2 Tasaronika-ne̱ 3:3 - Mɑ‑to̱ Shir Taku̱rda-o swo̱r o-nu pu̱-o̱

³ Amba Wan-Ko̱yan wu̱ ro̱ ko-yan-e̱ss u̱t-ma, wu̱a dowe̱ rwu̱n-u̱s no̱ u̱r-be̱e̱b, wu̱ 'er no̱ be-de u̱n ka wan-me̱n-u̱t jaas-to̱ wu̱.

2 Tasaronika-ne̱ 3:3 ပူးပေါင်းရင်းမြစ်များ

Matiyos 5:37

U̱rege̱ o co̱no̱g m-ze̱e̱ ‘E̱e̱’ zee ‘E̱e̱,’ u̱rege̱ ‘Ay’ o̱, zee ‘Ay.’ Rii-yo pase̱ kaane̱ à, yo̱-yo yo. Yo rwu̱u̱ne̱ u̱n ko-Gwo̱mo-wu̱ u̱n ya-u̱t-ko̱t à.”

Matiyos 6:13

Taase o heet te̱ n-me̱ u̱t-meger á, Amba gu te̱ be-de o-yo̱ yo.’

Ruka 11:4

Soksu̱ te̱ ba'as u̱n te̱, remen te̱ sokstè̱ ba'as-de u̱n ko̱ wu̱ ke wu̱ nomu̱ te̱ u̱r-ba'as à. Komo wo̱ yage̱ te̱ te̱ heet be-de u̱t-meger á.’ ”

Yohana 17:15

Me̱ u̱n ko̱n-u̱s ru, o dos ye̱ n-me̱ u̱n ho̱no o-dak á, se̱ de̱ o 'er ye̱ be-de u̱n ka wan-me̱n-u̱t jaas-to̱ wu̱.

1 Korinti-ne̱ 1:9

Shir u̱n daag no̱. No̱ gemet u̱r-hi u̱n Wà u̱n wu̱ ne̱, Wan-Ko̱yan na Ye̱so Kiristi. Komo Shir ro̱ m-shoos u̱n yo wu̱ rwo̱re̱ à.

1 Korinti-ne̱ 10:13

Yatt meger-to̱ we̱tu̱ no̱ m-kum to̱ kuse̱ ba a u̱n nomo to̱ ne̱t á. Shir ko-ya-o-nip-wu̱, wu̱a yage̱ a megertu̱ no̱ arge̱ 'wo̱ns-m no̱ á, amba be-de u̱n ká meger-to̱, wu̱a kutu no̱ co̱w-yo m-posse̱ remen no̱ hokste̱ m-du̱ngu̱ne̱.

1 Tasaronika-ne̱ 5:24

Bo̱ Shir bande̱ no̱ remen no̱ waragté̱ hun-ne̱ u̱n wu̱, komo wu̱ ko-yan-e̱ss u̱t-ma à, no̱a hoks m-she̱r u̱nze wu̱a shoos ma-to̱ u̱n wu̱.

2 Tasaronika-ne̱ 2:17

Komo te̱ u̱n ko̱n-se Shir u̱nze wu̱ 'ye no̱ jaab komo wu̱ dowe̱ rwu̱n-u̱s no̱ m-'wo̱ns, n-me̱ u̱n ko̱ mo̱ ke se̱nge̱-mo̱, mo̱ m-nom m-ce̱p ne̱ à.

2 Timoti 4:18

U̱m nepste̱ Wan-Ko̱yan wu̱a ruut me̱ u̱n ko̱ yo ke rii yo̱-yo yo. Wu̱a 'er me̱, wu̱ woot me̱ be-de u̱n gwo̱mo-to̱ u̱n wu̱ to̱ n-To̱n o-shir. Yage̱ a bu̱mu̱t Wan-Ko̱yan, har da-o̱ ba m-ta! Amin.

1 Bitrus 5:10

Shir guug na u̱n ko̱ yo ke bu̱-yo. Wu̱ daagu̱ na remen wu̱ wongté̱ se̱ps-mo̱ u̱n wu̱ u̱n na ne̱. Ka se̱ps-mo̱ ro̱ m-she'et ba m-ta. Wu̱a wong-mo̱ u̱n na ne̱ remen a do̱ru̱te̱ Ye̱so Kiristi. No̱ su̱ u̱r-ko̱o̱b m-mo̱ka, amba u̱jime̱ o-da hiin, Shir a muut no̱ hond hond, wu̱ she̱r no̱ komo wu̱ tor no̱ u̱r-be̱e̱b ne̱.

2 Bitrus 2:9

U̱rege̱ har kááne̱ o̱, Wan-Ko̱yan nepste̱ bo̱ wu̱ he gu u̱n hun-ne̱ ye̱ Shir be-de u̱t-meger à. Komo wu̱ neps bo̱ wu̱ he se̱nge̱ u̱n 'ya u̱n yan-me̱n-u̱t jaas-to̱ u̱r-ko̱o̱b à, har ho̱-de u̱n piish u̱t-ma to̱ u̱r-ko̱m wo̱o̱nte̱.

Yahudas 1:24

U̱r-bo̱ngo̱n be-de wu̱ ro̱ u̱r-be̱e̱b ne̱ wu̱ wenet no̱ m-he̱ à. Wu̱ komo he no̱ m-heet be-de u̱n wu̱ de jiishe̱ u̱r-bon à ba u̱r-ba'as, se̱ o-zak.