1 Timoti 3:1 - Mɑ‑to̱ Shir Taku̱rda-o swo̱r o-nu pu̱-o̱

¹ Hun-ne̱ ro̱ m-ze̱e̱, “U̱rege̱ ne̱t ro̱ u̱r-go̱p wu̱ waragte̱ ko-wan-gu̱t-de u̱n yan-dor Ye̱so, wu̱ no̱mo̱g go̱p-de u̱n kashi m-se̱nge̱.” Ka ma-to̱ nip-o̱.

1 Timoti 3:1 ပူးပေါင်းရင်းမြစ်များ

Ruka 15:10

Kang-o gaan kane̱, me̱ no̱ m-ru̱re̱, yan-to̱m-ye̱ Shir ro̱ m-no̱m o-zak remen wan-gaan-wu̱ waktu̱ne̱ wu̱ do̱re̱ Shir à.”

Se̱nge̱-mo̱ 1:20

Bitrus ze̱e̱ru̱, “Remen gense̱ to̱ ro̱ n-me̱ u̱n taku̱rda-o̱ u̱n Se̱p-to̱ u̱r-Bo̱ngo̱n u̱nze, “ ‘A ginim hur-o̱ u̱n wu̱, taase ne̱tu̱ she'et n-me̱ á.’ A zeste̱ komo, ‘Con-de u̱n wu̱, wu̱ ken ne̱t-wu̱ dek.’

Se̱nge̱-mo̱ 20:28

Gwo̱t no̱ hi u̱n no̱, komo kap o̱ u̱n hun-ne̱ ye̱ Ku̱kt-o̱ Shir rwo̱'u̱ no̱ m-gwo̱t à. Ye̱ ro̱ u̱ntu̱n kur-o̱ u̱n ca. Komo no̱ he yan-gu̱t-de u̱n hun-ne̱ yan-dor ye̱ Shir kumne̱ hi u̱n de u̱n wu̱ u̱n hyó-m Wà u̱n wu̱ à.

Roma-ne̱ 11:13

Me̱ u̱t-ma u̱n no̱ ne̱ m-mo̱ka no̱ ye̱ ro̱ Yahuda-ne̱ á. Ko̱ yan-to̱m wu̱ u̱n be-de ye̱ ro̱ Yahuda-ne̱ á, man no̱m m-gwo̱n u̱n se̱nge̱-m re.

Apisu-ne̱ 4:12

Wu̱ u̱n no̱m kaane̱ remen wu̱ zo̱ngsu̱té̱ hun-ne̱ ye̱ Shir bo̱ ye̱ he m-no̱me̱ u̱n o̱r u̱n ye̱ ne̱ m-gu̱w à, remen yan-dor Ye̱so waragté̱ u̱r-be̱e̱b ne̱ ye̱ bo̱'o̱se̱ u̱n dor-o u̱n Kiristi.

Piripi-ne̱ 1:1

Me̱, Burus u̱n Timoti ne̱ yan-gu̱w-m Ye̱so Kiristi, ro̱ no̱ m-gas, kap no̱ ye̱ ro̱ n-me̱ u̱n bo̱-o̱ o-Piripi à, ye̱ go̱kse̱ Ye̱so Kiristi à. Komo te̱ m-gas u̱n yan-gu̱t-de u̱n yan-dor Ye̱so, u̱n yan-m-se̱nge̱ ne̱.

1 Tasaronika-ne̱ 5:14

Te̱ no̱ u̱s-ko̱n komo, o̱r te̱ ne̱, no̱ te̱pe̱r ka yan-she'et-de o-hwaa ye̱. No̱ 'ye yan-ba u̱n du̱w-de u̱r-hur jaab-o̱ u̱t-me̱n. No̱ gu ye̱ ro̱tte̱ u̱r-be̱e̱b á. No̱ 'mo u̱r-hur u̱n ko̱wan ne̱.

1 Timoti 1:15

Ka ma-to̱, bo̱-u̱t to̱ ko̱n n-me̱ u̱n to̱ á, komo to̱ wo̱o̱g a go̱kste̱ to̱ kap u̱nze, “Kiristi Ye̱so haante̱ u̱n ho̱no o-dak wu̱ guut ya-u̱t-ba'as, bo̱ ye̱ he m-po̱sse̱ den-o̱ o-ra à.” U̱m nak komo u̱m aragte̱ hun-ne̱ kap u̱r-ba'as.

1 Timoti 4:9

Ka ma-to̱, to̱ hun-ne̱ ro̱ m-rwo̱r à, nip-o̱ komo to̱ woose̱ a go̱ks-to̱ kom-u̱t yoor.

2 Timoti 2:11

Ka ma-to̱ nip-o̱, to̱ ro̱ m-ze̱e̱, U̱rege̱ ne̱t marag u̱n Kiristi, wu̱a no̱m m-ho̱o̱g u̱n Ye̱so ne̱ tomso ne̱.

Titus 1:7

Taase hun-ne̱ kum rii-yo o-yo'og be-de u̱n wu̱ á. (Remen ko-wan-gu̱t-de u̱n yan-dor Ye̱so, wu̱ ro̱ m-rwo̱ u̱n yish be-de u̱n se̱nge̱-mo̱ Shir.) Taase wu̱ nome̱ o̱r u̱n wu̱ ne̱ u̱s-se̱s, Wu̱ ro̱tte̱ ho̱r-mo̱ u̱s-ryaab á, Wu̱ ro̱ u̱n yage̱ swo̱-mo̱ ho wu̱ á. Wu̱ ro̱ u̱n hoob-o̱ u̱t-ma á. Wu̱ ro̱ o-su̱u̱b remen hwo̱r á.

Titus 3:8

Ka ma-to̱, ma-to̱ o-nip to̱. U̱m co̱no̱g wo̱ o es eso, se̱ o hyanag hun-ne̱ do̱ru̱te̱ to̱, bo̱n kap wu̱ she̱re̱ be-de Shir à, wu̱a nep u̱nze wu̱a ma'as u̱n no̱m rem-se u̱r-bon. Ka yoos-de ro̱ u̱r-bon ne̱ komo u̱n gwu̱ ne̱ remen ko̱wan.

Yahuda-ne̱ 12:15

War no̱, taase wu̱ ken wu̱ taage̱ kum u̱n yar-mo̱ Shir mo̱ wu̱ he na m-'ya à. Taase no̱ yage̱ wu̱ she̱re̱ be-de Shir á wu̱ co̱wo̱n be-u̱r no̱ wu̱ naas ye̱ ken ye̱ de̱e̱n.

1 Bitrus 2:25

No̱ ro e̱gu̱ssu̱te̱ u̱ntu̱n ye̱ge̱-ca, amba m-mo̱ka no̱ mu̱u̱nte̱ be-de u̱n wan-Ruut-m no̱ u̱n wan-Gu̱t-de u̱n ho̱o̱g-m no̱ ne̱.

1 Bitrus 4:15

U̱rege̱ no̱ swo̱o̱g u̱r-ko̱o̱b, taase de nom remen no̱ ho̱o̱g ne̱t, ko̱ u̱r-hyow, ko̱ ne̱ yo ken rii yo̱-yo, ko̱ o-he̱be̱ gwu̱w.

1 Bitrus 5:2

Warag no̱ yan-gu̱t-de u̱n kur-o̱ Shir bo̱bsu̱ no̱ à. No̱ nom m-gu̱w u̱ntu̱n ya-u̱r-gu̱t ba ye̱ a gakte̱ á, amba u̱n co̱n-mo̱ u̱t-me̱n, bo̱ Shir co̱ne̱ no̱ warag à. No̱m no̱ kaane̱ ba remen go̱p-de u̱n hwo̱r á amba u̱n co̱n-mo̱ u̱t-me̱n.