1 Timoti 6:20 - Mɑ‑to̱ Shir Taku̱rda-o swo̱r o-nu pu̱-o̱

²⁰ Timoti, bo̱p kom-u̱t yoor remen Shir ya'astu̱ wo̱ se̱nge̱-mo̱ u̱n yoose̱ u̱n hun-ne̱ Ma-to̱ u̱n wu̱. O ma'as u̱n yoos u̱n ka Ma-to̱ m-Re̱re̱m ne̱ bo̱ u̱m yoose̱ wo̱ à. Taase o ho̱ge̱ yan-ma-to̱ o-hwaa. To̱ ro̱ u̱n 'ya u̱n Shir m-se̱k á, komo ma-to̱ u̱n ka hun-ne̱ ye̱ to̱ ragaan u̱n ma-to̱ o-nip ne̱ to̱ Shir á. Ye̱ ro̱ m-ze̱e̱ yo ye̱ u̱r-yoos à, ma-to̱ o-nip to̱, to̱ Shir, amba bo̱-to̱.

1 Timoti 6:20 ပူးပေါင်းရင်းမြစ်များ

Se̱nge̱-mo̱ 16:1

Burus haaru̱ o-Darbe̱, o-Ristira ne̱. Wu̱ ken ko-ya-neke̱-m Ye̱so wu̱ ro n-me̱ o-Risiya à, jin-de u̱n wu̱ Timoti, wà-wu̱ u̱n wu̱ ken ne'a-wu̱ ko-Yahuda ko-yan-dor. Tato u̱n wu̱ komo ko-Girik-wu̱.

Se̱nge̱-mo̱ 17:18

Kaane̱ komo ye̱ ken Abikuri-ne̱ ye̱ u̱n Sitokiya-ne̱ ya-u̱s-nap no̱mo̱g u̱t-ma u̱n wu̱ ne̱. Ye̱ ken ye̱ ze̱e̱ru̱, “¿Yan yo ne̱ ka wa-o-zaaz-wu̱ co̱ne̱ m-ze̱e̱?” Ye̱ ken ye̱ ze̱e̱ru̱, “Yo ro̱ sa o zee u̱nze ka ne̱t-wu̱ ro̱ u̱n ko̱'o̱t shir-ye̱ u̱n u̱n be-u̱t ho̱r-to̱.” Ye̱ u̱n rwo̱r kaane̱ remen Burus ro u̱n rwo̱r u̱n Ma-u̱t Ye̱so to̱ m-Re̱re̱m, komo m-ine̱ ne̱ be-de u̱t-marimar.

Se̱nge̱-mo̱ 17:21

(Myet Atina-ne̱ u̱n hamat-ne̱ ne̱ ye̱ ro̱ u̱r-she'et o-Atina à, ye̱ jiishte̱ m-co̱n ye̱ ho̱ge̱ rii pu̱-yo komo ye̱ cep ma-to̱ u̱n yo, arge̱ ko̱yan.)

Roma-ne̱ 1:22

Ye̱ ro m-hyan u̱n hi u̱n de u̱n ye̱ ya-u̱s-we̱e̱r amba ne̱ raag-mo̱ ye̱ rotte̱.

Roma-ne̱ 3:2

Rii ro̱ ko̱n hun-ne̱ u̱n ko̱ yo ke bu̱-yo! U̱r-takan, be-de u̱n Yahuda-ne̱ Shir bo̱pse̱ Ma-to̱ u̱n wu̱.

1 Korinti-ne̱ 2:6

Da-o̱ te̱ ya-m-se̱nge̱-mo̱ Shir te̱ ro'e̱ u̱n ye̱ sher-se̱ u̱s-geer be-de u̱n dor Ye̱so à, te̱ ye̱ m-ru̱re̱ ma-to̱ u̱s-nap. Amba ba go̱n nap-se u̱n ka zaman-yo á, ba komo go̱n nap-se u̱n yan-gwo̱mo-to̱ u̱n ka zaman-yo m-ta yo á. Kap ka gwo̱mo-ne̱ ye̱ a taage̱ u̱n gwo̱mo-to̱ u̱n ye̱.

1 Korinti-ne̱ 3:19

Remen kaane̱ we̱e̱r-se u̱n ho̱no o-dak raag-mo̱ u̱n co-o̱ Shir. Me̱ u̱n ze̱e̱ kaane̱, remen gense̱ to̱ ro̱ u̱nze, “Wu̱ ro̱ u̱n bo̱p u̱n ya-u̱s-we̱e̱r be-de u̱n we̱e̱r-se u̱n ye̱.”

Korosiya-ne̱ 2:18

Remen kaane̱ no̱ yage̱ yan-gwe̱gwe̱r-mo̱ u̱r-hi mo̱ u̱t-bo̱, u̱n yan-kwu̱kte̱ u̱n yan-to̱m-ye̱ Shir ne̱ gaktu̱ no̱ no̱m bo̱ ye̱ ro̱ m-no̱m á. No̱ do̱re̱ yoos-de u̱n ye̱ no̱ he de kumu u̱n yar-mo̱ Shir e̱ssu̱ no̱ á. Go̱n ka hun-ne̱ ye̱ ro m-ze̱e̱ ye̱ jiishte̱ ko̱wan u̱n nap u̱n Shir remen ye̱ hyanag u̱t-hyangan. We̱e̱r-se u̱n wu̱ kap se u̱n hur-de u̱n wu̱ se, komo se ro̱ wu̱ m-rwo̱ u̱s-se̱s. Amba o-nip wu̱ ro̱tt co̱w-yo u̱n no̱m u̱s-se̱s á.

Korosiya-ne̱ 2:8

No̱m no̱ ceen! Taase wu̱ ken wu̱ raks no̱, no̱ do̱re̱ bu̱-yo u̱n wu̱ á. Yo ye̱ ro̱ m-yoos à, a nom sa o zee o-nip, amba bo̱-to̱ komo rii-yo o-hwaa. Ka yoos-de u̱n to̱r temb u̱n yo hun-ne̱ co̱wo̱nte̱ à. Ye̱ ro̱ m-yoose̱ u̱n hun-ne̱, u̱nze ye̱ m-do̱re̱ u̱n jor-se ma-hun komo be̱e̱b-de ku̱kt-u̱t yo̱-to̱, u̱n su̱ge̱-de u̱n yoose̱ u̱n hun-ne̱ mo̱sse̱ u̱n Kiristi ne̱.

2 Tasaronika-ne̱ 1:4

Remen kaane̱, kap u̱n n-me̱ u̱n hun-ne̱ yan-dor-ye̱ Shir, no̱ ye̱ te̱tte̱ u̱n uk o-cin remen gaag u̱n me̱n-u̱t no̱ u̱n she̱r-m no̱ ne̱ u̱n ka range̱-o̱ kumu no̱ u̱t-meger ne̱ amba no̱ 'mo u̱r-hur à.

2 Tasaronika-ne̱ 2:15

Remen kaane̱, o̱r re ne̱, e̱s no̱ u̱r-be̱e̱b ne̱, komo no̱ bu̱p ka nip-o̱ te̱ yoosu̱ no̱ à, ko̱ u̱n ma-to̱ nu, ko̱ komo genge̱n.

1 Timoti 1:11

Ka yoos-de u̱n Ma-to̱ m-Re̱re̱m to̱ u̱n rwu̱u̱n be-de Shir wa-m-se̱ps, o-kwu̱m ne̱. Shir bo̱bsu̱ me̱ m-ko̱'o̱t to̱.

1 Timoti 1:4

Ru̱re̱ ye̱, ye̱ yage̱ naas u̱n da-o̱ hun-ne̱ be-de u̱n yoos-de u̱t-zwo̱m, u̱n o̱o̱g-de u̱n ya-n-ga-ye̱ ne̱. Ye̱ yage̱ remen go̱n ka ma-to̱ ro̱ m-hante̱ su̱nu̱-mo̱ u̱t-ma. To̱ u̱n gu u̱n hun-ne̱ no̱m u̱n she'et-de m-she̱r be-de Shir á.

1 Timoti 1:6

Amba ye̱ ken ye̱ joru̱te̱ ka rem-se Shir co̱ne̱ a no̱m à, ye̱ wargu̱ru̱ be-de u̱n ma-to̱ ba u̱r-hi.

1 Timoti 1:9

A nak komo, Shir ya'as o-karamsa remen o̱ ja'asté̱ kashi u̱n hun-ne̱ á. Amba Shir u̱n ya'as o̱ remen o̱ ja'asté̱: Yan-ko̱o̱b-de u̱n gye̱r-o̱ u̱n wu̱, U̱n yan-ko̱o̱b-de o-do̱ro̱tte̱ ne̱, U̱n ya-u̱t-ba'as ne̱, U̱n yan-yage̱ u̱n nom u̱n rii-yo karamsa-o ze̱e̱ ne̱ à, U̱n ye̱ ro̱ m-yage̱ she'et-de m-ku̱ko̱p ne̱ á, Yan-ko̱o̱b-de o-do̱ro̱tte̱ o̱ u̱n Ma-to̱ Shir, U̱n ye̱ ro̱ u̱n ho̱ u̱n tat-ne̱ ye̱ u̱n ye̱ ne̱ à, U̱n ye̱ ro̱ u̱n ho̱ u̱n in-ne̱ ye̱ u̱n ye̱ ne̱ à, Myet u̱n yan-ho̱ u̱n hun-ne̱ ne̱,

1 Timoti 4:7

No̱m ja u̱n yoos-de u̱t-bo̱ ne̱, taase o she̱r ho̱o̱g ru be-de u̱t-zwo̱m to̱ o-hwaa to̱ ro̱ u̱n gu u̱n hun-ne̱ ye'et Shir m-se̱k á. O yoose̱ hi u̱n du bo̱ o he u̱r-she'et de Shir co̱ne̱ o she'et à n-me̱ u̱n ko̱ yo ke rii-yo.

1 Timoti 6:11

Amba wo̱ Timoti o she̱re̱g be-de Shir. Bo̱ hun-ne̱ ro̱ m-so̱m be-de u̱n rii yo̱-yo à, so̱m be-de u̱n co̱n-to̱ u̱n hwo̱r de̱e̱n. O ma'as m-gwo̱t u̱n hun-ne̱ u̱r-bon ne̱. O se̱nge̱ no̱m u̱n rii-yo ro̱ u̱r-bon ne̱ à. Myet yo wo̱ m-no̱m à, she'et bo̱ Shir co̱ne̱ o she'et à. She̱r be-de Shir. Was u̱n hun-ne̱ ne̱. No̱m jaab-o̱ u̱t-me̱n u̱n dor-o̱ Shir. Nome̱ hun-ne̱ u̱t-ma u̱n gwu̱gwe̱r-mo̱ u̱r-hi ne̱.

2 Timoti 2:1

Timoti, wo̱ u̱ntu̱n wà re wu̱. O ma'as u̱n no̱m u̱n jaab-o̱ u̱t-me̱n be-de u̱n yar-mo̱ Shir, mo̱ Kiristi Ye̱so ya'u̱ wo̱ à.

2 Timoti 2:16

O som no̱m u̱n ma-to̱ o-hwaa to̱ u̱n ba u̱r-hi. Hun-ne̱ ye̱ ro̱ u̱n no̱m u̱n ma-to̱ o-hwaa à, ro̱ m-warag yan-ko̱o̱b-de o-do̱ro̱tte̱ o̱ Shir.

Titus 1:14

Komo taase ye̱ do m-was u̱n zwo̱m-to̱ u̱n Yahuda-ne̱ á, ko̱ ne̱ ye̱ do̱re̱ karamsa-to̱ u̱n hun-ne̱ ye̱ yage̱ yoos-de o-nip de ma Ye̱so Kiristi.

Titus 1:4

Titus, me̱ wo̱ m-gende̱ u̱n ka taku̱rda-o̱. Wà re o ro̱ remen myet-m na a she̱re̱g be-u̱r Ye̱so Kiristi. U̱m ko̱no̱g Shir Tato na, u̱n komo Kiristi Ye̱so ne̱, Wan-Gwu̱ na. Me̱ u̱s-ko̱n wu̱ 'ye wo̱ yar-mo̱ u̱n wu̱, komo wu̱ 'ye wo̱ gwu̱gwu̱-mo̱ u̱r-hur!

Titus 1:9

Wu̱ she̱re̱ u̱r-bon ne̱ be-de u̱n Ma-to̱ m-Re̱re̱m to̱ te̱ yoose̱ wu̱ à, to̱ ma Ye̱so Kiristi. Ka da-de wu̱a hoks m-wo̱s u̱r-be̱ u̱nze ka ma-to̱ nip-o̱ komo yatt-wu̱ he to̱ m-kwu̱s á. Wu̱ no̱me̱ kaane̱ wu̱a hoks m-gu u̱n hun-ne̱ ye̱ nomot o-do̱ro̱tte̱ be-de u̱n ka yoos-de o-nip de, de u̱n Ma-to̱ m-Re̱re̱m. Wu̱a kute̱ hun-ne̱ ye̱ yage̱ m-she̱r u̱n yoos-de o-nip à, ye̱ nep u̱nze ye̱ ba'asu̱te̱.

Titus 3:9

Amba no̱m ja be-de u̱n yan-ma-to̱ o-saa u̱n ma-to̱ u̱n ya-n-ga-ye̱ ne̱, o no̱m ja u̱n su̱ne̱-mo̱ u̱t-ma ne̱, u̱t-ween ne̱ to̱ ma-to̱ u̱n karamsa-o Mosa. Go̱n ka su̱nu̱-mo̱ u̱t-ma mo̱, ma-to̱ o-hwaa to̱, to̱ ro̱ u̱n gu u̱n ne̱t á.

U̱t-Hyangan 3:3

Baks yo no̱ yoose̱ u̱n yo no̱ ho̱ge̱ ne̱ à n-ga. No̱ nomo yo o-do̱ro̱tte̱ no̱ waktu̱ne̱ be u̱n de. U̱rege̱ ne̱ no̱ yagu̱te̱ m-zu̱te̱, man habe̱ da-o̱ no̱ hwo̱ o-sakto̱ á, u̱ntu̱n bo̱ ko-hyow ro̱ m-nom à.