1 Timoti 1:5 - Mɑ‑to̱ Shir Taku̱rda-o swo̱r o-nu pu̱-o̱

⁵ Yo a co̱ne̱ ko̱ wu̱ ke wan-dor o̱ Shir wu̱ nom à, yo ro̱ m-was u̱n o̱r u̱n wu̱ ne̱ ne̱. Ka was-mo̱ a rwu̱u̱n u̱n hur-u̱r pus-de, u̱n hur-u̱r gaan ne̱, komo u̱r-hur ne̱ de m-she̱r be-de Shir cot.

1 Timoti 1:5 ပူးပေါင်းရင်းမြစ်များ

Matiyos 12:35

Kashi u̱n ne̱t ro̱ m-rwu̱nte̱ u̱n rii-yo u̱r-bon. Ne̱t yo̱-wu̱ komo wu̱ ro̱ m-rwu̱nte̱ rii yo̱-yo.

Matiyos 5:8

Ya-o-zak-ye̱, ka ye̱ ro̱ u̱n me̱n-u̱t pus-to̱ ne̱ à, remen ye̱a hyen Shir.

Se̱nge̱-mo̱ 15:9

Komo wu̱ kutu̱ na m-koos u̱n ye̱ ne̱ á, u̱n remen wu̱ muute̱ hur-to̱ u̱n ye̱ cas cas be-de m-she̱r o̱ u̱n ye̱.

Se̱nge̱-mo̱ 23:1

Burus tuuru̱ Mo̱ro̱g-de u̱n Se̱k-ye̱ yish, wu̱ ze̱e̱ru̱, “No̱ o̱r re ne̱, u̱m komoste̱ se̱nge̱-mo̱ Shir yaksu̱ me̱ à komo hur u̱n de kaps me̱ á har de ka ho̱-de.”

Se̱nge̱-mo̱ 24:16

O̱ rwo̱'e̱ u̱r-ho̱ bi me̱tte̱ m-se̱nge̱ u̱n hur-u̱r gaan be-de u̱n Shir u̱n hun-ne̱ ne̱.

Roma-ne̱ 10:4

Kiristi, wu̱ ro̱ ko̱m-de o-karamsa, remen a waragté̱ kashi be-de Shir, se̱ a she̱re̱g be-de u̱n wu̱.

Roma-ne̱ 12:9

Was no̱ u̱n o̱r no̱ ne̱ o-nip. No̱ ginim myet rii yo̱-yo, amba bo̱p no̱ rii-yo ro̱ u̱r-bon ne̱ à kom-u̱t yoor.

Roma-ne̱ 14:15

U̱rege̱ wo̱ u̱n naas u̱n hur-de u̱n wu̱ ken wu̱ remen rii-yo wo̱ m-re̱ à, wo̱ was u̱n wu̱ ne̱ o̱ ka á. Taase rii-yo wo̱ m-re̱ à yo warag wo̱ co̱w-yo u̱n sabu̱rse̱ u̱n o̱r ru, wu̱ Kiristi mare̱ remen u̱n wu̱ à.

Roma-ne̱ 9:1

U̱n e̱sse̱nte̱ u̱n de wu̱ ma Kiristi, yage̱ u̱m ru̱ru̱tu̱ no̱ yo ken rii-yo, komo Kiristi Ye̱so wu̱ ro̱ me̱ m-su̱'e̱, u̱nze ka ma-to̱ nip-o̱. Komo hur u̱n de u̱n Ku̱kt-o̱ Shir ne̱ nepste̱ kaane̱ o̱.

1 Korinti-ne̱ 13:1

Ko̱ u̱m hoks nap u̱n te̱p u̱n rem-to̱ u̱n hun-ne̱ ho̱r-ye̱ u̱n to̱ u̱n yan-to̱m-ye̱ Shir ne̱, amba u̱rege̱ me̱ m-was u̱n o̱r re ne̱ á, u̱m waragte̱ o̱ ká u̱ntu̱n o-jeger yo u̱n zaaz-o̱ o-hwaa, ko̱ ne̱ o-kanga o̱ u̱n kaas u̱n hun-ne̱ u̱t-to̱ o-zaaz.

2 Korinti-ne̱ 1:12

Rii-yo ro̱ te̱ m-rwo̱ m-gwo̱n à: Yo ro̱ hur u̱n te̱ kaps te̱ á, de ro̱ te̱ m-ru̱re̱ u̱nze te̱ she'ette̱ she'et-de u̱n ba m-ku̱ko̱p n-me̱ u̱n ho̱no o-dak u̱n hur-u̱r gaan ne̱ to̱ rwu̱u̱ne̱ be-de Shir à. Yagu̱nte̱ ma she'et-de te̱ she'ette̱ u̱n no̱ ne̱ á. Man zee te̱ no̱mo̱g kaane̱ n-me̱ u̱n o̱ Shir. Te̱ u̱n nom kaane̱ n-me̱ kwu̱m-o̱ Shir, ba be-de u̱n we̱e̱r-se u̱n ho̱no o-dak á.

Garatiya-ne̱ 5:22

Da-o̱ Ku̱kt-o̱ Shir garamse̱ na à, hun-ne̱ a hyen ka rem-se u̱n she'et u̱n na, se ro̱: m-was, me̱n-u̱t pus-to̱, gwu̱gwu̱-mo̱ u̱r-hur, 'mo̱ u̱r-hur, gu u̱n hun-ne̱, u̱n shoos u̱n rii-yo u̱r-bon ne̱, u̱n o̱ shir ne̱,

Garatiya-ne̱ 5:6

Remen a ro n-me̱ u̱n Kiristi Ye̱so, ko̱ u̱r-ko̱ ko̱ ba u̱r-ko̱ yo ken rii-yo yo á be-u̱r na. Amba rii-yo Shir co̱ne̱ cot à yo ro̱ ne̱t she̱r be-u̱r Kiristi, komo ho̱o̱g-mo̱ u̱n wu̱ ro̱ m-kute̱ wu̱ co̱no̱g Shir u̱n hun-ne̱ ne̱.

1 Timoti 1:18

Wà re Timoti, yo me̱ m-ze̱e̱ o no̱m à, hond hond yo ro̱ u̱n yo yan-rwo̱r u̱n Ma-to̱ Shir ru̱ru̱ wo̱ ne̱ à. Shir o̱ daagu̱ wo̱ o ko̱'o̱te̱ ma-to̱ u̱n wu̱. Baks u̱n kà ma-to̱ yan-rwo̱r u̱n Ma-to̱ Shir ru̱ru̱ wo̱ ne̱ à, to̱a do wo̱ jaab-o̱ u̱t-me̱n u̱n no̱m u̱n yo Shir ze̱e̱ o no̱m à.

1 Timoti 1:19

Da-o̱ wo̱ ro u̱n ko̱'o̱t u̱n Ma-to̱ Shir, ma'as n-te̱ m-she̱r, komo hur u̱n du kaps wo̱ á. Ye̱ ken hun-ne̱ ye̱ hur-de u̱n ye̱ kapste̱ ye̱. Remen kaane̱ ye̱ hoks m-she̱r be-de Shir á.

1 Timoti 3:9

Komo ye̱ bu̱p she̱r-mo̱ u̱n ye̱ u̱n hur-u̱r gaan.

2 Timoti 1:3

Me̱ m-bo̱m u̱n Shir, wu̱ me̱ m-nome̱ m-gu̱w à. Bo̱ tat-ne̱ re ye̱ n-ga nome̱ wu̱ m-gu̱w à, u̱m no̱mo̱tu̱ wu̱ m-gu̱w u̱n hur-u̱r gaan. Ko̱yanda me̱ ro u̱s-ko̱n rem ru, m-ho̱w, m-te̱t ne̱, me̱ u̱n bo̱ngo̱n-de Shir.

2 Timoti 1:5

U̱m bakste̱ u̱nze o she̱re̱g be-u̱r Ye̱so Kiristi, u̱n hur-u̱r gaan. Wu̱ mate̱ inu ru Yunis à, u̱n inu u̱n wu̱, Royis, ye̱ ba'ag wo̱ m-she̱r u̱n hur-u̱r gaan. U̱m de̱k u̱n hur u̱n de, u̱nze o she̱re̱g be-de u̱n wu̱ tomso ne̱.

2 Timoti 2:22

Timoti no̱m ja, u̱n no̱m u̱n rem-u̱s yo̱-se ne̱, se yan-campo̱-ne̱ ro̱ m-co̱n m-no̱m à. Ma'as u̱n no̱m u̱n rii-yo ro̱ so̱-yo à. Se̱nge̱ m-she̱r be-de Shir, m-was ne̱, u̱n she'et-de ba u̱t-ween ne̱. No̱m u̱n go̱n ka rem-se, u̱n myet ye̱ ro̱ u̱s-ko̱n be-u̱r Wan-Ko̱yan u̱n hur-u̱r gaan à.

Titus 1:15

Hun-ne̱ ye̱ hur-to̱ u̱n ye̱ ro̱ u̱t-pus to̱ puu à, yatt-yo ro̱ be-de u̱n ye̱ yo u̱n ba u̱r-bon á. Amba yan-me̱n-u̱t jaas-to̱ u̱n ye̱ yage̱ m-she̱r be-u̱r Ye̱so à, ko̱yan ye̱ no̱me̱ yoa nom u̱r-bon á. Ye̱ ro̱ u̱n ma'as u̱n barag-u̱s yo̱-se, komo hur-de u̱n ye̱ kapste̱ ye̱.

Yahuda-ne̱ 13:18

Se̱ngu̱ no̱ u̱n ko̱n-se Shir rem te̱. Te̱ nepste̱ hur u̱n te̱ de kaps te̱ á. Co̱n-m te̱ mo̱ te̱ se̱nge̱ she'et u̱n kashi u̱r-she'et ko̱ de ke da-de.

Yahuda-ne̱ 9:14

No̱m no̱ u̱s-barag, hyó-m Ye̱so Kiristi argte̱ hyó-mo̱ u̱t-gu̱t! Hyó-mo̱ u̱n wu̱ mo̱a so'os ri'in-to̱ u̱r-ba'as u̱n hur-u̱r na be-de u̱n no̱m u̱n rem-se o-hwaa se ro̱ m-hante̱ m-mar à. Wu̱ u̱n nom kaane̱ remen a nomoté̱ Shir o̱ u̱n ho̱o̱g, m-gu̱w. Ye̱so seke̱ Shir hi u̱n de u̱n wu̱ kashi u̱r-seke̱ komo remen ba'as-u̱t na. Wu̱ no̱m kaane̱ u̱n gwu̱-o̱ u̱n Ku̱kt-o̱ ba m-ta.

Yakubu 4:8

No̱m no̱ yow yow u̱n Shir ne̱. Wu̱ ne̱ wu̱a nom yow yow u̱n no̱ ne̱. No̱ ya-u̱t-ba'as, yagu̱ no̱ no̱m u̱n rii yo̱-yo. No̱ ya-o-she̱pe̱, jamas no̱ hur u̱n no̱, no̱ mu̱u̱n be-de Shir.

1 Bitrus 1:22

M-mo̱ka no̱ muste̱ hi u̱n no̱ ba u̱t-ri'in u̱n do̱ro̱tte̱-o̱ o-nip remen no̱ kumut was-m o̱r no̱ ne̱. Was no̱ o̱r no̱ ne̱ cin u̱n hur-u̱r no̱, komo u̱n hur-u̱r pus-de ne̱.

1 Bitrus 3:16

Amba shas no̱ ye̱ u̱n gwegwe̱r-mo̱ u̱r-hi, u̱t-go̱s ne̱. No̱m no̱ rem-se u̱r-bon bo̱ hur-u̱t no̱a kaps no̱ á. No̱ jar o-jar no̱ nom rii-yo ba u̱r-bon á, remen ka ye̱ ro̱ no̱ m-tan o-yo̱ yo à, ye̱ hyenet m-'e̱ remen no̱ ye̱ ma Kiristi ye̱.

1 Bitrus 3:21

Ka ho̱-mo̱ napa-o̱ u̱n bo̱ a yo'osu̱ no̱ m-ho̱ mo̱ gu no̱ m-mo̱ka à. Komo ba dos u̱t-ri'in to̱ o-wu̱r cot á, amba u̱n waktu̱ne̱ ne̱ mo̱ Shir u̱n hur-u̱r gaan. Shir guug no̱ u̱n bu̱-yo u̱n ine̱-m Ye̱so Kiristi.

1 Bitrus 4:8

Yo jiishe̱ kap à, se̱ no̱ kute̱ o̱r no̱ ne̱ m-was de̱e̱n, remen was-m ro̱ u̱n bite̱ mo̱o̱r-to̱ u̱t-ba'as to̱ ye̱ no̱me̱ na à.

2 Bitrus 1:7

U̱n no̱m u̱n yo ro̱ o-shir à, no̱ doo gwu̱gwe̱r-mo̱ u̱r-hur, u̱n gwu̱gwe̱r-mo̱ u̱r-hur no̱ doo m-was ne̱.

1 Yohana 3:10

Kaane̱ o̱ a he m-nap u̱n yakar-ye̱ Shir u̱n yakar-ye̱ u̱n ko-Gwo̱mo-wu̱ u̱n ya-u̱t-ko̱t ne̱. Ko̱wan wu̱ ro̱ m-no̱m u̱n kashi rii á, komo wu̱ ro̱ u̱n was u̱n o̱r u̱n wu̱ á, wu̱ mà Shir wu̱ á.

1 Yohana 3:23

Yo Shir ze̱e̱ a no̱m à yo ka: A she̱r no̱ u̱n jin-u̱r Wà u̱n wu̱ Ye̱so Kiristi, tomso ne̱ a was u̱n o̱r na ne̱ ne̱, bo̱ Ye̱so Kiristi ze̱e̱ na à.

1 Yohana 3:3

Kap wu̱ hwo̱ u̱r-hur wu̱ waragte̱ u̱ntu̱n wu̱ à, se̱ wu̱ waragte̱ ba m-ku̱ko̱p 'mo̱ u̱r-hur bo̱ Ye̱so ro̱ à.