1 Yohana 4:9 - Mɑ‑to̱ Shir Taku̱rda-o swo̱r o-nu pu̱-o̱

⁹ Co̱w-yo Shir kututu̱ na m-was à, yo ka, Shir to̱mo̱nte̱ Wà u̱n wu̱ wan-gaan co̱t u̱n ho̱no o-dak, remen wu̱ a kumut ho̱o̱g-o̱ ba m-ta.

1 Yohana 4:9 ပူးပေါင်းရင်းမြစ်များ

Markus 12:6

“M-mo̱ka ne̱ wa-o-kat taagu̱te̱ wan-to̱m, se̱ wà u̱n wu̱ u̱n ho̱n-de u̱n wu̱, wu̱ wu̱ co̱ne̱ à. Wu̱ ze̱e̱ru̱ u̱n hur-de u̱n wu̱, ‘Kay, ka ya-to̱m-ye̱ ye̱a hyen 'e̱-m wà re.’ Ka da-de ne̱, wu̱ to̱mu̱ru̱ wà u̱n wu̱.

Ruka 4:18

“Ku̱kt-o̱ u̱n Yawe ro̱ u̱n hi u̱n de, remen wu̱ dagante̱ me̱ u̱m hantu̱te̱ ko̱o̱b-ne̱ ka Ma-to̱ m-Re̱re̱m to̱. Wu̱ to̱mu̱nte̱ me̱ u̱m ko̱'o̱t a us ka ye̱ a gage̱ à, komo u̱n ups u̱n yish-ye̱ u̱n po̱-ne̱ ne̱. U̱m guut ye̱ a mo̱'e̱ à,

Yohana 10:10

Ko-hyow ro̱ m-haan temb rem u̱r-hyow, u̱r-ho̱ ne̱ m-naas ne̱. Me̱ u̱n haan, remen hun-ne̱ kumut ho̱o̱g-m shiishe̱.

Yohana 14:6

Ye̱so ze̱e̱ru̱ wu̱, “Me̱ wu̱ ro̱ o-co̱w, me̱ wu̱ ro̱ o-nip, me̱ wu̱ ro̱ ho̱o̱g. Wa m-ha be-u̱r Tato re ro̱ ko̱n á, se̱ wu̱ do̱nte̱ be u̱n de remen me̱ wu̱ ro̱ o-co̱w yo m-ha be-u̱r Tato re.

Yohana 3:16

“Remen was-mo̱ Shir wasse̱ u̱n ho̱no o-dak ne̱ à, o̱ hante̱ wu̱ to̱mo̱nte̱ mat-de u̱n Wà u̱n wu̱ wan-gaan cot. Wu̱ u̱n no̱m kaane̱, remen bo̱ u̱n ne̱t-wu̱ she̱re̱ hur-de u̱n wu̱ be-de u̱n wu̱ à, taase wu̱ sabre̱, amba wu̱ kumut ho̱o̱g-mo̱ ba m-ta.

Yohana 3:18

Kap bo̱ u̱n ne̱t-wu̱ she̱re̱ hur-de u̱n wu̱ u̱n Wà-wu̱ Shir à, a piishi wu̱ u̱t-ma á. Amba wu̱ she̱re̱ hur-de u̱n wu̱ u̱n Wà-wu̱ Shir á, a regu̱su̱te̱ a komsu̱te̱ wu̱ piishe̱ u̱t-ma o̱ ka, remen wu̱ she̱r hur-de u̱n wu̱ u̱n Wà-wu̱ Shir wan-gaan cot á.

Yohana 5:23

remen kap o̱ u̱n hun-ne̱ ye'et Wà m-se̱k bo̱ a u̱n 'ya o-Tato à. Amba bo̱ u̱n wu̱ yage̱ 'ya u̱n Wà m-se̱k à wu̱ 'ya o̱ ka o-Tato m-se̱k wu̱ to̱mne̱ Wà á.

Yohana 6:29

Ye̱so shasu̱ru̱ ye̱, “Se̱nge̱-mo̱ Shir mo̱ ka: no̱ she̱r be-de u̱n wu̱ Shir to̱mne̱ à.”

Yohana 6:51

Me̱ wu̱ ro̱ ka buro̱di-to̱ u̱n ho̱o̱g-to̱ to̱ rwu̱u̱ne̱ n-To̱n u̱n shir à. Bo̱n ne̱t-wu̱ re̱ ka buro̱di-to̱ à, wu̱a nom ho̱o̱g-mo̱ ba m-ta. Ka buro̱di-to̱ komo wu̱r-o re o̱, o̱ u̱m he m-ya'as à, remen ho̱no o-dak o̱ nomot ho̱o̱g.”

Yohana 6:57

Wo̱ hyange̱ bo̱ Shir o-Tato wan-ho̱o̱g to̱mne̱ me̱ à, u̱m ro̱tte̱ u̱n ho̱o̱g ne̱ remen wu̱ à. Ka bo̱-o̱ komo, wu̱ ti'e̱ ap-mo̱ u̱n wu̱r-o re à, wu̱a kum ho̱o̱g rem re.

Yohana 8:29

Tato re wu̱ to̱mne̱ me̱ ne̱ à, wu̱ ro̱ mo̱sse̱ u̱n me̱ ne̱. Wu̱ yage̱ me̱ u̱n ho̱n-de á, remen ko̱ de ke da-de me̱ u̱n no̱m u̱n rii-yo wu̱ co̱ne̱ à.”

Yohana 8:42

Ye̱so ze̱e̱ru̱ ye̱, “U̱ rotte̱ Shir tato no̱ wu̱, no̱ roa was u̱n me̱ ne̱ remen be-de o-Tato o̱ u̱m rwu̱u̱ne̱. Me̱ ka ne̱, me̱n haan remen hi u̱n de á. Wu̱ wu̱ to̱mne̱ me̱.

Yohana 9:3

Ye̱so shasu̱ru̱, “Remen ka ne̱t-wu̱, ko̱ tato u̱n wu̱ ye̱ no̱m u̱r-ba'as á, se̱ de̱ remen a kututé̱ hun-ne̱ nom-mo̱ Shir be-de u̱n wu̱.

Roma-ne̱ 8:32

Shir we̱n na Wà u̱n wu̱ à, amba wu̱ ya'astu̱ wu̱ rem na kap. ¿Wu̱a hoks na ya'as u̱n ko̱yan kom-u̱t yoor á?

Yahuda-ne̱ 1:5

Shir ze̱e̱ru̱ wu̱, “Wo̱ Wà re wu̱, Caane̱ u̱m waragte̱ Tato ru.” Komo Shir doog m-rwo̱r u̱n ma-to̱ u̱n wu̱ u̱n nu-o̱ u̱n wu̱ ken wu̱, wu̱ zee, “Man warag Tato u̱n wu̱, Wu̱a warag Wà re.” Amba wu̱ tak m-ze̱e̱ u̱n yan-to̱m-ye̱ u̱n wu̱ kaane̱ á.

1 Yohana 3:16

Rii-yo hante̱ a nept m-was à, remen Ye̱so Kiristi ya'aste̱ ho̱o̱g-o̱ u̱n wu̱ rem na. Na ne̱, depu̱te̱ a ya'as hi u̱n na rem o̱r na ne̱.

1 Yohana 4:10

Was-mo̱ o-nip mo̱ ro̱ was-mo̱ a kute̱ Shir á, amba was-mo̱ Shir kutu̱ na à. Shir to̱mo̱nte̱ Wà u̱n wu̱ remen wu̱ ya'aste̱ hyó-mo̱ u̱n wu̱ u̱r-sake̱ a rurut na be-to̱ u̱n ba'as-u̱t na.

1 Yohana 4:16

A nak, tomso ne̱ a she̱re̱g o-nip u̱n was-mo̱ Shir no̱me̱ na à. Shir was-mo̱ u̱rege̱ a se̱ngu̱te̱ m-was u̱n o̱r na ne̱, a ma'as kang-o gaan u̱n hur-u̱t na u̱n Shir ne̱, komo Shir a ma'as kang-o gaan be-u̱r na.

1 Yohana 5:11

Rii-yo Shir kutu̱ na be-to̱ u̱n rwo̱r-mo̱ u̱n wu̱ à, yo ka, wu̱ ya'ag na ho̱o̱g-o̱ ba m-ta, o̱ a kume̱ be-u̱r Wà u̱n wu̱ à.

1 Yohana 5:13

Me̱ u̱n gende̱ no̱, no̱ ye̱ she̱re̱ u̱n jin-de u̱n Wà-wu̱ Shir à, remen no̱ nept u̱nze no̱ ro̱ u̱n ho̱o̱g ne̱ o̱ ba m-ta.