye̱ ro̱ m-ho̱ge̱ re̱re̱m-mo̱ m-no̱m à. N-ga a ro shiishe̱ u̱n me̱n-u̱t jaas-to̱, u̱r-shoob ne̱, ye̱ kututu̱ na u̱t-yage̱, na u̱n cen na, a ro̱ u̱t-yage̱ u̱n ye̱ ne̱.

2 Bitrus 2:20

Me̱ u̱n ze̱e̱ yo ka mo̱sse̱ u̱n yan-yoos-de u̱t-bo̱ ne̱ remen ye̱ rwu̱nte̱ be-de u̱n rii-yo ba u̱r-bon yo u̱n ho̱no o-dak yo ro̱ m-naas u̱n hur-de u̱n hun-ne̱ à. Yo ka u̱n nome̱ remen ye̱ nak Ye̱so Kiristi wu̱ ro̱ Wan-Ko̱yan u̱n Wan-Gwu̱ ne̱. Amba m-mo̱ka ye̱ yagu̱te̱ rii yo̱-yo hoks ye̱, ye̱ ro̱ yo komo m-nome̱ o-do̱ro̱tte̱. Remen kaane̱ ho̱o̱g-mo̱ u̱n ye̱ u̱r-bu̱ste̱ a jiish m-naase̱ arge̱-mo̱ n-ga, remen ye̱ yagu̱te̱ Kiristi.

2 Bitrus 3:3

Yo jiishe̱ à, depete̱ no̱ nep u̱nze n-me̱ u̱n ho̱-to̱ u̱r-ko̱m, ya-u̱r-ar ro̱o̱n, ye̱ nemestú̱ no̱ remen sakto̱-o yo̱-o̱ garamsu̱te̱ ho̱o̱g-mo̱ u̱n ye̱.

U̱t-Hyangan 12:9

Ka caari-yo u̱n ko-mo̱ng-yo hwo̱-yo, komo yo a m-aag ko-Gwo̱mo-wu̱ u̱n ya-u̱t-ko̱t à, ka wu̱ ro̱ u̱n e̱gu̱sse̱ kap o̱ u̱n hun-ne̱ ye̱ o-dak à. A jorbu̱ yo n-dak mo̱sse̱ u̱n yan-to̱m ye̱ u̱n yo ne̱.

U̱t-Hyangan 13:14

Yo raksu̱ru̱ kap o̱ u̱n hun-ne̱ ye̱ ro̱ u̱r-she'et u̱n ho̱no o-dak à u̱n saw-to̱ u̱t-hyat to̱ a ya'u̱ yo m-nom à u̱n yish-ye̱ u̱n ka nem-yo u̱r-takan yo. Ka nem-yo ze̱e̱ru̱ hun-ne̱ ye̱ u̱n ho̱no o-dak ye̱ me to̱o̱g, o̱ sha'e̱ ka nem-yo u̱r-takan yo yo a ho̱gu̱sse̱ m-hoog mo̱ m-mar o-magay à, amba myet u̱n kaane̱ ne̱ yo nom ho̱o̱g à.

U̱t-Hyangan 18:23

Hun-ne̱ do hyan ra-o̱ u̱r-pitirra n-me̱ o-Babira á. Komo co̱r-se o-zak u̱n yan-rew-to̱ u̱n ge-u̱t pu̱-to̱ ne̱ a do se m-ho̱ge̱ u̱n ka bo̱-o̱ á. Ya-u̱t-baab ye̱ o-Babira ye̱ ro caari-ne̱, ye̱ ro jiishte̱ ya-u̱t-baab ye̱ u̱n ho̱no o-dak kap à, komo u̱n myot-u̱s ru o̱ o e̱gu̱sse̱ myet-o̱ u̱t-dak!