2 Bitrus 3:7 - Mɑ‑to̱ Shir Taku̱rda-o swo̱r o-nu pu̱-o̱

⁷ U̱n ká gom-u̱r gaan-de, Shir e̱ste̱ ho̱no o-dak o̱ m-mo̱ka o̱ o-To̱n ne̱ remen to̱ tu̱kt o-ra, komo a u̱n yagu̱ to̱ se̱ ho̱-de u̱n piish u̱t-ma u̱n sabarse̱ u̱n hun-ne̱ ne̱ ye̱ ro̱tte̱ Shir á.

2 Bitrus 3:7 ပူးပေါင်းရင်းမြစ်များ

Matiyos 10:15

Nip-o̱ me̱ no̱ m-ru̱re̱, da-o̱ Shir he piishe̱ u̱n hun-ne̱ kap u̱t-ma à, Shir a jiish m-ho̱ge̱ u̱n 'wo̱n-de u̱n hun-ne̱ ye̱ o-So̱do̱m u̱n ye̱ o-Gomora ne̱ arge̱ hun-ne̱ ye̱ u̱n ká bo̱-o̱.”

Matiyos 11:22

Amba me̱ no̱ m-ru̱re̱, u̱n ho̱-de u̱n piish u̱t-ma a jiish m-ho̱ge̱ u̱n 'wo̱n-de u̱n hun-ne̱ ye̱ o-Taya u̱n ye̱ o-Sidon ne̱ arge̱ no̱.

Matiyos 11:24

Amba me̱ no̱ m-ru̱re̱ u̱n ho̱-de u̱n piishe̱ u̱n hun-ne̱ u̱t-ma, a jiish m-ho̱ge̱ u̱n 'wo̱n-de u̱n hun-ne̱ ye̱ o-So̱do̱m arge̱ no̱. Remen no̱ hyenestu̱ me̱ m-no̱m u̱n rem-se u̱t-hyat, amba no̱ waktu̱ne̱ be-de Shir á.”

Matiyos 12:36

Me̱ no̱ m-ru̱re̱, kap ho̱n u̱n ma-to̱ o-hwaa to̱ hun-ne̱ ro̱ m-no̱m à, se̱ Shir rwo̱'o̱g ye̱ ogom-de u̱n to̱ u̱n ho̱-de u̱n piish u̱t-ma.

Matiyos 24:35

O-to̱n o-dak ne̱ to̱a tees, amba ma-u̱t re to̱a te á ko̱ hiin.

Matiyos 25:41

“Ka da-o̱ ko-Gwo̱mo he m-ze̱e̱ u̱n yan-kwanta-de u̱n wu̱, ‘Wongu̱ no̱ u̱n me̱ ne̱, no̱ ye̱ Shir hu̱'e̱ o-nu à. Co̱w no̱ ra-o̱ a m-ryomse̱ á har ya nomot re ne̱, o̱ Shir e̱sse̱ ko-Gwo̱mo-wu̱ u̱n ya-u̱t-ko̱t u̱n yan-to̱m-ye̱ u̱n wu̱ ne̱ à.

Markus 6:11

No̱ wo'e̱ be-de a yage̱ no̱ m-go̱ks à, ko̱ m-raag u̱n ma-u̱t no̱ ne̱ à. Da-o̱ no̱ ine̱ m-arag u̱n ka be-de, kukt no̱ hu-mo̱ u̱n na-u̱s no̱. No̱ hu̱ste̱ kom-u̱t no̱ o̱ ka ho̱-de Shir he ye̱ piishe̱ u̱t-ma à.”

Yohana 12:48

Ne̱t-wu̱ yage̱ me̱ à, wu̱ go̱ks komo ne̱ ma-u̱t re á, wan-piish u̱n wu̱ u̱t-ma ro̱ ko̱n. Ma-u̱t re to̱ u̱m rwo̱re̱ à, to̱ a hette̱ ne̱t piishe̱ u̱t-ma u̱n ho̱-de u̱r-ko̱m.

Roma-ne̱ 2:5

Amba remen cikt u̱n du u̱n ko̱o̱b-de u̱n waktu̱ne̱-m ru ne̱ be-de Shir, wo̱ u̱n egne̱ u̱n hi u̱n du ryaab-se Shir. U̱n ho̱-de ryaab-se Shir, wu̱a kute̱ hun-ne̱ kashi u̱n piish u̱t-ma cas cas.

1 Korinti-ne̱ 3:13

De ken ho̱-de a hyen se̱nge̱-mo̱ u̱n ko̱ wu̱ ke ko-ya-u̱t-mà wu̱. Remen da-o̱ Ye̱so he m-mu̱u̱n à, wu̱a rwu̱nte̱ ko yo ke rii-yo cas. Remen o-ra o-ra a he rwu̱nte̱ u̱n se̱nge̱-mo̱ u̱n ko̱wan, komo ra-o̱ he meger u̱n go̱ u̱n ko̱ mo̱ ke se̱nge̱-mo̱ ko̱wan nome̱ à.

Piripi-ne̱ 1:28

No̱ ho̱ge̱ gye̱r-o̱ u̱n yan-yage̱-u̱t no̱ á. E̱s no̱ m-'wo̱ns ne̱ ko̱ o̱ ke da-o̱. No̱m u̱n kaane̱, no̱a kute̱ ye̱ u̱nze Shir a sabu̱rse̱ ye̱. Amba wu̱a gu no̱ remen Shir no̱ a deet no̱ n-to̱n.

2 Tasaronika-ne̱ 2:3

No̱ jar o-jar no̱ yage̱ wu̱ ken wu̱ raks no̱ u̱n yo ken co̱w-yo á. Me̱ u̱n ze̱e̱ kaane̱ remen ka ho̱-de a wo̱o̱n á se̱ a inite̱ zang komo ká ko-gwo̱mo-wu̱ o-zang wu̱ rusune̱ cas, wata ka wu̱ a nome̱ den-o̱ o-ra à.

1 Timoti 6:9

Amba hun-ne̱ ye̱ ro̱ u̱r-go̱p ye̱ kumut hwo̱r à, ye̱ m-he̱be̱ n-me̱ u̱t-meger u̱n ce̱e̱b ne̱ be-de u̱n rem-se o-hwaa. Co̱n-to̱ u̱n rii yo̱-yo ro̱ u̱n jorbe̱ u̱n hun-ne̱ u̱n bu̱-yo m-sabre̱.

Yahuda-ne̱ 12:29

No̱m no̱ kaane̱, remen Shir na u̱ntu̱n ra-o̱ ro̱ m-tu̱ks u̱n ko̱yan à wu̱ ro̱.

2 Bitrus 2:9

U̱rege̱ har kááne̱ o̱, Wan-Ko̱yan nepste̱ bo̱ wu̱ he gu u̱n hun-ne̱ ye̱ Shir be-de u̱t-meger à. Komo wu̱ neps bo̱ wu̱ he se̱nge̱ u̱n 'ya u̱n yan-me̱n-u̱t jaas-to̱ u̱r-ko̱o̱b à, har ho̱-de u̱n piish u̱t-ma to̱ u̱r-ko̱m wo̱o̱nte̱.

2 Bitrus 3:10

Amba ho̱-u̱r Wan-Ko̱yan a haan u̱ntu̱n ko-hyow. To̱n-o a e̱ge̱ har u̱r-dwu̱m ne̱, ho̱n u̱s-rem se a tu̱k o-ra, o-dak u̱n ho̱n u̱n rii-yo ro̱ ne̱ n-me̱ u̱n o̱ à yoa warag m-zar.

2 Bitrus 3:12

Bo̱ no̱ u̱n gwo̱t-o̱ u̱n ho̱-de Shir wo̱o̱nte̱ ho̱r-m-ho̱r à, u̱n ká ho̱-de Shir a tu̱ks o-To̱n o-ra, komo ko̱ yo ke rii-yo n-To̱n yoa yee̱ u̱n hund-o̱ o-ra.

1 Yohana 4:17

U̱rege̱ a waste̱ u̱n o̱r na ne̱ o-nip, komo a no̱m bo̱ Kiristi no̱me̱ u̱n ka dak-o̱ à, a rangse̱ hi u̱n na u̱n gye̱r-o̱ u̱n ho̱-de u̱n piish u̱t-ma á.

Yahudas 1:7

To̱t-to̱ ka no̱ o-So̱do̱m o-Gomora ne̱ á, u̱n bo̱-to̱ ro̱ rigimshe̱ u̱n to̱ ne̱ à, to̱ daage̱ co̱w-yo m-naase̱ m-no̱m u̱n go̱ u̱n rem-se o-ás ne̱ à. O-ra o̱ a sabarse̱ ka bo̱-to̱. To̱ waragte̱ rii-yo u̱r-yoos mo̱sse̱ u̱n o-ra o̱ ba m-ta ne̱ o̱ he rangse̱ u̱n yan-me̱n-u̱t jaas-to̱ à.

U̱t-Hyangan 17:11

Ka nem-yo we̱te̱ u̱n no̱m u̱n ho̱o̱g n-ga à, m-mo̱ka komo yo u̱n ho̱o̱g á, yo ro̱ aeere̱-yo. Komo be-de u̱n ka ta'yoor-ye̱ yo rwu̱u̱ne̱, komo yo ro̱ m-neke̱ be-de yo he m-mar à.

U̱t-Hyangan 17:8

Ka nem-yo o hyane̱ à, yo weste̱ u̱n no̱m u̱n ho̱o̱g n-ga, amba m-mo̱ka yo kus u̱n ho̱o̱g ne̱ á. Amba har u̱n kaane̱ ne̱, yoa rwu̱u̱n n-do̱ u̱n ka kuub-o̱ u̱r-du̱w o̱ ha-mo̱ u̱n be-de a he yo m-ho à. Hun-ne̱ ye̱ ro̱ u̱r-she'et u̱n ka ho̱no o-dak o̱ à, ye̱ ro̱ cin ba a u̱n hwo̱o̱n rii à a ge̱n jin-to̱ u̱n ye̱ n-me̱ u̱n taku̱rda-o̱ yan-ho̱o̱g á, kap ye̱a bu̱p nu u̱n hyan-o̱ u̱n ka nem-yo, remen n-ga yo ro u̱n ho̱o̱g ne̱ amba m-mo̱ka yo mereste̱.

U̱t-Hyangan 20:11

Ka da-o̱ u̱m hyanu̱ caari-o̱ o-kwu̱u̱r o̱ u̱t-gwo̱mo o-pus o̱. U̱m hyanu̱ru̱ wu̱ ro̱ tara n-to̱n o̱ à. O-dak n-To̱n o̱ shir ne̱ argu̱ m-e̱ge̱ u̱n co-o̱ u̱n wu̱ komo a do to̱ ne̱ m-hyan á.

U̱t-Hyangan 21:1

Ka da-o̱ u̱m hyanu̱ To̱n-o pu̱-o̱ u̱n dak-o pu̱-o̱ ne̱. Remen To̱n-o̱ n-ga u̱n dak-o̱ n-ga ne̱ kap e̱gu̱ssu̱te̱, komo sa-m ro̱ ko̱n á.