2 Bitrus 1:12 - Mɑ‑to̱ Shir Taku̱rda-o swo̱r o-nu pu̱-o̱

¹² Ko̱ de nomte̱ no̱ nepse̱ ka rem-se à, komo no̱ bu̱ps ka yoos-de o-nip ne̱ o̱ no̱ nape̱ à, amba man se̱ngu̱ no̱ m-bakse̱.

2 Bitrus 1:12 ပူးပေါင်းရင်းမြစ်များ

Se̱nge̱-mo̱ 16:5

U̱n kaane̱ hun-ne̱ yan-dor doote̱ m-'wo̱ns be-de m-she̱r o-nip, ye̱ ro̱ m-do̱ u̱t-mo̱o̱r ko̱ de ke ho̱-de.

Piripi-ne̱ 3:1

Ko ya no̱me̱, o̱r re ne̱, yan-dor. Ye̱so u̱m ko̱no̱g Wan-Ko̱yan wu̱ 'ye no̱ o-zak u̱n rii-yo no̱ m-no̱m à. Man ker u̱n gene̱ u̱n no̱ tomso ne̱, rii-yo u̱m ro genetu̱ na n-ga á, remen yo he no̱ m-gu be-de yan-raks-u̱t no̱.

Korosiya-ne̱ 1:5

M-she̱r m-was ne̱ mo̱ ro̱ m-rwu̱nte̱ dish-o̱ u̱n rii-yo o-kwu̱m yo Shir he no̱ m-bo̱pse̱ yo wu̱ e̱ssu̱ no̱ re̱e̱ n-To̱n shir à. No̱ ho̱gu̱su̱te̱ cin n-ga ne̱ rem-se u̱r-bon se Shir swo̱re̱ o-nu wu̱a nomo no̱ à. No̱ ho̱gu̱su̱te̱ ka rem-se da-o̱ hun-ne̱ habe̱ ye̱ ru̱ru̱ no̱ Ma-to̱ m-Re̱re̱m ma-to̱ o-nip mo̱sse̱ u̱n Kiristi ne̱ à.

Korosiya-ne̱ 2:7

She̱r no̱ geer-u̱s no̱ n-me̱ u̱n Kiristi, komo no̱ se̱nge̱ m-do̱ be-de u̱n nap-se u̱n wu̱. Komo se̱ngu̱ no̱ m-she̱r u̱r-be̱e̱b ne̱ be-de u̱n yo hun-ne̱ yoosu̱ no̱ à mo̱sse̱ u̱n Kiristi ne̱ à. Komo no̱ se̱nge̱ bo̱ngo̱n-de Shir.

1 Timoti 4:6

U̱rege̱ o yoosu̱te̱ o̱r ru ne̱ yan-dor go̱n ka ma-to̱, wo̱a warag kashi u̱n ko-ya-m-Rwo̱r u̱n ma-u̱t Kiristi Ye̱so, komo Shir a ru̱ wo̱ o bo̱'o̱su̱te̱ u̱n ma-to̱ m-she̱r remen yoos-de u̱r-bon de wo̱ m-no̱me̱ o-do̱ro̱tte̱ har m-mo̱ka à.

2 Timoti 1:6

Remen kaane̱ o̱, me̱ wo̱ m-bakse̱ o nom m-'wo̱ns u̱n ka myot-se Shir ya'u̱ wo̱ à, tomso ne̱, o ma'as u̱n no̱m u̱n se̱nge̱-mo̱ Shir ya'u̱ wo̱ à, kom-u̱t yoor. Da-o̱ u̱m hu̱u̱ wo̱ kom-to̱ o-kwu̱m à, Shir ya'ag wo̱ be̱e̱b-de u̱n no̱m u̱n ka se̱nge̱-mo̱.

Yahuda-ne̱ 10:32

To̱-u̱t to̱ ka no̱ caari-de u̱r-ko̱o̱b de no̱ swo̱'e̱ da-o̱ no̱ takne̱ m-go̱ks m-cecar á. O̱ ken da-o̱ hun-ne̱ pyapartu̱ no̱ komo ye̱ bu no̱ be-to̱ u̱n hun-ne̱, de ken da-de no̱ swo̱o̱g u̱r-ko̱o̱b u̱n o̱r no̱ ne̱.

Yahuda-ne̱ 13:9

No̱ yage̱ a rakstu̱ no̱ u̱n to̱ ken yoos-u̱t pu̱-to̱ ne̱, to̱ ro̱ u̱t-tu̱w m-mo̱ka ho̱no o-dak. No̱ ho'os co̱w-yo u̱r-yoos de o-nip á. Jiishte̱ ne̱t kum u̱r-be̱e̱b be-de u̱n yar-mo̱ Shir, ba be-de u̱n jind-o̱ u̱n re̱n rii-yo m-re̱ á. O̱ ka ro̱tt gwu̱ be-de u̱n ye̱ ro̱ o̱ m-nome̱ o-do̱ro̱tte̱ á.

1 Bitrus 5:10

Shir guug na u̱n ko̱ yo ke bu̱-yo. Wu̱ daagu̱ na remen wu̱ wongté̱ se̱ps-mo̱ u̱n wu̱ u̱n na ne̱. Ka se̱ps-mo̱ ro̱ m-she'et ba m-ta. Wu̱a wong-mo̱ u̱n na ne̱ remen a do̱ru̱te̱ Ye̱so Kiristi. No̱ su̱ u̱r-ko̱o̱b m-mo̱ka, amba u̱jime̱ o-da hiin, Shir a muut no̱ hond hond, wu̱ she̱r no̱ komo wu̱ tor no̱ u̱r-be̱e̱b ne̱.

1 Bitrus 5:12

U̱n be̱e̱b-u̱r Siras o̱r na ko-yan-e̱ss u̱t-ma à, u̱m ge̱nbe̱ no̱ ka taku̱rda-o̱ o-kotton remen u̱m ye'et no̱ be̱e̱b-de u̱s-rwu̱n komo u̱m ru̱ru̱ no̱, u̱nze yo ka yar-mo̱ Shir mo̱. Remen kaane̱ she̱r no̱ m-'wo̱ns ne̱ be-de u̱n ká yar-mo̱.

2 Bitrus 1:13

U̱m no̱mo̱g u̱s-barag myet-mo̱ u̱n ho̱-to̱ u̱n ho̱o̱g-m re, u̱m hyanag hond hond o̱, a se̱ngu̱ no̱ m-bakse̱ u̱n ká rem-se ko̱yanda.

2 Bitrus 1:15

O̱ rwo̱'e̱ me̱tte̱ m-se̱nge̱ de̱e̱n u̱m ru̱ru̱tu̱ no̱ ká rem-se cin m-mo̱ka. Me̱ u̱n ze̱e̱ kááne̱ remen no̱ ma'asté̱ se m-baks ko̱ o̱ ke da-o̱, da-o̱ me̱ merse̱.

2 Bitrus 3:1

Nay-ne̱ re, o̱ ka o̱ ro̱ taku̱rda-o ayoore̱-o̱, o̱ u̱m genbu̱ no̱ à. N-me̱ u̱n ká taku̱rda-to̱ u̱t-yoor, u̱m se̱ngu̱te̱, u̱m dootu̱ no̱ jaab-o̱ u̱t-me̱n, no̱ nomot barag-se u̱r-bon be-de u̱n bakse̱ u̱n no̱ rii-yo no̱ rege̱ no̱ nepse̱ à.

2 Bitrus 3:17

Remen kaane̱ nay-ne̱ re, bo̱ no̱ nepse̱ u̱n kaane̱ ne̱ à, 'er no̱ hi u̱n no̱ taase ma-to̱ u̱n hun-ne̱ ye̱ u̱n ba o-karamsa e̱gu̱sse̱ no̱ no̱ taagu̱te̱ u̱n con-u̱t no̱ u̱t-so̱to̱.

1 Yohana 2:21

Me̱ m-gende̱ no̱, yanze me̱ u̱nze no̱ nap o-nip á, se̱ de̱ remen no̱ nepste̱ o̱. Amba no̱ nepste̱ yatt bo̱-to̱ he m-rwu̱u̱n be-de o-nip á.

2 Yohana 1:2

Remen nip-o ro̱ u̱n hur-u̱t na à, o̱ à se̱nge̱ n-me̱ u̱n na har da-o̱ u̱n ba m-ta.

Yahudas 1:17

Amba no̱ ye̱ me̱ m-was u̱n no̱ ne̱ à, baks no̱ rii-yo yan-To̱m Ye̱so ye̱ u̱n Wan-Ko̱yan na Ye̱so Kiristi ru̱ru̱ no̱ à.

Yahudas 1:3

No̱, ye̱ me̱ m-was u̱n no̱ ne̱ à, u̱m no̱mo̱g u̱r-go̱p u̱m genbu̱tu̱ no̱ ma-to̱ u̱n ka gwu̱-o̱ o̱ mo̱sse̱ na à. Amba u̱m hyanu̱ru̱ depete̱ m-gen u̱m dootu̱ no̱ jaab-o̱ u̱t-me̱n, u̱m gaktu̱ no̱ 'er-de u̱n m-she̱r mo̱ Shir bo̱pse̱ hun-ne̱ ye̱ u̱n wu̱ ye̱ ba m-ku̱ko̱p, so̱ o-gaan cot à. Depete̱ a we̱n hun-ne̱ baramse̱ she̱r-m na.

Yahudas 1:5

Man baksu̱ no̱, komo no̱ nepse̱ yo m-so̱k ne̱, ko̱ de nomte̱ Wan-Ko̱yan ruute̱ Isra-ne̱ u̱n dak-o̱ o-Masar à, amba myet u̱n kaane̱ ne̱ ha-mo̱ u̱r-ko̱m wu̱ waragte̱ wu̱ hoomse̱ ka ye̱ yage̱ m-she̱r be-de u̱n wu̱ à.