1 Yohana 1:6 - Mɑ‑to̱ Shir Taku̱rda-o swo̱r o-nu pu̱-o̱

⁶ U̱rege̱ a m-ze̱e̱ a u̱r-she'et kang-o gaan u̱n Shir ne̱, amba a u̱r-she'et n-me̱ o-comb, bo̱-to̱ atte̱, komo a u̱n she'et-de o-nip á.

1 Yohana 1:6 ပူးပေါင်းရင်းမြစ်များ

Matiyos 7:22

U̱n ho̱-de piish u̱t-ma, hun-ne̱ de̱e̱n ye̱a zee me̱, ‘Go̱s-wu̱! Go̱s-wu̱! Te̱ rwo̱ro̱g Ma-to̱ Shir u̱n jin u̱n du! Te̱ ruut ya-u̱t-ko̱t u̱n jin u̱n du! Komo, te̱ no̱m rem-se u̱t-hyat u̱n jin u̱n du.’

Yohana 11:10

Amba bo̱n wu̱ ro̱ u̱r-hew m-te̱t à wu̱a ma'as u̱t-pu̱kse̱ remen cecas-m ro̱ ko̱n á.”

Yohana 12:35

Ye̱so ze̱e̱ru̱ ye̱, “M-mo̱ka ya o-da hiin kane̱ u̱n co, cecas-m ro̱ mo̱sse̱ u̱n no̱ ne̱. Nom no̱ u̱r-hew cin cecas-m ro̱ mo̱sse̱ u̱n no̱ ne̱, taasu̱ te̱t-mo̱ rew no̱ n-co̱w. Wu̱ te̱t-m rewe̱ à, wu̱a hyen co̱w-yo m-do̱re̱ á.

Yohana 12:46

Me̱ u̱n haan ho̱no o-dak remen u̱m ye'et hun-ne̱ m-cecas. Wu̱ she̱re̱ u̱n me̱ ne̱ à, taase wu̱ she'et o-comb á.

Yohana 8:12

Ye̱so dooru̱ ye̱ m-ze̱e̱, “Me̱ wu̱ ro̱ cecas-mo̱ u̱n ho̱no o-dak. Bo̱n ne̱t-wu̱ ro̱ me̱ m-do̱re̱ à, wu̱a do m-hewe̱ u̱r-hew n-me̱ o-comb á, amba wu̱a kum cecas-mo̱ u̱n ho̱o̱g.”

Yohana 8:55

No̱ nap wu̱ á. Me̱ ne̱, u̱m nepse̱ wu̱. Me̱ ro ze̱e̱ge̱ u̱nze me̱ nap wu̱ á, u̱m roa warag wa-u̱t-bo̱ u̱ntu̱n no̱. Amba u̱m nepste̱ wu̱. Me̱ ne̱ tomso u̱n no̱m o-do̱ro̱tte̱ u̱n ma-to̱ u̱n wu̱ ne̱.

1 Timoti 4:2

Ka hun-ne̱ ye̱ ro̱ m-no̱m sa o zee nip-o̱ ye̱ m-rwo̱r, amba bo̱-to̱ ye̱ he se̱nge̱ m-kupur. Ye̱a was á, ko̱ yo ye̱ ro̱ u̱r-yoos à nip-o̱ ko̱ u̱t-bo̱ á, remen hur-de u̱n ye̱ kapste̱ ye̱.

Yakubu 2:14

O̱r re ne̱, wu̱ ken wu̱ zee, wu̱ ro̱ m-she̱r ne̱ be-u̱r Ye̱so Kiristi, amba wu̱ ro̱ m-no̱m u̱n rii-yo Shir co̱ne̱ á. ¿Ya wu̱ he m-kum? Ka she̱r-mo̱ mo̱a gu wu̱ á.

Yakubu 2:16

U̱rege̱ wan-gaan be-u̱r no̱ ze̱e̱g wu̱, “Shir 'ye wo̱ o-kwu̱m. Shir 'ye wo̱ rii-yo m-re̱ u̱n yo m-co̱p ne̱,” amba no̱ 'ya wu̱ yo wu̱ co̱ne̱ á. Ay kaa o̱ gu rii á.

Yakubu 2:18

Komo wu̱ ken wu̱ wu̱a zee, “Wo̱ m-she̱r ne̱, me̱ m-se̱nge̱ ne̱.” Amba man shes wu̱, “Kutu̱ me̱ she̱r-m ru ba m-se̱nge̱, man kutu̱ wo̱ she̱r-m re be-de u̱n se̱nge̱-m re.”

1 Yohana 1:10

U̱rege̱ a ze̱e̱g a no̱m u̱r-ba'as á, a muute̱ Shir wa-u̱t-bo̱, komo ma-to̱ u̱n wu̱ ro̱ ko̱n u̱n hur-u̱t na á.

1 Yohana 1:3

Yo te̱ ho̱ge̱, u̱n yo te̱ hyane̱ ne̱ à, yo te̱ no̱ m-ru̱re̱, remen no̱ ma'aste̱ kang-o gaan u̱n te̱ ne̱. Bo̱ te̱ kang-o gaan o-Tato ne̱ u̱n Wà u̱n wu̱ ne̱ Ye̱so Kiristi à.

1 Yohana 1:8

U̱rege̱ a ze̱e̱g a ro̱tt u̱r-ba'as á, raks-to̱ atte̱ hi u̱n na, komo nip-o ro̱ ko̱n u̱n hur-u̱t na á.

1 Yohana 2:4

Ko̱wan wu̱ ze̱e̱ wu̱ nak Shir, amba wu̱ do̱re̱ karamsa-o̱ u̱n wu̱ á, ko-ya-u̱t-bo̱-wu̱. Nip-o ro̱ ko̱n u̱n hur-de u̱n u̱n wu̱ á.

1 Yohana 4:20

Amba ko̱wan wu̱ zee wu̱ ro̱ u̱n m-was u̱n Shir, amba wu̱ ro̱ u̱n yage̱-u̱t o̱r u̱n wu̱, ka ne̱t-wu̱ wa-u̱t-bo̱-wu̱. Remen ne̱t-wu̱ ro̱ m-was u̱n o̱r u̱n wu̱ á, ¿re o̱ u̱n ya wu̱ he m-was u̱n Shir ne̱, ye̱ wu̱ take̱ m-hyan?