2 Bitrus 3:17 - Mɑ‑to̱ Shir Taku̱rda-o swo̱r o-nu pu̱-o̱

¹⁷ Remen kaane̱ nay-ne̱ re, bo̱ no̱ nepse̱ u̱n kaane̱ ne̱ à, 'er no̱ hi u̱n no̱ taase ma-to̱ u̱n hun-ne̱ ye̱ u̱n ba o-karamsa e̱gu̱sse̱ no̱ no̱ taagu̱te̱ u̱n con-u̱t no̱ u̱t-so̱to̱.

2 Bitrus 3:17 ပူးပေါင်းရင်းမြစ်များ

Matiyos 16:11

¿Re no̱me̱ no̱ yagu̱te̱ m-nap u̱nze me̱ u̱n ma-to̱ u̱t-buro̱di á? U̱m ze̱e̱g no̱ komo, ‘No̱m no̱ ja u̱n yist-mo̱ u̱n Parisa-ne̱ u̱n Saduki-ne̱ ne̱.’ ”

Matiyos 16:6

Ye̱so ze̱e̱ru̱ ye̱, “Tu no̱ yish no̱ nep ha, komo no̱ nom ja u̱n ká yist-mo̱ u̱n Parisa-ne̱ mo̱ ne̱ u̱n mo̱ u̱n Saduki-ne̱.”

Matiyos 7:15

Ye̱so ze̱e̱ru̱, “No̱m no̱ ja be-de u̱n yan-Rwo̱r u̱n Ma-to̱ Shir ye̱ u̱t-bo̱. Ye̱ ro̱ m-haan be u̱n no̱ u̱n sha-mo̱ u̱n ye̱ge̱-ca ye̱ ro̱ m-naas á. Amba u̱n hur-de u̱n ye̱, ya ye̱ ro̱ u̱ntu̱n ye̱ge̱-dur, ye̱ ro̱ u̱n ho̱ge̱ u̱n me̱r de̱e̱n à.

Yohana 16:4

Me̱n ru̱ru̱ no̱ kááne̱ remen da-o̱ ka rem-se kore̱, no̱ baksté̱ u̱nze u̱m be'este̱ u̱m nekste̱ no̱ u̱t-to̱. “Me̱ ru̱ru̱ no̱ ka rem-se cin n-ga ne̱ á, remen me̱ mo̱sse̱ u̱n no̱ ne̱.

Se̱nge̱-mo̱ 2:42

Ye̱ e̱ssu̱ u̱r-hi kap o̱ u̱n ye̱ be-de u̱n yoos-de yan-To̱m-ye̱ Ye̱so ro̱ m-yoos à. Ye̱ ro̱ m-re̱ Rii-yo m-Re̱ yo m-Pas yo u̱n Wan-Ko̱yan, u̱n ko̱n-se Shir ne̱.

Roma-ne̱ 16:18

Ye̱ ro̱ m-no̱m u̱n ka rem-se à, se̱nge̱-m Kiristi Wan-Ko̱yan ye̱ ro̱ m-no̱m á, amba go̱p-de u̱n wu̱r-to̱ u̱n ye̱. U̱n bu̱-yo u̱n re̱re̱m-mo̱ nu-o̱ u̱n ye̱, u̱n bo̱ngo̱n-de u̱t-bo̱ ne̱, ye̱ ro̱ u̱n raks u̱n ye̱ ke'e̱ ye̱ u̱t-to̱ à. Ye̱ ro̱ ye̱ u̱n ke'e̱ u̱t-to̱ à, yan-barag-se u̱n yakar se.

1 Korinti-ne̱ 10:12

Remen kaane̱ u̱rege̱ o hyanag o e̱ks m-'wo̱ns ne̱, to̱, no̱m ce̱e̱n taase o hye.

1 Korinti-ne̱ 15:58

Remen kaane̱ o̱r re ne̱ ye̱ me̱ m-was à, e̱s no̱ m-'wo̱ns ne̱ gu̱ng. No̱ se̱nge̱ o-zak n-me̱ u̱n se̱nge̱-m Wan-Ko̱yan, no̱ nepse̱ se̱nge̱-mo̱ no̱ rotte̱ rem Wan-Ko̱yan à mo̱ o-hwaa mo̱ á.

2 Korinti-ne̱ 11:3

Amba me̱ u̱n ho̱ge̱ o-gye̱r taase rii-yo ko̱re̱ Hawa à, yo ko̱r no̱. Hwo̱-o rakste̱ wu̱ u̱n we̱e̱r-se u̱n yo har wu̱ nomu̱ u̱r-ba'as. Kaane̱ no̱ ma, me̱ u̱n ho̱ge̱ o-gye̱r barag-u̱s no̱ a hoks no̱ m-muut ba u̱r-bon, u̱n kaane̱, no̱a kum ya'as u̱r-hi bo̱ a co̱ne̱, o-nip ne̱ ba m-ku̱ko̱p be-u̱r Kiristi á.

Garatiya-ne̱ 5:4

No̱ ye̱ ro̱ m-se̱nge̱ no̱ she'ette̱ ba u̱r-ba'as u̱n co-o̱ Shir u̱n bu̱-yo m-do̱re̱ o-karamsa à, no̱ regu̱ssu̱te̱ no̱ ruussu̱te̱ hi u̱n no̱ be-de u̱n dor Kiristi. No̱ pa'ag o̱ ka yar-mo̱ Shir.

Apisu-ne̱ 4:14

Ka da-o̱ a warag u̱ntu̱n wan-yaar komo á. Yan-yoos-de u̱t-bo̱ ye̱a hoks na m-raks á, ko̱ ye̱ no̱m yo a hette̱ m-she̱r u̱n rii-yo u̱n ba u̱r-bon á. A warag u̱ntu̱n hat-o caari, o̱ jo̱k-ye̱ m-ho̱ ro m-tute̱ ko̱ o̱ ke raag-o̱ n-to̱n m-ho̱ á.

Piripi-ne̱ 3:2

Ine̱ no̱ eso u̱n go u̱n ka hun-ne̱ ye̱ ro̱ sa o zee ye̱ge̱-sakra à, ye̱ ro̱ shiishe̱ u̱n me̱n-u̱t jaas-to̱ à, u̱n ye̱ ro̱ u̱n ce̱tu̱ru̱ u̱t-wu̱r ne̱ à, ye̱ zee se a ko̱o̱g no̱, no̱ kumut gwu̱.

Korosiya-ne̱ 2:5

Ko̱ de nomte̱ me̱ u̱n hi u̱n de me̱ kane̱ mo̱sse̱ u̱n no̱ ne̱ á, amba hur u̱n de ro̱ mo̱sse̱ u̱n no̱ ne̱. Me̱ o-zak de̱e̱n bo̱ u̱m ho̱ge̱ no̱ e̱ks cak à, komo u̱n gam-o̱ u̱r-hi ne̱. Komo no̱ she̱re̱g be-u̱r Kiristi.

Korosiya-ne̱ 2:8

No̱m no̱ ceen! Taase wu̱ ken wu̱ raks no̱, no̱ do̱re̱ bu̱-yo u̱n wu̱ á. Yo ye̱ ro̱ m-yoos à, a nom sa o zee o-nip, amba bo̱-to̱ komo rii-yo o-hwaa. Ka yoos-de u̱n to̱r temb u̱n yo hun-ne̱ co̱wo̱nte̱ à. Ye̱ ro̱ m-yoose̱ u̱n hun-ne̱, u̱nze ye̱ m-do̱re̱ u̱n jor-se ma-hun komo be̱e̱b-de ku̱kt-u̱t yo̱-to̱, u̱n su̱ge̱-de u̱n yoose̱ u̱n hun-ne̱ mo̱sse̱ u̱n Kiristi ne̱.

2 Timoti 4:15

Wo̱ ma o no̱m ce̱e̱n u̱n wu̱ ne̱, remen wu̱ ro̱ u̱t-yage̱ u̱n yoos-u̱r na ne̱ de̱e̱n.

Yahuda-ne̱ 3:14

Remen a se̱ngu̱tu̱ no̱ m-she̱r gu̱ng gu̱ng be-de Shir bo̱ a ro m-no̱m u̱r-takan à, har u̱r-ko̱m, bo̱ a he m-warag kang-o gaan u̱n Kiristi ne̱ à.

1 Bitrus 5:9

Kwangu̱ no̱ wu̱, no̱ she'et u̱r-be̱e̱b ne̱ u̱n she̱r-m no̱. No̱ nepste̱ ho̱no o-dak kap o̱r no̱ ne̱ yan-dor Ye̱so ro̱ m-swo̱ u̱r-ko̱o̱b bo̱ no̱ ro̱ m-swo̱ à.

2 Bitrus 2:7

Wu̱ guug Ro̱t, kashi u̱n ne̱t. Ka da-de wu̱ tu̱ksu̱ru̱ o-So̱do̱m. Ro̱t co̱wo̱g o-regen de̱e̱n remen rii-yo m-'e̱ yo ká hun-ne̱ ye̱ o-So̱do̱m, o-Gomora ne̱ no̱me̱ à.

2 Bitrus 3:1

Nay-ne̱ re, o̱ ka o̱ ro̱ taku̱rda-o ayoore̱-o̱, o̱ u̱m genbu̱ no̱ à. N-me̱ u̱n ká taku̱rda-to̱ u̱t-yoor, u̱m se̱ngu̱te̱, u̱m dootu̱ no̱ jaab-o̱ u̱t-me̱n, no̱ nomot barag-se u̱r-bon be-de u̱n bakse̱ u̱n no̱ rii-yo no̱ rege̱ no̱ nepse̱ à.

U̱t-Hyangan 2:5

Remen kaane̱, u̱m ru̱ru̱te̱ no̱ no̱ baks bo̱ no̱ ro me̱ m-was u̱n ko̱wan ne̱ à, no̱ nep u̱nze no̱ kus te̱ m-was u̱ntu̱n n-ga á! Waktu̱ u̱n no̱ be u̱n de komo no̱ nom yo no̱ ro no̱m u̱r-takan à. U̱rege̱ no̱ waktu̱ne̱, no̱ yagne̱ rem-u̱s no̱ se u̱r-ba'as á, man habe̱ u̱m piishi no̱ u̱t-ma. Remen kaane̱ man ru̱ bu̱u̱g-de u̱n hun-ne̱ no̱ m-ru n-me̱ u̱n mo̱ro̱g-de yan-dor Ye̱so.