1 Yohana 1:8 - Mɑ‑to̱ Shir Taku̱rda-o swo̱r o-nu pu̱-o̱

⁸ U̱rege̱ a ze̱e̱g a ro̱tt u̱r-ba'as á, raks-to̱ atte̱ hi u̱n na, komo nip-o ro̱ ko̱n u̱n hur-u̱t na á.

1 Yohana 1:8 ပူးပေါင်းရင်းမြစ်များ

Yohana 8:44

No̱, tato no̱ ko-Gwo̱mo-wu̱ u̱n ya-u̱t-ko̱t wu̱. Co̱n-m no̱ ne̱ komo no̱ nom rii-yo tato no̱ co̱ne̱ à. Wu̱, cin u̱r-takan wan-ho̱ de u̱n ne̱t-wu̱. Wu̱ ro̱ m-e̱s u̱n o-nip á, remen ho̱-mo̱ u̱n wu̱ ro̱ ko̱n be-de u̱n o̱ shir á. Bo̱-to̱ wu̱ ro̱tte̱ m-'wo̱ns, remen wu̱ wa-u̱t-bo̱-wu̱, tato-o̱ u̱n ya-u̱t-bo̱.

Roma-ne̱ 3:10

Gense̱ to̱ ro̱ bo̱ Ma-to̱ Shir ze̱e̱ à: “Kashi u̱n ne̱t ro̱ ko̱n á, ko̱ wan-gaan,

Roma-ne̱ 3:23

Hun-ne̱ myet ba'asu̱te̱, ye̱ no̱mo̱g m-pu̱pa u̱n se̱ps-mo̱ Shir ne̱.

1 Korinti-ne̱ 3:18

Taase ko̱ wu̱ ke ne̱t-wu̱ raks hi u̱n de u̱n wu̱, wu̱ ro̱ m-ze̱e̱ wu̱ ko-ya-u̱s-we̱e̱r wu̱ m-mo̱ka, se̱ wu̱ muss hi u̱n de u̱n wu̱ u̱ntu̱n ko-raag remen wu̱ waragté̱ ko-ya-u̱s-we̱e̱r.

Garatiya-ne̱ 6:3

U̱rege̱ wu̱ ken ro̱ u̱n uku o-cin u̱nze wu̱ yo ken rii-yo yo, ashi ne̱ wu̱ yo ken rii-yo yo á, hi u̱n de u̱n wu̱ wu̱ ro̱ m-raks.

1 Timoti 6:5

Ka hun-ne̱ ye̱ pe̱ne̱g mo̱o̱r-to̱ u̱t-ween. Ye̱ ro̱ u̱n barag-se o-hwaa ne̱, ye̱ kus o-nip ne̱ á. Ka hun-ne̱ ye̱ ro̱ m-hyan do̱r-o̱ Shir yo ken co̱w-yo yo, yo u̱n kum u̱n hwo̱r.

2 Timoti 3:13

Amba yan-me̱n-u̱t jaas-to̱, u̱n ya-u̱t-raks ne̱, she'et-de u̱n ye̱ u̱r-yo̱-de a do m-ha n-co n-co. Ye̱ ro̱ u̱n raks u̱n hun-ne̱, u̱n ce u̱n ye̱, a ye̱ u̱t-raks.

Yakubu 1:22

No̱m yo Ma-to̱ Shir ze̱e̱ à, ho̱gu̱-mo̱ cot, ba m-nom á. Wu̱ ro̱ m-ho̱ge̱ u̱t-to̱ temb à, wu̱ ro̱ o̱ ka m-raks u̱n hi u̱n de u̱n wu̱.

Yakubu 1:26

U̱rege̱ ne̱t ro̱ u̱s-barag u̱nze wu̱ ro̱ m-no̱m u̱n rii-yo Shir co̱ne̱ à, amba wu̱ bo̱p rem-de u̱n wu̱ be-de u̱n ma-to̱ hwaa á, wu̱ ro̱ u̱n raks u̱n hi u̱n de u̱n wu̱, dor-o u̱n wu̱ hwaa o̱.

Yakubu 3:2

Myet-m na o-da de̱e̱n a m-ba'ase̱. Amba u̱rege̱ ne̱t ro̱ m-ba'ase̱ u̱n yo wu̱ ro̱ m-ze̱e̱ á, wu̱ ro̱ o̱ ka hond hond, komo wu̱ ro̱ m-hoks u̱n do̱ru̱tte̱ u̱n ho̱o̱g-mo̱ u̱n wu̱.

2 Bitrus 2:13

Shir a sabu̱rsu̱ ye̱ bo̱ ye̱ rwo̱'e̱ hun-ne̱ swo̱ u̱r-ko̱o̱b à. Ka yan-yoos-de u̱t-bo̱ ye̱ ro̱ m-ho̱ge̱ re̱re̱m-mo̱ u̱t-biki de̱e̱n be-de ye̱ ro̱ m-re̱ m-swo̱ ne̱ à, ko̱ u̱n no̱n-ho̱ cangam. Ye̱ ro̱ u̱n ho̱ge̱ o-zak ye̱ e̱gu̱ssu̱te̱ no̱ ko̱ da-o̱ ye̱ mo̱rge̱ u̱n no̱ ne̱ be-de u̱n karge̱ de m-re̱. Remen kaane̱ a no̱ m-gwo̱t m-se̱k ne̱ á komo ye̱ hantu̱ no̱ m-'e̱.

1 Yohana 1:10

U̱rege̱ a ze̱e̱g a no̱m u̱r-ba'as á, a muute̱ Shir wa-u̱t-bo̱, komo ma-to̱ u̱n wu̱ ro̱ ko̱n u̱n hur-u̱t na á.

1 Yohana 1:6

U̱rege̱ a m-ze̱e̱ a u̱r-she'et kang-o gaan u̱n Shir ne̱, amba a u̱r-she'et n-me̱ o-comb, bo̱-to̱ atte̱, komo a u̱n she'et-de o-nip á.

1 Yohana 2:4

Ko̱wan wu̱ ze̱e̱ wu̱ nak Shir, amba wu̱ do̱re̱ karamsa-o̱ u̱n wu̱ á, ko-ya-u̱t-bo̱-wu̱. Nip-o ro̱ ko̱n u̱n hur-de u̱n u̱n wu̱ á.

1 Yohana 4:20

Amba ko̱wan wu̱ zee wu̱ ro̱ u̱n m-was u̱n Shir, amba wu̱ ro̱ u̱n yage̱-u̱t o̱r u̱n wu̱, ka ne̱t-wu̱ wa-u̱t-bo̱-wu̱. Remen ne̱t-wu̱ ro̱ m-was u̱n o̱r u̱n wu̱ á, ¿re o̱ u̱n ya wu̱ he m-was u̱n Shir ne̱, ye̱ wu̱ take̱ m-hyan?

2 Yohana 1:2

Remen nip-o ro̱ u̱n hur-u̱t na à, o̱ à se̱nge̱ n-me̱ u̱n na har da-o̱ u̱n ba m-ta.

3 Yohana 1:3

U̱m no̱mo̱g zak-o̱ u̱r-hur da-o̱ ye̱ ken yan-dor ye̱ haane̱, ye̱ ru̱ru̱ te̱ u̱nze wo̱ m-do̱re̱ u̱n co̱w-yo o-nip hond hond à.