1 Yohana 2:19 - Mɑ‑to̱ Shir Taku̱rda-o swo̱r o-nu pu̱-o̱

¹⁹ Ká hun-ne̱ ye̱ u̱n rwu̱u̱n be-u̱r na, myet u̱n kaane̱ ne̱ ye̱ kang-o gaan u̱n na ne̱ á. Ye̱ rotte̱ kang-o gaan u̱n na ne̱, ye̱ ro̱a she'et be-u̱r gaan u̱n na ne̱. Amba koos-mo̱ u̱n ye̱, mo̱ a nepte̱ ye̱ ma na ye̱ á, ko̱ n-ga.

1 Yohana 2:19 ပူးပေါင်းရင်းမြစ်များ

Matiyos 24:24

Me̱n ze̱e̱ kaane̱ remen yan Kiristi ye̱ u̱t-bo̱, u̱n yan-Rwo̱r u̱n Ma-to̱ Shir ne̱ ye̱ u̱t-bo̱ ye̱a rusune̱. Ye̱ nom caari-o̱ o-napa u̱n rem-se u̱n hyan u̱t-hyat ne̱, remen ye̱ rukt hun-ne̱, har u̱n ye̱ Shir daage̱ ne̱ à u̱rege̱ a nome̱.

Markus 13:22

Yan-rwo̱r u̱n ma-to̱ Shir ye̱ u̱t-bo̱ ye̱a ine̱, wu̱ ken a zee, ‘Me̱ ro̱ Kiristi,’ har ye̱a kute̱ no̱ caari-to̱ u̱t-hyat u̱n se ken rem-se u̱s-myot se ne̱ se no̱ ce̱te̱ m-hyan á. Ye̱ ro̱ m-no̱m u̱n ka rem-se remen ye̱ e̱e̱ste̱ ye̱ Shir daage̱ à, o̱ rwo'e̱ ye̱ hokste̱.

Ruka 8:13

Ka go̱-ye̱ he̱ne̱ u̱t-ta'ar à, ye̱ ro̱ ye̱ ho̱ge̱ u̱t-ma à, ye̱ go̱ksu̱ru̱ gwe̱rgwe̱r. Amba to̱ co̱w ye̱ u̱t-me̱n á, ya o-da hiin ye̱ go̱kse̱, amba da-o̱ meger-u̱t wo̱o̱ne̱ à, ye̱ hosu̱ru̱.

Yohana 15:2

Ko̱ yo ke jet-yo be-de u̱n yo, yo mate̱ á, Tato re a kups yo. Ko̱ yo ke yo ro̱ u̱r-mat à, a ro̱ yo m-ja'as remen yo ja'asté̱ u̱r-mat de̱e̱n.

Yohana 4:14

Amba ne̱t-wu̱ he m-swo̱ ho̱-mo̱ u̱m he wu̱ m-'ya à, wu̱a do m-ho̱ge̱ o-swo̱o̱t á, har da-o̱ ba m-ta. Remen ho̱-mo̱ u̱m he wu̱ m-'ya à, mo̱a warag u̱ntu̱n yish-to̱ m-ho̱ u̱n me̱n-to̱ u̱n wu̱. Mo̱a 'ye wu̱ ho̱o̱g-mo̱ ba m-ta.”

Se̱nge̱-mo̱ 15:24

A kumug m-ho̱ge̱ u̱nze ye̱ ken be u̱n na ye̱ ya'ag no̱ u̱r-ko̱o̱b u̱n ma-to̱ u̱n ye̱. Ye̱ zo̱'o̱gsu̱tu̱ no̱, ko̱ de nomte̱ à a rwo̱ ye̱ m-no̱m kaane̱ á.

Se̱nge̱-mo̱ 20:30

Har ma u̱n be-u̱r no̱, ye̱ ken ye̱a indu̱ne̱ ye̱ cep ma-to̱ u̱t-bo̱, remen ye̱ nakanté̱ yan-neke̱-m Ye̱so u̱n he̱r-o̱ u̱n ye̱.

Roma-ne̱ 9:6

Yanze swo̱r o-nu o̱ Shir u̱n warag hwaa á, remen myet o̱ u̱n hun-ne̱ ye̱ o-Isra ye̱ ro̱ hun-ne̱ ye̱ Shir á.

1 Korinti-ne̱ 11:19

No̱ m-wong u̱n hi u̱n no̱ kur-u̱t u̱t-kur remen no̱ kututé̱ hun-ne̱ u̱nze kur u̱n no̱ jiishte̱ ko̱ de ke kur-de. U̱ depe̱ kaane̱ á.

2 Timoti 2:10

Remen kaane̱, u̱m no̱mo̱g u̱r-jo̱o̱se̱ u̱n swo̱ u̱r-ko̱o̱b u̱n ko̱ yo ke rii-yo. U̱m ko̱'o̱te̱ ka ma-to̱, remen hun-ne̱ ye̱ Shir daage̱ à. Remen ye̱, u̱n ce u̱n ye̱, ye̱ kumut gwu̱ o̱ a m-kum be-u̱r Kiristi Ye̱so à, komo ye̱ cu̱w be-de u̱n ka se̱ps-mo̱ u̱n ba m-ta mo̱.

2 Timoti 2:19

Amba hun-ne̱ ye̱ Shir sa o zee shi'it-de ro̱ m-nukte̱ á ye̱ ro̱. Be-de u̱n ka shi'it-de Shir ge̱ne̱g: “Yawe nak hun-ne̱ ye̱ ro̱ ye̱ ma u̱n wu̱ à.” Komo Ma-to̱ Shir ze̱e̱g, “Da-o̱ wu̱ ken, wu̱ zee ye̱, ‘Yawe wu̱ ro̱ Wan-hur re.’ Ka ne̱t-wu̱, se̱ wu̱ yage̱ no̱m u̱r-ba'as.”

2 Timoti 3:9

Amba ye̱a hoks raks u̱n hun-ne̱ u̱n ya o-da hiin. Remen ba m-jime̱ de̱e̱n, ko̱wan he m-hyan u̱n rem-se o-hwaa se u̱n ye̱ cas, u̱ntu̱n bo̱ ko̱re̱ u̱n Jenis ne̱ u̱n Jambaras à.

Yahuda-ne̱ 10:39

Amba na, a u̱ntu̱n ye̱ wo̱ngse̱ hi-de u̱n ye̱ n-me̱ m-she̱r be-u̱r Ye̱so á. Ka ye̱ Shir he m-jorbe̱ n-me̱ o-ra à. A ro̱ ka ye̱ she̱re̱ har da-o̱ a he kum u̱n gwu̱ à.

2 Yohana 1:7

Ya-u̱t-bo̱ rusunte̱ de̱e̱n ho̱no o-dak. Ye̱ ro̱ m-ze̱e̱ a mat Ye̱so Kiristi, ne̱t u̱ntu̱n wu̱r-o na á. To̱, go̱ u̱n ka ne̱t-wu̱ ko-ya-u̱t-bo̱-wu̱ komo wan-Ryaab-u̱s Ye̱so Kiristi.

Yahudas 1:1

Me̱, Yahudas, ko-gu̱w Ye̱so Kiristi, heno Yakubu. Me̱ ge̱nbe̱ ka taku̱rda-o̱ ha-mo̱ u̱n be-de u̱n yan-dor Ye̱so. Me̱ u̱n ge̱nbe̱ kap ye̱ Shir daage̱ wu̱ was à, ye̱ Shir o-Tato u̱n ye̱ Ye̱so Wan-Ko̱yan ro̱ u̱r-'er ne̱ à.

Yahudas 1:19

Ye̱ ka kane̱ m-mo̱ka, ye̱ ye̱ komo ro̱ no̱ m-hante̱ m-cakre̱, she'et-de u̱n hi u̱n de u̱n ye̱ ye̱ ro̱tte̱. Ye̱tt Ku̱kt-o̱ Shir á.