1 Timoti 1:15 - Mɑ‑to̱ Shir Taku̱rda-o swo̱r o-nu pu̱-o̱

¹⁵ Ka ma-to̱, bo̱-u̱t to̱ ko̱n n-me̱ u̱n to̱ á, komo to̱ wo̱o̱g a go̱kste̱ to̱ kap u̱nze, “Kiristi Ye̱so haante̱ u̱n ho̱no o-dak wu̱ guut ya-u̱t-ba'as, bo̱ ye̱ he m-po̱sse̱ den-o̱ o-ra à.” U̱m nak komo u̱m aragte̱ hun-ne̱ kap u̱r-ba'as.

1 Timoti 1:15 ပူးပေါင်းရင်းမြစ်များ

Matiyos 1:21

Wu̱a met wà, wo̱a e̱gu̱ wu̱ u̱r-jin Ye̱so. Wata wan-Gwu̱ remen wu̱ wu̱ he m-gu u̱n hun-ne̱ be-de u̱n ba'as-to̱ u̱n ye̱.”

Matiyos 18:10

“Nap no̱ ha, taase no̱ yo'og ko̱ wan-gaan n-me̱ u̱n ká yakar-ye̱, remen me̱ no̱ m-ru̱re̱, yan-to̱m-ye̱ Shir ye̱ u̱n ye̱ ro̱ be-de Shir Tato re wu̱ ro̱ n-To̱n à.

Matiyos 20:28

Ko̱ me̱ ma, Wà-wu̱ u̱n ne̱t me̱ haan remen a nomotú̱ me̱ m-gu̱w á, se̱ de̱ remen u̱m nomoté̱ ye̱ ken ye̱ m-gu̱w. Komo u̱m ya'asté̱ ho̱o̱g-m re remen u̱m rurut hun-ne̱ de̱e̱n.”

Matiyos 9:13

Neke̱ no̱ ceker rii-yo Shir co̱ne̱ à, da-o̱ wu̱ zee, ‘U̱m co̱no̱g hun-ne̱ ho̱ge̱ 'wo̱n-u̱r o̱r re u̱n ye̱ ne̱, ba ye̱ seke̱ me̱ u̱t-gu̱t á.’ ” Ye̱so ze̱e̱ru̱, “Me̱ u̱n haan remen kashi u̱n hun-ne̱ á, amba remen ya-u̱t-ba'as o̱ u̱m haante̱.”

Markus 2:17

Bo̱ Ye̱so ho̱gu̱te̱ kaane̱ à, wu̱ ze̱e̱ru̱ ye̱, “Ye̱ ro̱ ba u̱n go̱m à ye̱ u̱n hoob-o̱ u̱n ko-ya-u̱s-baat á, amba ya-u̱s-go̱m. Me̱ u̱n haan remen kashi u̱n hun-ne̱ á. Me̱ u̱n haan remen ya-u̱t-ba'as.”

Ruka 15:2

Parisa-ne̱ u̱n yan-Yoos-de o-karamsa ne̱ taknu̱ru̱ u̱s-cenene, “Ka ne̱t-wu̱ go̱kste̱ ya-u̱r-ba'as, komo wu̱ re u̱n ye̱ ne̱!”

Ruka 19:10

Wà-wu̱ u̱n ne̱t haante̱ wu̱ hobt, komo wu̱ guut ye̱ e̱ge̱ à.”

Ruka 5:32

Me̱ haan remen kashi u̱n hun-ne̱ á, amba remen ya-u̱r-ba'as-ye̱ waktu̱nte̱ be-de Shir.”

Yohana 1:12

Amba ye̱ ken ye̱ go̱kste̱ wu̱. Ye̱ she̱re̱g hi u̱n de u̱n ye̱ be-de u̱n wu̱. Bo̱n ye̱ go̱kse̱ wu̱ à, wu̱ ya'ag ye̱ o-co̱w, ye̱ waragté̱ yakar-ye̱ Shir.

Yohana 1:29

Bo̱ ish geste̱ à, Yohana hyanbu̱ru̱ Ye̱so ro̱ m-nekne̱ be-de u̱n wu̱. Wu̱ ze̱e̱ru̱, “Gwo̱t no̱ Ca-yo Shir yo de̱ke̱ ba'as-to̱ u̱n ho̱no o-dak à!

Yohana 12:47

“Bo̱n wu̱ ho̱ge̱ ma-u̱t re, wu̱ do̱re̱ to̱ á, man piishe̱ wu̱ u̱t-ma á. Yanze remen u̱m piishite̱ ho̱no o-dak u̱t-ma o̱ u̱m haante̱ á, se̱ de̱ remen u̱m guut ho̱no o-dak.

Yohana 3:36

Wu̱ she̱re̱ hur-de u̱n wu̱ u̱n Wà-wu̱ Shir à, wu̱a kum ho̱o̱g-o̱ Shir o̱ ba m-ta. Ye̱ no̱me̱ ne̱ o-do̱ro̱tte̱ u̱n ka Wà-wu̱ ne̱ á, ye̱a hyen ho̱o̱g á, ryaab-se Shir ro̱ be-de u̱n ye̱.”

Se̱nge̱-mo̱ 11:1

O-da hiin ka ma-to̱ wo̱o̱ru̱ yan-To̱m Ye̱so u̱n ye̱ ken yan-dor Ye̱so ye̱ ne̱ u̱n dak-o̱ o-Judiya u̱nze ye̱ ro̱ Yahuda-ne̱ á go̱kste̱ Ma-to̱ Shir.

Se̱nge̱-mo̱ 11:18

Bo̱ Yahuda-ne̱ yan-dor Ye̱so ho̱gu̱te̱ kaane̱ à, ye̱ taagu̱ bo̱ ye̱ he m-ze̱e̱ à, ye̱ bo̱mu̱ Shir. Ye̱ ma'asu̱ru̱ m-ze̱e̱, “Ashi, har u̱n ye̱ ro̱ Yahuda-ne̱ á, Shir nomsu̱te̱ ye̱ co̱w-yo m-waktu̱ne̱ be-de u̱n wu̱ u̱n yo u̱n kum m-ho̱o̱g ne̱.”

Se̱nge̱-mo̱ 3:26

Bo̱ Shir daage̱ ko-gu̱w-wu̱ u̱n wu̱ à, wu̱ ciru̱ wu̱ m-to̱mo̱n be-u̱r no̱ remen wu̱ ye'et no̱ o-kwu̱m, wu̱ rwu̱ntu̱te̱ ko̱ wu̱ ke be-de u̱n co̱w-se u̱n me̱n-u̱t jaas-to̱.”

Roma-ne̱ 11:14

N-me̱ u̱n kaane̱, hun-ne̱ ye̱ u̱n baag-o re Isra-ne̱ he m-ho̱ge̱ u̱r-shoob, u̱n kaane̱ man hoks gu u̱n ye̱ ken ye̱.

Roma-ne̱ 5:6

A hoks m-gu hi u̱n na á. Bo̱ da-o̱ Shir e̱sse̱ no̱me̱ à, Kiristi marag remen ba'as-u̱t na.

1 Korinti-ne̱ 15:9

Remen me̱ wu̱ jiishe̱ u̱s-re̱k be-de yan-To̱m Ye̱so, me̱ bo'os ma a eeg me̱ ko-yan-To̱m Ye̱so á, remen u̱m re̱e̱su̱te̱ hun-ne̱ yan-dor o̱ Shir u̱r-ko̱o̱b.

Apisu-ne̱ 3:8

Me̱ bo'os u̱m es be-de u̱n kap hun-ne̱ ye̱ Shir á. Amba myet u̱n kaane̱ ne̱, Shir ya'ag me̱ se̱nge̱-mo̱ u̱n ko̱'o̱t u̱n ma-u̱t Ye̱so be-de u̱n ye̱ ro̱ Yahuda-ne̱ á, Ma-to̱ m-Re̱re̱m, u̱n Kiristi. Ka Ma-to̱ m-Re̱re̱m to̱ aragte̱ nap-se u̱n ne̱t.

1 Timoti 1:13

N-ga u̱m ro m-pyap u̱n Shir, u̱n yage̱-to̱ u̱n yan-dor Ye̱so ne̱, u̱n 'ya u̱n yan-dor u̱r-ko̱o̱b ne̱ de̱e̱n. Shir ho̱gu̱ru̱ 'wo̱n u̱n de remen me̱ ro nak yo u̱m ro m-nom á, komo u̱m ro u̱n ko̱o̱b-de m-she̱r ne̱ be-u̱r Ye̱so.

1 Timoti 1:19

Da-o̱ wo̱ ro u̱n ko̱'o̱t u̱n Ma-to̱ Shir, ma'as n-te̱ m-she̱r, komo hur u̱n du kaps wo̱ á. Ye̱ ken hun-ne̱ ye̱ hur-de u̱n ye̱ kapste̱ ye̱. Remen kaane̱ ye̱ hoks m-she̱r be-de Shir á.

1 Timoti 3:1

Hun-ne̱ ro̱ m-ze̱e̱, “U̱rege̱ ne̱t ro̱ u̱r-go̱p wu̱ waragte̱ ko-wan-gu̱t-de u̱n yan-dor Ye̱so, wu̱ no̱mo̱g go̱p-de u̱n kashi m-se̱nge̱.” Ka ma-to̱ nip-o̱.

1 Timoti 4:9

Ka ma-to̱, to̱ hun-ne̱ ro̱ m-rwo̱r à, nip-o̱ komo to̱ woose̱ a go̱ks-to̱ kom-u̱t yoor.

1 Timoti 6:13

Me̱ wo̱ m-ru̱re̱ o nom o-do̱ro̱tte̱ u̱n ka ma-to̱. Shir o̱ ro̱ wan-to̱rse u̱n ma-to̱ u̱m ru̱ru̱ wo̱ à. Shir o̱ ro̱ u̱n 'ya u̱n ko̱ yo ke rii-yo ho̱o̱g. Ye̱so Kiristi ro̱ komo u̱s-to̱r. Ye̱so ru̱ru̱te̱ Panti Biratus ma-to̱ o-nip to̱ ma u̱n wu̱. U̱rege̱ o no̱mo̱g o-do̱ro̱tte̱ u̱n ka ma-to̱ u̱n hur-u̱r pus-de, yatt-wu̱ he hyan u̱n rii-yo o-yo'og be u̱n du á. Nom kaane̱ se da-o̱ Ye̱so Kiristi Wan-Ko̱yan na he m-mu̱u̱n à.

2 Timoti 2:11

Ka ma-to̱ nip-o̱, to̱ ro̱ m-ze̱e̱, U̱rege̱ ne̱t marag u̱n Kiristi, wu̱a no̱m m-ho̱o̱g u̱n Ye̱so ne̱ tomso ne̱.

Titus 3:8

Ka ma-to̱, ma-to̱ o-nip to̱. U̱m co̱no̱g wo̱ o es eso, se̱ o hyanag hun-ne̱ do̱ru̱te̱ to̱, bo̱n kap wu̱ she̱re̱ be-de Shir à, wu̱a nep u̱nze wu̱a ma'as u̱n no̱m rem-se u̱r-bon. Ka yoos-de ro̱ u̱r-bon ne̱ komo u̱n gwu̱ ne̱ remen ko̱wan.

Yahuda-ne̱ 7:25

Remen kaane̱, wu̱a hoks ca u̱n ko de ke ho̱-de ne̱, gu u̱n ye̱ ro̱ m-hyokne̱ yow yow be-de Shir u̱n raag-o̱ u̱n wu̱ à, remen wu̱ ro̱ u̱n ho̱o̱g ne̱ o̱ ba m-ta, wu̱ ro̱ komo m-ha co be-de u̱n ko̱n-se Shir remen ye̱.

1 Yohana 3:5

No̱ nepste̱ Ye̱so Kiristi, wu̱ u̱n haan remen wu̱ dek ba'as-u̱t na. Wu̱ ne̱ wu̱ ro̱tt u̱r-ba'as á.

1 Yohana 3:8

Bo̱n ne̱t-wu̱ ro̱ m-ma'as u̱n no̱m u̱t-ba'as à, wu̱ mà ko-Gwo̱mo-wu̱ u̱n ya-u̱t-ko̱t wu̱, remen cin n-ga ne̱ ko-Gwo̱mo-wu̱ u̱n ya-u̱t-ko̱t wa-u̱t-ba'as-wu̱. Amba Ye̱so Wà-wu̱ Shir haante̱ remen wu̱ sabu̱rté̱ se̱nge̱-mo̱ u̱n ko-Gwo̱mo-wu̱ u̱n ya-u̱t-ko̱t.

1 Yohana 5:11

Rii-yo Shir kutu̱ na be-to̱ u̱n rwo̱r-mo̱ u̱n wu̱ à, yo ka, wu̱ ya'ag na ho̱o̱g-o̱ ba m-ta, o̱ a kume̱ be-u̱r Wà u̱n wu̱ à.

U̱t-Hyangan 21:5

Ka wu̱ ro tara u̱n ká kwu̱u̱r-o̱ u̱t-gwo̱mo à ze̱e̱ru̱, “M-mo̱ka me̱ m-no̱m u̱n ko̱yan pu̱-yo!” Komo wu̱ ze̱e̱ru̱ me̱, “Ge̱n yo ka, remen to̱ ka ma-to̱ u̱m ru̱ru̱ wo̱ à nip-o̱, komo hun-ne̱ a hoks m-she̱r u̱n to̱.”

U̱t-Hyangan 22:6

Wan-to̱m-wu̱ Shir ze̱e̱ru̱ me̱, “Ka yo o ho̱ge̱ à nip-o̱, komo to̱ wooste̱ a she̱r u̱n to̱. Wan-Ko̱yan Shir ya'ag yan-Rwo̱r u̱n ma-to̱ u̱n wu̱ jaab-o̱ u̱t-me̱n u̱n bu̱-yo Ku̱kt-o̱ u̱n wu̱. Wu̱ to̱mo̱nte̱ wan-to̱m o̱ u̱n wu̱, remen wu̱ kututé̱ ká gu̱w-ne̱ ye̱ u̱n wu̱ ye̱ rii-yo he m-ko̱r ba m-jime̱ à.”

U̱t-Hyangan 5:9

Ye̱ huru̱ se̱p-o pu̱-o̱, ye̱ ro̱ m-ze̱e̱: “Wo̱ wu̱ bo̱'o̱se̱ go̱ks u̱n kà taku̱rda-o pu'usse̱-o̱ komo o ke'es reke̱-to̱ u̱n o̱ o ups o̱. Remen n-ga a ro hoostu̱ wo̱, komo u̱n mar-m ru mo̱ u̱r-seke̱ o rundu̱te̱ Shir hun-ne̱ n-me̱ u̱n ko̱ o̱ ke baag-o̱, u̱t-rem ne̱, u̱n bu̱u̱g-to̱ u̱n hun-ne̱ ne̱ u̱t-dak ne̱.