1 Timoti 6:16 - Mɑ‑to̱ Shir Taku̱rda-o swo̱r o-nu pu̱-o̱

¹⁶ Shir o̱ cot ro̱ m-mar á. Wu̱ ro̱ u̱r-she'et be-de m-cecar. Remen kaane̱ yatt ne̱t-wu̱ he m-ha u̱n he̱r-o̱ u̱n wu̱ á. Ne̱t ro̱ ko̱n wu̱ take̱ m-hyan u̱n Shir á, komo yatt-wu̱ he wu̱ hoks m-hyan á. Yage̱ hun-ne̱ kap ya'aste̱ wu̱ u̱t-go̱s, u̱t-gwo̱mo ne̱, to̱ ba m-ta. Amin.

1 Timoti 6:16 ပူးပေါင်းရင်းမြစ်များ

Yohana 1:18

Yatt ne̱t-wu̱ take̱ hyan u̱n Shir cas á, se̱ Wà u̱n wu̱ u̱r-mat u̱n ho̱n-de u̱n wu̱. Wu̱ ro̱ ragaan u̱n Shir ne̱. Wu̱ ro̱ tara u̱n kom-o̱ u̱r-re̱ de Shir à, wu̱ ru̱ru̱ na bo̱ Shir ro̱ à.

Yohana 14:9

Ye̱so ze̱e̱ru̱ wu̱, “Pirip, ho̱nu̱ a she'ete̱ no̱ cen no̱ ne̱ à, ¿o ze̱e̱ru̱ har m-mo̱ka wo̱ nap me̱ á? Ai, kap ne̱t-wu̱ hyane̱ me̱ à, ai wu̱ hyanag o-Tato. ¿Re o̱ u̱n ya o zette̱, ‘Kute̱ te̱ o-Tato’?

Yohana 6:46

Yanze ne̱t ro̱ ko̱n wu̱ hyane̱ Shir o-Tato á, se̱ wu̱ wu̱ rwu̱u̱ne̱ be-de Shir o-Tato à. Wu̱ wu̱ cot, hyane̱ o-Tato.

Yohana 8:58

Ye̱so ze̱e̱ru̱ ye̱, “Me̱ no̱ m-ru̱re̱ o-nip, cin ba a u̱n makt Ibrahi, ‘U̱m ro̱ ko̱n.’ ”

Apisu-ne̱ 3:21

Remen kaane̱, yage̱ na ye̱ ro̱ hun-ne̱ ye̱ Shir à, komo ye̱ mo̱sse̱ u̱r-hi u̱n Kiristi Ye̱so ne̱ à, a bu̱mu̱t no̱ Shir har da-o̱ ba m-ta! Amin!

Piripi-ne̱ 4:20

Ko̱yanda, a se̱ke̱mse̱ no̱ Shir, Tato na n-To̱n ba u̱r-ma. Shir zee kaane̱!

Korosiya-ne̱ 1:15

Yatt-wu̱ ro̱ m-hyan u̱n Shir á, amba da-o̱ Wà u̱n wu̱ barme̱ ne̱t à, wu̱ kutute̱ hun-ne̱ Shir. Wu̱ ro̱ u̱n gwo̱mo-to̱ u̱n ko̱yan yo Shir no̱me̱ à.

1 Timoti 1:17

Ko̱n-u̱s re se ro̱ hun-ne̱ kap ye̱ 'ye Shir m-se̱ps, u̱t-go̱s ne̱, ba m-ta. Wu̱ ro̱ ko-Gwo̱mo ba m-ta. Wu̱ u̱n ba u̱r-ko̱m. Wu̱ a m-hyan á. Shir o̱ u̱n ho̱n-de u̱n o̱. Amin.

Yahuda-ne̱ 13:8

Ye̱so Kiristi wu̱ ro̱ m-barme̱ á. Bo̱ wu̱ ro'e̱ n-ga n-ga à, kaa wu̱ ro̱ caane̱ har da-o̱ u̱n ba m-ta.

Yakubu 1:17

Myet bo̱ u̱n rii-yo u̱r-bon u̱n yar-mo̱ m-mo̱ka ne̱, mo̱ u̱n rwu̱u̱n e̱s-mo̱ n-to̱n, be-de Shir. Wu̱ nome̱ o-To̱n m-cecar ne̱ à, ka cecar-mo̱ ro̱ m-barme̱ amba Shir ro̱ m-barme̱ á, komo comb-o ro̱ ko̱n be-de u̱n wu̱ á.

1 Yohana 1:5

To̱m-o̱ ká o̱ te̱ o̱ ho̱gne̱ be-u̱r Ye̱so à komo o̱ te̱ ru̱ru̱ no̱, Shir cecar-mo̱, comb-o ro̱ ko̱n be-de u̱n wu̱ á ko̱ hiin.

1 Yohana 1:7

Amba u̱rege̱ a u̱r-she'et be-de m-cecar bo̱ Shir ro̱ à, a kang-o gaan u̱n o̱r na ne̱. Komo hyó-m Wà u̱n wu̱ Ye̱so sokste̱ ba'as-u̱t na kap.

1 Yohana 4:12

Yatt-wu̱ hyane̱ Shir á. Amba u̱rege̱ a m-was u̱n o̱r na ne̱, Shir a she'et kang-o gaan be-u̱r na, komo was-mo̱ u̱n wu̱ mo̱ o-nip a ma'as u̱n hur-u̱r na.

Yahudas 1:25

Be-de u̱n wu̱ komo m-se̱ps, wu̱ ro̱ Shir u̱n ho̱n-de u̱n wu̱ Wan-Gwu̱ na, u̱r-bo̱ngo̱n u̱n bu̱-o Ye̱so Kiristi Wan-Ko̱yan na. M-se̱ps, u̱r-be̱e̱b, u̱t-gwo̱mo ne̱, to̱ warag-u̱t ma u̱n wu̱ cin takan-de o-da, m-mo̱ka, u̱n da-o̱ ba m-ta ne̱ komo! Amin.

U̱t-Hyangan 1:6

Wu̱ u̱n daag na remen a waragté̱ hun-ne̱ ye̱ u̱n gwo̱mo-to̱ u̱n wu̱, komo yan-Co̱w u̱n ko̱n-se Shir. Wu̱ u̱n no̱m kaane̱ remen a nomoté̱ Shir, Tato-o̱ u̱n wu̱ m-gu̱w. Yage̱ a ya'aste̱ m-se̱ps kap u̱r-be̱e̱b ne̱ be-de u̱n wu̱ ba m-ta! Amin.

U̱t-Hyangan 1:8

Wan-Ko̱yan Shir wu̱ ze̱e̱, “Me̱ ro̱ u̱r-Takan, u̱r-Bu̱ste̱ ne̱. Me̱ ro̱ m-mo̱ka, me̱ ro cin n-ga, komo wu̱ ro̱o̱ne̱ à, Wa-u̱t-Gwo̱mo kap.”

U̱t-Hyangan 21:3

Komo u̱m ho̱gu̱ru̱ caari-o̱ co̱r-o̱ ro̱ u̱n ce̱p u̱t-ma rwu̱u̱n-mo̱ u̱n kwu̱u̱r-o̱ u̱t-gwo̱mo o̱ ro̱ m-ze̱e̱, “Gwo̱t hur-o̱ Shir u̱n hun-ne̱ ne̱ n-me̱! Wu̱a she'et be-u̱r gaan u̱n ye̱ ne̱. Komo ye̱ warag hun-ne̱ ye̱ u̱n wu̱. Shir komo u̱n hi u̱n de u̱n wu̱ wu̱a she'et u̱n ye̱ ne̱, komo wu̱ warag Shir-o̱ u̱n ye̱.

U̱t-Hyangan 22:5

Te̱t-m mo̱ kus kaane̱ á. Yatt-yo nu̱su̱ ye̱ u̱n ma-to̱ u̱r-pitirra ko̱ cu̱cas-mo̱ u̱r-ho̱ á, remen Wan-Ko̱yan Shir wu̱ he m-warag cu̱cas-mo̱ u̱n ye̱. Komo ye̱a re u̱t-gwo̱mo har da-o̱ ba m-ta.

U̱t-Hyangan 4:11

“Wo̱ bo̱'o̱se̱, Wan-Ko̱yan Shir, remen o dekt m-se̱ps, u̱t-go̱s, u̱r-be̱e̱b ne̱. Remen wo̱ no̱me̱ ko̱yan, tomso ne̱ u̱n co̱n-m ru o̱ a no̱me̱ ko̱yan komo remen ru, se ro̱tte̱ m-ho̱o̱g ne̱.”

U̱t-Hyangan 7:12

Ye̱ se̱ngu̱ru̱ m-ze̱e̱, “Amin! U̱r-bo̱ngo̱n, m-se̱ps ne̱, u̱s-nap ne̱, u̱n 'ya m-yar ne̱, u̱t-go̱s ne̱, u̱t-gwo̱mo ne̱, m-'wo̱ns ne̱ kap ro̱ be-de Shir na ba m-ta har ya nomot! Amin!”