2 Timoti 3:12 - Mɑ‑to̱ Shir Taku̱rda-o swo̱r o-nu pu̱-o̱

¹² Kap wu̱ co̱ne̱ wu̱ no̱m go̱n she'et-de Shir co̱ne̱ à, wu̱ she̱r be-u̱r Kiristi Ye̱so, wu̱a su̱ u̱r-ko̱o̱b be-de u̱n hun-ne̱.

2 Timoti 3:12 ပူးပေါင်းရင်းမြစ်များ

Matiyos 16:24

Ka da-de Ye̱so ze̱e̱ru̱ yan-neke̱-mo̱ u̱n wu̱, “Myet wu̱ co̱ne̱ wu̱ do̱ru̱ me̱ à, be-u̱r no̱, se̱ wu̱ she̱'e̱g hi u̱n de u̱n wu̱, wu̱ sew kan-o̱ u̱n wu̱, wu̱ do̱ru̱ me̱.

Matiyos 23:34

“Remen kaane̱, me̱ no̱ m-to̱mne̱ u̱n yan-Rwo̱r u̱n Ma-to̱ Shir, u̱n ya-u̱s-we̱e̱r ne̱, u̱n yan-Yoos-de u̱n Ma-to̱ Shir ne̱. No̱a ho ye̱ ken ye̱, no̱ kem ye̱ ken ye̱, komo no̱ nome̱ ye̱ ken ye̱ u̱s-so̱ro̱g u̱n kuke̱-u̱t no̱ to̱ u̱n yoos u̱n Ma-to̱ Shir. No̱ ye̱ m-do̱re̱ bo̱-u̱t-bo̱ komo no̱ ye̱ u̱n ya-u̱r-ko̱o̱b.

Yohana 16:2

Ye̱a ruut no̱ u̱n kuke̱-to̱ u̱n yoos u̱n Ma-to̱ Shir. Nip-o̱ da-o ro̱o̱n o̱ ye̱ hette̱ no̱ m-ho̱ à, ye̱ hyene̱ ye̱ zee Shir-o̱ ye̱ ro̱ m-no̱me̱ u̱r-seke̱.

Yohana 16:33

Me̱ u̱n ru̱ru̱ no̱ ka ma-to̱ remen hur u̱n no̱ gwu̱'u̱ru̱té̱ bo̱ no̱ dape̱ me̱ à. No̱a su̱ u̱r-ko̱o̱b be-de u̱n hun-ne̱ ye̱ u̱n ho̱no o-dak amba 'mo̱ no̱ u̱r-hur! U̱m re̱e̱g u̱r-ho̱ u̱n ho̱no o-dak ne̱!”

Yohana 17:14

U̱m ru̱ru̱te̱ ye̱ ma-u̱t ru. Hun-ne̱ ye̱ u̱n ho̱no o-dak yagu̱ru̱ ye̱, remen ye̱ ba ye̱ ma ho̱no o-dak ye̱ á, u̱ntu̱n bo̱ u̱m ro̱ wu̱ ma ho̱no o-dak á.

Se̱nge̱-mo̱ 14:22

ye̱ ro m-do'e̱ u̱n yan-neke̱-m Ye̱so u̱r-be̱e̱b, ye̱ ro ye̱ m-'ya m-'wo̱ns be-de m-she̱r be-de Shir. Ye̱ ro̱ m-ze̱e̱, “Se̱ mo̱sse̱ u̱n swo̱ u̱r-ko̱o̱b ne̱ de̱e̱n a hette̱ co̱w u̱n gwo̱mo-to̱ Shir.”

1 Korinti-ne̱ 15:19

A ro̱ ze̱e̱ge̱ hwo̱ u̱n hur-u̱r na be-u̱r Kiristi remen kà ho̱o̱g-mo̱ mo̱ cot, ay, a roa jiish ko̱wan m-warag rii-yo u̱r-'wo̱n.

2 Korinti-ne̱ 1:12

Rii-yo ro̱ te̱ m-rwo̱ m-gwo̱n à: Yo ro̱ hur u̱n te̱ kaps te̱ á, de ro̱ te̱ m-ru̱re̱ u̱nze te̱ she'ette̱ she'et-de u̱n ba m-ku̱ko̱p n-me̱ u̱n ho̱no o-dak u̱n hur-u̱r gaan ne̱ to̱ rwu̱u̱ne̱ be-de Shir à. Yagu̱nte̱ ma she'et-de te̱ she'ette̱ u̱n no̱ ne̱ á. Man zee te̱ no̱mo̱g kaane̱ n-me̱ u̱n o̱ Shir. Te̱ u̱n nom kaane̱ n-me̱ kwu̱m-o̱ Shir, ba be-de u̱n we̱e̱r-se u̱n ho̱no o-dak á.

2 Korinti-ne̱ 4:9

A te̱ m-rangse̱, amba Shir yagu̱ te̱ á. O̱ ken da-o̱ a te̱ hogu̱sse̱ m-hoog, myet u̱n kaane̱ ne̱ a hoks te̱ m-sabarse̱ á.

1 Timoti 2:2

Ko̱n no̱ Shir remen gwo̱mo-ne̱, u̱n yan-caari-to̱ u̱t-comos ne̱, remen a she'eté̱ ba u̱t-ween be-de u̱n hun-ne̱. Komo u̱n no̱m u̱n ko̱ yo ke kashi u̱n rii-yo bo̱ Shir co̱ne̱ à.

1 Timoti 3:16

Nip-o̱, m-she̱r be-de Shir ro̱ m-'wo̱ns ne̱ ko̱ de nomte̱ se ken rem-se ro̱ko̱n wukusse̱ à: Ye̱so haante̱ n-me̱ o-wu̱r u̱ntu̱n o̱ ma na, Ku̱kt-o̱ Shir kutute̱ na wu̱ kashi u̱n ne̱t-wu̱. Yan-to̱m-ye̱ Shir ye̱ hyanag wu̱. Yan-dor Ye̱so ko̱'o̱te̱ ma-to̱ u̱n wu̱ be-de hun-ne̱ kap ho̱no o-dak. Hun-ne̱ go̱kste̱ kà ko̱'o̱t-o̱ be-u̱t-be ho̱no o-dak kap. Shir de̱ku̱ wu̱ ha-m o̱ n-To̱n be-de m-se̱ps.

1 Timoti 6:3

Ye̱ ken hun-ne̱ ye̱ ro̱ u̱n yoos-de u̱t-bo̱ u̱n rem-se Shir. Ye̱ ro̱ m-she u̱n yoos-de o-nip u̱n ma-u̱t Ye̱so Kiristi ne̱, Wan-Ko̱yan na. Yoos-de u̱n ye̱ ro̱ u̱n gu u̱n hun-ne̱ she'et-de Shir co̱ne̱ á.

Titus 1:1

Me̱, Burus, wan-gu̱w-mo̱ Shir, me̱ ge̱ndu̱ wo̱ ka taku̱rda-o̱. Komo Ye̱so Kiristi to̱mnu̱ me̱ u̱m nomot se̱nge̱-mo̱ Shir. Ye̱so u̱n to̱mo̱n me̱ bo̱ she̱r-mo̱ u̱n hun-ne̱ ye̱ Shir daage̱ à, he m-bo̱'o̱se̱ m-'wo̱ns ne̱ à. Komo ye̱a nep yoos-u̱r Ye̱so u̱r-bon ne̱. Ye̱ nepe̱ yoos-u̱r Ye̱so u̱r-bon ne̱, ye̱a she'et go̱n she'et-de Shir co̱ne̱ à.

Titus 2:12

Remen yar-mo̱ u̱n wu̱, Shir yoosu̱tu̱ na a yage̱ go̱n she'et-de wu̱ ro̱ m-co̱n á, a yage̱ komo go̱p-de u̱n rem-se u̱n ho̱no o-dak. Komo Shir yoosu̱tu̱ na bo̱ a he she'et-de u̱r-bon u̱n kashi o-bu̱ à, ko̱ m-mo̱ka u̱n ka co̱w-yo a hette̱ m-nap u̱nze a m-'ya u̱n Shir m-se̱k.

1 Bitrus 3:14

Amba myet u̱n kaane̱ ne̱, u̱rege̱ no̱ u̱n swo̱ u̱r-ko̱o̱b remen no̱ m-no̱m u̱n rii-yo u̱r-bon, Shir a 'ye no̱ o-kwu̱m. “Taase no̱ ho̱ge̱ gye̱r-o̱ u̱n yo ye̱ ro̱ m-gye̱r à, ko̱ komo no̱ was u̱n yo hun-ne̱ ze̱e̱ ye̱a nom ne̱ á.”

2 Bitrus 3:11

Cin de̱ kaane̱ ko̱yan he m-sabre̱ à, ¿Yan go̱ u̱n hun-ne̱ ye̱ depe̱ no̱ she'et? Depete̱ no̱ she'et u̱n ho̱o̱g-m no̱ ba m-ku̱ko̱p bo̱ Shir ro̱ à.

U̱t-Hyangan 12:4

Tu̱r-de u̱n yo wishu̱ru̱ bu̱u̱g-u̱r gaan be-de u̱n bu̱u̱g-u̱t tet-to̱ u̱n re̱ge̱n n-to̱n, komo yo jondu̱ ye̱ n-dak. Ka da-de yo e̱su̱ru̱ 'ge̱ u̱n he̱r-o̱ u̱n ka ne'a-wu̱, bo̱ wu̱ ro̱ u̱n ma-to̱ mat à, zo̱ngse̱ yo co̱ru̱te̱ wà u̱n ka ne'a-wu̱.

U̱t-Hyangan 7:14

U̱m ze̱e̱ru̱ wu̱, “Go̱s-wu̱, o nepste̱.” Ka da-de wu̱ ze̱e̱ru̱ me̱, “Ye̱ ka ye̱ ro̱ hun-ne̱ ye̱ possu̱ne̱ be-de u̱n re̱ u̱r-ko̱o̱b u̱r-go̱s-de à. Ye̱ u̱n so'os matuku-u̱t se̱e̱b-to̱ to̱ u̱n ye̱ u̱n hyó-mo̱ u̱n ká Ca-yo, ye̱ mustu̱ to̱ u̱t-pus to̱.