2 Tasaronika-ne̱ 1:9 - Mɑ‑to̱ Shir Taku̱rda-o swo̱r o-nu pu̱-o̱

⁹ A 'ye ye̱ ko̱o̱b-de ba m-ta, a dos ye̱ u̱n co-o Wan-Ko̱yan u̱n se̱ps-mo̱ u̱n be̱e̱b-de u̱n wu̱ ne̱.

2 Tasaronika-ne̱ 1:9 ပူးပေါင်းရင်းမြစ်များ

Matiyos 16:27

Remen me̱ Wà-wu̱ u̱n ne̱t, man haan u̱n se̱ps-m Tato re ne̱ u̱n yan-to̱m-ye̱ u̱n wu̱ ne̱, man piishe̱ ko̱ wu̱ ke ne̱t-wu̱ u̱t-ma mo̱sse̱ u̱n rii-yo wu̱ no̱me̱ ne̱ à.

Matiyos 22:13

Ko-Gwo̱mo ze̱e̱ru̱ yan-gu̱w-mo̱ u̱n wu̱, ‘Gaag no̱ kom-to̱ u̱n wu̱ u̱n na-se u̱n wu̱ ne̱. No̱ jorbe̱ wu̱ n-do̱ n-me̱ o-comb, remen káne̱ hun-ne̱ he u̱s-kan u̱n haw-se u̱n yin-ne̱.’

Matiyos 24:30

U̱r-ko̱m ka da-o̱, napa-o̱ m-mu̱u̱n mo̱ u̱n Wà-wu̱ u̱n ne̱t he m-rwu̱u̱n cas u̱n ku̱s-o̱ n-To̱n shir. Myet hun-ne̱ ye̱ u̱n ho̱no o-dak à komo ye̱a nom tu̱k-mo̱ u̱t-me̱n rem o-gye̱r. Ye̱a hyen Wà-wu̱ u̱n ne̱t ro̱o̱n n-to̱n u̱t-ke'ente̱ u̱t-gwo̱mo ne̱ m-se̱ps ne̱ de̱e̱n.

Matiyos 25:41

“Ka da-o̱ ko-Gwo̱mo he m-ze̱e̱ u̱n yan-kwanta-de u̱n wu̱, ‘Wongu̱ no̱ u̱n me̱ ne̱, no̱ ye̱ Shir hu̱'e̱ o-nu à. Co̱w no̱ ra-o̱ a m-ryomse̱ á har ya nomot re ne̱, o̱ Shir e̱sse̱ ko-Gwo̱mo-wu̱ u̱n ya-u̱t-ko̱t u̱n yan-to̱m-ye̱ u̱n wu̱ ne̱ à.

Matiyos 25:46

“Ye̱ ká ye̱a cu̱w re̱ u̱r-ko̱o̱b de u̱n ba m-ta. Amba kashi u̱n hun-ne̱ ne̱ ye̱a cu̱w ho̱o̱g-o̱ ba m-ta.”

Matiyos 26:24

Me̱ u̱n ze̱e̱ kaane̱, remen me̱ Wà-wu̱ u̱n ne̱t se̱ u̱m marag bo̱ Ma-to̱ Shir zee cin n-ga à. Amba rii-yo u̱r-'wo̱n yo ká wu̱ he ya'as u̱n ‘Wà-wu̱ u̱n ne̱t à’! Roa jiish ká ne̱t-wu̱ ma a ro yagu̱tu̱ wu̱ m-mat.”

Matiyos 7:23

Ka da-de man zee ye̱, ‘Me̱ we̱t no̱ m-nap á. Ine̱ no̱ be u̱n de, no̱ yan-me̱n-u̱t jaas-to̱.’ ”

Ruka 13:27

Amba wu̱a zee komo, ‘Me̱ nap no̱ á. Ine̱ no̱ be u̱n de. Kap no̱ yan-me̱n-u̱t jaas-to̱!’

Yohana 5:14

Bo̱ jimite̱ à, Ye̱so hyanu̱ru̱ wu̱ u̱n Pyo-o̱ Shir. Ye̱so ze̱e̱ru̱, “A taasu̱tu̱ wo̱ ka go̱m-o̱, o kumuste̱ m-keke̱r. Taase o do no̱m u̱r-ba'as á, u̱ntaase yo ken rii-yo yo jiishe̱ yo ka à yo do wo̱ m-ko̱r.”

Piripi-ne̱ 3:19

U̱r-ko̱m, Shir a sabu̱rse̱ ye̱ remen ye̱ ro̱ m-no̱m u̱n rii-yo ye̱ co̱ne̱ à, ku̱t-o̱ u̱n ye̱ ro̱ Shir o̱ u̱n ye̱, ye̱ ro̱ u̱n no̱m u̱s-se̱s da-o̱ ye̱ no̱me̱ rii-yo depe̱ ye̱ ho̱ge̱ m-'e̱ à. Ye̱ shooste̱ hi-de u̱n ye̱ u̱n barag-se go̱n hun-ne̱ ye̱ 'yare̱ Shir à.

1 Tasaronika-ne̱ 5:3

Da-o̱ hun-ne̱ ro̱ m-ze̱e̱, “Te̱ u̱n she'et-de ba u̱t-ween u̱n gwu̱gwu̱-mo̱ u̱r-hur ne̱,” ba m-naas o-da, sabre̱-o he ye̱ m-'wo̱s, u̱ntu̱n bo̱ mat-o ro̱ m-bo̱p u̱n ne'a-wu̱ u̱r-uub à, co̱w-yo m-po̱sse̱ ro̱ ko̱n á.

2 Tasaronika-ne̱ 2:8

U̱n ka da-o̱ a he ka ko-Gwo̱mo-wu̱ o-zang wu̱ m-rwu̱nte̱ cas, amba u̱n mu̱u̱n-m Wan-Ko̱yan Ye̱so, Ye̱so a ho wu̱ u̱n shik-mo̱ u̱n nu-o̱ u̱n wu̱, wu̱ sabre̱ wu̱ u̱n se̱ps-mo̱ u̱n wu̱ ne̱.

Titus 2:13

A nom kaane̱, ko̱ de a ro̱ u̱n 'er-de u̱n sakto̱, o̱ he na m-rwo̱ o-zak à. U̱n ka ho̱-de Ye̱so Kiristi, wu̱ ro̱ na caari-wu̱ Shir, Wan-Gwu̱ na, wu̱ he m-mu̱u̱n u̱n ka dak-o̱ u̱n se̱ps-mo̱ u̱n wu̱ ne̱.

Yahuda-ne̱ 10:29

Yagu̱nte̱ ma ne̱t: Wu̱ yo'oge̱ Wà-wu̱ Shir à, Wu̱ 'yarag ma-to̱ u̱n hyó-mo̱ a e̱ste̱ u̱t-ma u̱n wu̱ ne̱, ka mo̱ so'osu̱ wu̱ à, Komo wu̱ yo'ogte̱ Ku̱kt-o̱ m-Yar mo̱ Shir! Ne̱t-wu̱ nome̱ kaane̱ à, Shir a 'ye wu̱ u̱r-ko̱o̱b arge̱ ka ye̱ pase̱ karamsa-o Mosa à.

2 Bitrus 2:17

Ka yan-yoos-de u̱t-bo̱ ye̱ hwaa ye̱ ro̱ u̱ntu̱n yish-to̱ m-ho̱ to̱ hu̱se̱ à, komo ya ye̱ ro̱ u̱ntu̱n zaan-mo̱ ke'ente̱-to̱ ba u̱n kem. Remen kááne̱ Shir e̱ssu̱te̱ ye̱ caari-o̱ u̱n kuub-o̱ comb-o rim-o̱ cip, o̱ ro̱ ye̱ u̱r-'er.

2 Bitrus 3:7

U̱n ká gom-u̱r gaan-de, Shir e̱ste̱ ho̱no o-dak o̱ m-mo̱ka o̱ o-To̱n ne̱ remen to̱ tu̱kt o-ra, komo a u̱n yagu̱ to̱ se̱ ho̱-de u̱n piish u̱t-ma u̱n sabarse̱ u̱n hun-ne̱ ne̱ ye̱ ro̱tte̱ Shir á.

Yahudas 1:13

Ká yan-yoos-de u̱t-bo̱ ye̱ ro̱ m-no̱m rem-se m-'e̱. Ya ye̱ ro̱ u̱ntu̱n jo̱k-ye̱ m-sa, ye̱ ro̱ m-ine̱ o-zu̱ngo̱ à, ye̱ ro̱ m-rwu̱nte̱ u̱n ko̱p-to̱ u̱n hu remen ko̱o̱b-de m-'e̱ mo̱ u̱n ye̱. U̱ntu̱n re̱ge̱n-ye̱ ro̱ ye̱ ro̱ u̱t-tu̱w ba u̱r-hi à, ye̱ ro̱ m-kaw o-comb o̱ ba m-ta.

U̱t-Hyangan 20:11

Ka da-o̱ u̱m hyanu̱ caari-o̱ o-kwu̱u̱r o̱ u̱t-gwo̱mo o-pus o̱. U̱m hyanu̱ru̱ wu̱ ro̱ tara n-to̱n o̱ à. O-dak n-To̱n o̱ shir ne̱ argu̱ m-e̱ge̱ u̱n co-o̱ u̱n wu̱ komo a do to̱ ne̱ m-hyan á.

U̱t-Hyangan 20:14

Ka da-o̱ a jorbu̱ m-mar u̱n be-de u̱n she'et-de u̱n margan-ne̱ ne̱ n-me̱ u̱n mar-o̱ o-ra. Ka mar-o̱ o-ra o̱ ro̱ mar-m ayoore̱-mo̱.

U̱t-Hyangan 21:8

Amba ya-o-gye̱r, u̱n yan-ko̱o̱b-de m-she̱r ne̱, u̱n ye̱ ho̱ hun-ne̱ à, ya-o-ás, u̱n ye̱ ro̱ m-yoos u̱n saw-to̱ made ne̱ à, u̱n kwu̱kte̱ m-gir ne̱ komo kap ya-u̱t-bo̱, myet-o̱ u̱n ye̱ gwu̱u̱g-de u̱n ye̱ ka mar-mo̱ o-ra o̱, o̱ ro̱ m-tu̱ks u̱n ta'ar-to̱ u̱n caari-o̱ o-ra à. Mo̱ ka ro̱ mar-m ayoore̱-mo̱.”

U̱t-Hyangan 22:15

Amba ká ye̱ muute̱ hi-de u̱n ye̱ ya-m-ku̱ko̱p à, ye̱ ro̱ n-do̱ u̱n ka bo̱-o̱: Ka ye̱ yoose̱ we̱e̱r-se o-made̱, Ya-o-ás, Ye̱ hoome̱ hun-ne̱ à, Yan-kwu̱kte̱ m-gir, u̱n Ya-u̱t-bo̱ ne̱.