1 Yohana 2:7 - Mɑ‑to̱ Shir Taku̱rda-o swo̱r o-nu pu̱-o̱

⁷ Nay re ne̱, ba karamsa-o pu̱-o̱ o̱ me̱ no̱ m-gene̱ á amba ká ut-o̱ o̱, ká o̱ no̱ nape̱ cin u̱r-takan à. Kà karamsa-o ut-o̱ o̱ ro̱ to̱m-o̱ no̱ ho̱ge̱ à.

1 Yohana 2:7 ပူးပေါင်းရင်းမြစ်များ

Matiyos 5:43

Ye̱so haaru̱ co m-ze̱e̱, “No̱ ho̱gu̱ssu̱te̱ o-karamsa u̱nze, ‘Co̱n ne̱t-wu̱ co̱nu̱ wo̱ à,’ o yage̱ wu̱ yagu̱ wo̱ à.

Yohana 13:34

“Karamsa-o pu̱-o̱ o̱ me̱ no̱ m-ru̱re̱. Was no̱ u̱n o̱r no̱ ne̱. Bo̱ u̱m wasse̱ u̱n no̱ ne̱ à, ka bo̱-se ne̱ o̱ u̱n cen no̱ ne̱ no̱ was u̱n o̱r no̱ ne̱.

Se̱nge̱-mo̱ 17:19

Remen kaane̱, ye̱ heetu̱ru̱ wu̱ u̱n dor-de o-Arepagus. Bu̱u̱g-de yan-co u̱n ka bo̱-o̱ ze̱e̱ru̱ wu̱, “¿Ko̱ wo̱a ru̱ru̱ te̱ ka yoos-u̱r pu̱-de de o wo̱tte̱?

Yahuda-ne̱ 6:9

O̱r re ne̱, ko̱ te̱ ru̱ru̱ no̱ u̱t-ma u̱ntu̱n to̱ kà, te̱ nepste̱ no̱ m-no̱m u̱n ka rem-se u̱r-bon se hun-ne̱ ro̱ m-no̱m à da-o̱ ye̱ kume̱ gwu̱-o̱ Shir.

1 Yohana 2:24

No̱ ne̱, rii-yo no̱ ho̱ge̱ cin n-ga ne̱ à, se̱ no̱ e̱ss yo u̱n hur-u̱t no̱. U̱rege̱ ne̱ rii-yo no̱ ho̱ge̱ à, no̱ e̱sste̱ yo u̱n hur-u̱t no̱, no̱a ma'as kang-o gaan o-Tato ne̱ u̱n Wà u̱n wu̱ ne̱, Ye̱so.

1 Yohana 3:11

Ma-to̱ no̱ ho̱ge̱ cin u̱r-takan à, to̱ ka, a was no̱ o̱r na ne̱.

1 Yohana 3:2

O̱r re ne̱, ye̱ me̱ m-was à, m-mo̱ka yakar-ye̱ Shir a ro̱. Amba har m-mo̱ka a kutu̱ na yo a he m-warag á. A nepste̱ da-de wu̱ mu̱u̱ne̱, a warag u̱ntu̱n Ye̱so Kiristi, remen a hyen wu̱ bo̱ wu̱ ro̱ à.

1 Yohana 3:21

O̱r re ne̱, ye̱ me̱ m-was à, u̱rege̱ hur-u̱t na he̱e̱s na á, a she'et be-to̱ Shir sasa.

1 Yohana 3:23

Yo Shir ze̱e̱ a no̱m à yo ka: A she̱r no̱ u̱n jin-u̱r Wà u̱n wu̱ Ye̱so Kiristi, tomso ne̱ a was u̱n o̱r na ne̱ ne̱, bo̱ Ye̱so Kiristi ze̱e̱ na à.

1 Yohana 4:1

O̱r re ne̱, ye̱ me̱ m-was à, yan-ko̱'o̱t u̱n ma-to̱ u̱t-bo̱ rusunte̱ ho̱no o-dak ko̱ kene̱ u̱nze yan-rwo̱r u̱n Ma-to̱ Shir ye̱ ka. Remen kaane̱, no̱ go̱ks ko̱wan wu̱ zee wu̱ ro̱ u̱n Ku̱kt-o̱ Shir ne̱ á. Se̱ no̱ me'este̱, no̱ gu̱t, ko̱ Ku̱kt-o̱ Shir o̱ nip o̱.

1 Yohana 4:11

O̱r re ne̱, ye̱ me̱ m-was à, cin de nomte̱ Shir waste̱ u̱n na ne̱ de̱e̱n à, ai, depete̱, a was no̱ o̱r na ne̱.

1 Yohana 4:21

Karamsa-o̱ Shir ya'asu̱ na à o̱ ro̱, “Was no̱ u̱n Shir ne̱ komo no̱ was o̱r no̱ ne̱.”

1 Yohana 4:7

O̱r re ne̱ ye̱ me̱ m-was à, a was no̱ o̱r na ne̱, remen m-was mo̱ u̱n rwu̱u̱n be-de Shir. Wu̱ ro̱ m-was u̱n o̱r u̱n wu̱ à, wu̱ ro̱ u̱n ho̱o̱g-m pu̱-mo̱ ne̱, komo mat-de Shir de, tomso ne̱ wu̱ nak Shir.