1 Yohana 2:13 - Mɑ‑to̱ Shir Taku̱rda-o swo̱r o-nu pu̱-o̱

¹³ Tat-ne̱ u̱n in-ne̱ ne̱, me̱ u̱n ge̱nbe̱ no̱ remen no̱ nepste̱ wu̱, wu̱ ro̱ cin ba a ro no̱mo̱g ho̱no o-dak à. No̱ be̱e̱b-ye̱, me̱ u̱n genbu̱ no̱ to̱ remen no̱ kapste̱ ko-Gwo̱mo-wu̱ u̱n ya-u̱t-ko̱t.

1 Yohana 2:13 ပူးပေါင်းရင်းမြစ်များ

Matiyos 11:27

Bo̱ Ye̱so komte̱ u̱s-ko̱n be-de Shir à, ka da-de wu̱ nomu̱ru̱ hun-ne̱ u̱t-ma. “Tato re, Shir ya'ag me̱ nap-se u̱n ko̱yan. Komo yatt-wu̱ nape̱ Wà á se̱ o-Tato o̱ nape̱ wu̱. Komo yatt-wu̱ nape̱ Shir o-Tato á se̱ Wà, komo bo̱ u̱n ka hun-ne̱ ye̱, ye̱ me̱ Wà-wu̱ Shir co̱ne̱ wu̱ kute̱ ye̱ o-Tato à, komo ye̱ nept bo̱ Shir ro̱ à.

Matiyos 13:19

Ka go̱'-ye̱ he̱'e̱ne̱ n-riib u̱n co̱w à, ye̱ ro̱ ka ye̱ ho̱ge̱ ma-to̱ u̱n Gwo̱mo-to̱ Shir à amba ye̱ nap to̱ atte̱ ma-to̱ u̱n to̱ á. Ko-Gwo̱mo-wu̱ u̱n ya-u̱t-ko̱t haanu̱ru̱, wu̱ rwo̱o̱'ru̱ to̱-to̱ ke ye̱ u̱n rii-yo ye̱ ho̱ge̱ à.

Matiyos 13:38

Ká kat-o̱ komo o̱ ro̱ ho̱no o-dak be-de hun-ne̱ ro̱ m-she'et m-mo̱ka à. Go̱'-ye̱ u̱r-bon komo ye̱ ro̱ yakar-ye̱ u̱t-gwo̱mo to̱ Shir, ká kwa-ye̱ komo yakar-ye̱ u̱n ko-Gwo̱mo-wu̱ u̱n ya-u̱t-ko̱t ye̱.

Matiyos 5:37

U̱rege̱ o co̱no̱g m-ze̱e̱ ‘E̱e̱’ zee ‘E̱e̱,’ u̱rege̱ ‘Ay’ o̱, zee ‘Ay.’ Rii-yo pase̱ kaane̱ à, yo̱-yo yo. Yo rwu̱u̱ne̱ u̱n ko-Gwo̱mo-wu̱ u̱n ya-u̱t-ko̱t à.”

Ruka 10:22

“Tato re, ya'ag me̱ rii kap. Yatt-wu̱ nape̱ yo ka wà-wu̱ ro̱ á, se̱ tato u̱n wu̱, komo yatt-wu̱ nape̱ yo ka tato-o̱ ro̱ á, se̱ ka wà-wu̱, se̱ komo ye̱ ka wà-wu̱ daage̱ wu̱ ru̱ru̱te̱ ye̱ à.”

Yohana 14:7

No̱ ro nepstu̱ me̱, no̱ roa nep Tato re tomso ne̱. Amba kane̱ u̱n co, no̱a neps wu̱ har no̱ hyen wu̱ tomso.”

Yohana 14:9

Ye̱so ze̱e̱ru̱ wu̱, “Pirip, ho̱nu̱ a she'ete̱ no̱ cen no̱ ne̱ à, ¿o ze̱e̱ru̱ har m-mo̱ka wo̱ nap me̱ á? Ai, kap ne̱t-wu̱ hyane̱ me̱ à, ai wu̱ hyanag o-Tato. ¿Re o̱ u̱n ya o zette̱, ‘Kute̱ te̱ o-Tato’?

Yohana 16:3

Ye̱a nom kááne̱ komo remen ye̱ nap o-Tato ko̱ me̱ á.

Yohana 16:33

Me̱ u̱n ru̱ru̱ no̱ ka ma-to̱ remen hur u̱n no̱ gwu̱'u̱ru̱té̱ bo̱ no̱ dape̱ me̱ à. No̱a su̱ u̱r-ko̱o̱b be-de u̱n hun-ne̱ ye̱ u̱n ho̱no o-dak amba 'mo̱ no̱ u̱r-hur! U̱m re̱e̱g u̱r-ho̱ u̱n ho̱no o-dak ne̱!”

Yohana 17:21

Tato re, u̱m co̱no̱g kap mo̱ u̱n ye̱, ye̱ warag gaan, bo̱ a gaan à. U̱m co̱no̱g ye̱ warag gaan u̱n na ne̱, bo̱ wo̱ n-me̱ re, komo me̱ n-me̱ ru à. Ka da-de o̱ ho̱no o-dak he m-go̱ks ma-u̱t re u̱nze wo̱ to̱mnu̱ me̱.

Yohana 17:3

Co̱w-yo hun-ne̱ hette̱ m-kum ho̱o̱g-o̱ ba m-ta à, yo ro̱, ye̱ nep u̱nze wo̱ wu̱ ro̱ Shir gaan, o-nip, komo ye̱ nep u̱nze me̱, Ye̱so, me̱ ro̱ Kiristi, wu̱ o to̱mne̱ à.

Yohana 8:19

Ye̱ ze̱e̱ru̱, “¿Ke ne̱ o̱ tato ru ro̱?” Ye̱so shasu̱ru̱, “Ko̱ me̱ ko̱ Tato re, yatt-wu̱ no̱ nape̱ á. No̱ ro nepse̱ me̱, no̱ roa nep Tato re komo.”

2 Korinti-ne̱ 4:6

Remen Shir, o̱ rwo̱re̱, “Yage̱ m-cu̱cas mo̱ dakante̱ n-te̱ o-comb,” Wu̱ rwo̱'o̱g cu̱cas-mo̱ u̱n wu̱ mo̱ ma'as m-dakan n-te̱ u̱n hur u̱n te̱, mo̱ ye'et hun-ne̱ m-cecas ye̱ nept se̱ps-mo̱ Shir be-u̱r Ye̱so Kiristi.

1 Timoti 5:1

Wo̱ kwò̱s ne̱t se̱k-wu̱ u̱t-gaag á, amba nom wu̱ u̱t-ma sa o zee tato ru. Komo o gu̱t campo̱-ne̱ sa o zee hen-ne̱ ru.

Titus 2:6

U̱n cen o̱ ru̱re̱ campo̱-ne̱ be̱e̱b-ye̱, ye̱ hoks garamse̱ u̱n hi u̱n de u̱n ye̱

1 Yohana 1:1

Te̱ genbu̱te̱ no̱ ma-to̱ u̱n ká wu̱ ro̱kne̱ cin u̱r-takan à, ká wu̱ te̱ ho̱ge̱ ma-to̱ u̱n wu̱ komo te̱ hyenes à. Te̱ hyeneste̱ wu̱ u̱n yish te̱ komo te̱ ci'is wu̱ u̱n kom-u̱t te̱. Wu̱ gom-de u̱n ho̱o̱g de.

1 Yohana 2:1

Yakar re, ye̱ me̱ m-was à, me̱ no̱ m-gende̱ u̱n to̱ ka, taase no̱ nom u̱r-ba'as á. Amba u̱rege̱ ne̱ wu̱ ken no̱mo̱g u̱r-ba'as be u̱n no̱, a ro̱ u̱n Wa-u̱t-Orom ne̱ be-de Shir o-Tato, wu̱ he ko̱n u̱n Shir rem na à, Ye̱so Kiristi, wu̱ ro̱tt u̱r-ba'as á, ko̱ hiin.

1 Yohana 2:12

No̱ yakar re, ye̱ me̱ m-was à, me̱ u̱n genbu̱ no̱ remen Shir ho'osu̱tu̱ no̱ ba'as-u̱t no̱ rem Ye̱so Kiristi.

1 Yohana 2:14

Yakar re, u̱m genbu̱te̱ no̱, remen no̱ nepste̱ o-Tato. Tat-ne̱, u̱m genbu̱te̱ no̱ remen no̱ nepste̱ ká wu̱ ro̱ cin u̱r-takan à. Be̱e̱b-ye̱, u̱m genbu̱te̱ no̱ remen no̱ m-'wo̱ns ne̱, komo ma-to̱ Shir ro̱ ko̱n n-me̱ u̱n no̱, har no̱ mo̱'o̱gse̱ ká yo̱-yo yo.

1 Yohana 3:12

Taase a warag u̱ntu̱n Keen. Keen wu̱ ro'e̱ wà-wu̱ u̱n ko-Gwo̱mo-wu̱ u̱n ya-u̱t-ko̱t à, wu̱ ho̱'e̱ heno u̱n wu̱ à. ¿Remen yan o̱ ne̱ wu̱ hoote̱ heno u̱n wu̱? Remen rem-se wu̱ ro̱ m-no̱m à, yo̱-se se, se ma heno u̱n wu̱ ne̱, rem-u̱s so̱-se se.

1 Yohana 4:4

Yakar re, yakar-ye̱ Shir ye̱ no̱ ro̱. Tomso ne̱ no̱ kapste̱ ka ya-u̱t-bo̱-ye̱ remen Ku̱kt-o̱ Shir o̱ ro̱ be-u̱r no̱ à, o̱ jiishte̱ o̱ u̱n ho̱no o-dak m-'wo̱ns.

1 Yohana 5:18

A nepste̱ yakar-ye̱ Shir ro̱ m-se̱nge̱ m-no̱m u̱r-ba'as á, remen Ye̱so Kiristi, Wà-wu̱ Shir, ro̱ u̱n 'er-de u̱n ye̱, ko-Gwo̱mo-wu̱ u̱n ya-u̱t-ko̱t a hoks ye̱ m-ci á.

1 Yohana 5:20

A nepse̱ u̱nze Wà-wu̱ Shir haante̱, komo wu̱ ya'ag na u̱s-nap a nept Shir-o̱ o-nip. M-mo̱ka a n-me̱ u̱n ká wa-o-nip-wu̱ remen a she'ette̱ u̱n gam-o̱ u̱r-hi u̱n Wà u̱n wu̱ ne̱, Ye̱so Kiristi. Wu̱ ro̱ Shir-o̱ ba m-ku̱ko̱p o̱ o-nip, komo wu̱ ro̱ Shir-o̱ o-nip u̱n ho̱o̱g-o̱ ba m-ta ne̱.

U̱t-Hyangan 12:11

Ye̱ re̱e̱g u̱r-ho̱ u̱n bu̱-yo u̱n hyó-mo̱ u̱n Ya o-Rwu̱u̱g o-Ca Komo ye̱ re̱e̱g u̱r-ho̱ u̱n bu̱-yo ye̱ ru̱ru̱te̱ hun-ne̱ ne̱ ma-u̱t Ye̱so wu̱ he ye̱ hoks m-gu à. Komo ye̱ re̱e̱g u̱r-ho̱ remen ye̱ was u̱n ho̱o̱g-mo̱ u̱n ye̱ ne̱ á har gye̱r-o̱ m-mar reet ye̱ á.

U̱t-Hyangan 2:7

Kap wu̱ ro̱ u̱t-tó̱ ne̱ to̱ m-ho̱ge̱ à, wu̱ ho̱ge̱ rii-yo Ku̱kt-o Shir ro̱ u̱n ru̱re̱ u̱n hun-ne̱ yan-dor Ye̱so à! Be-de u̱n ko̱wan wu̱ re̱ u̱r-ho̱ de u̱n ko-Gwo̱mo-wu̱ u̱n ya-u̱t-ko̱t à, man 'ye wu̱ co̱w-yo u̱n re̱ u̱n ka 'yo-yo u̱n ho̱o̱g yo ro̱ n-te̱te̱ o̱ u̱n n-To̱n o̱ shir à.