1 Timoti 1:14 - Mɑ‑to̱ Shir Taku̱rda-o swo̱r o-nu pu̱-o̱

¹⁴ Wan-Ko̱yan na ya'ag me̱ yar-mo̱ Shir de̱e̱n. Wu̱ ya'u̱ru̱ me̱ m-she̱r, m-was ne̱, mo̱ rwu̱u̱ne̱ be-u̱r Kiristi Ye̱so à.

1 Timoti 1:14 ပူးပေါင်းရင်းမြစ်များ

Matiyos 20:9

“Da-o̱ a to̱pe̱ ka ye̱ haane̱ hohond-mo̱ u̱n kwo̱m-u̱s taan à, ko̱ wu̱ ke go̱ksu̱ru̱ rii-yo depe̱ a top wu̱ u̱n taas u̱r-ho̱ à.

Se̱nge̱-mo̱ 15:11

Amba a she̱re̱g u̱nze be-de u̱n yar-m Wan-Ko̱yan Ye̱so a kum gwu̱, u̱ntu̱n ye̱ ma bo̱ ye̱ kume̱ à.”

Roma-ne̱ 16:20

Shir wan-'ya u̱n gwu̱gwu̱-mo̱ u̱r-hur wu̱a kaps ko-Gwo̱mo-wu̱ u̱n ya-u̱t-ko̱t. Wu̱ 'ye no̱ u̱r-be̱e̱b de jiishe̱ wu̱ à, ba m-jime̱. Yar-m Ye̱so Wan-Ko̱yan ro̱ u̱n no̱ ne̱!

1 Korinti-ne̱ 15:10

Amba ko̱wan wu̱ u̱m ro̱ m-mo̱ka remen yar-mo̱ Shir mo̱ hante̱ u̱m waragte̱ bo̱ u̱m ro̱ caane̱ à, ba hwaa-o̱ á. Remen u̱m no̱mo̱g m-se̱nge̱ arge̱ ko̱ wu̱ ke ko-wan-To̱m Ye̱so wu̱. Ko̱ de nomte̱ me̱ wu̱ á, amba yar-mo̱ Shir no̱me̱ se̱nge̱-mo̱ u̱n wu̱ be-u̱r gaan u̱n me̱ ne̱.

1 Korinti-ne̱ 3:10

Be-de u̱n yar-mo̱ Shir nomo me̱ à, wu̱ ya'ag me̱ u̱s-nap u̱m nomot se̱nge̱-mo̱ u̱n wu̱. U̱m huk hwu̱k-o̱ u̱t-mà u̱ntu̱n ke̱e̱g-yo u̱t-mà, cin u̱n ka da-o̱ ye̱ ken ya-u̱t-mà ye̱ ro̱ u̱t-mà u̱n ka hwu̱k-o̱ u̱m huke̱ à. Se̱ ko̱ wu̱ ke ko-ya-u̱t-mà wu̱ nom ce̱e̱n u̱n go̱ u̱n mà-to̱ wu̱ he m-mà n-te̱ u̱n ká hwu̱k-o̱ à.

2 Korinti-ne̱ 13:14

Me̱n ko̱n-se Shir u̱nze no̱ nept u̱nze yar-m Wan-Ko̱yan Ye̱so Kiristi, co̱n-mo̱ rwu̱u̱ne̱ be-de Shir, u̱n mo̱rge̱-de u̱n Ku̱kt-o̱ Shir ne̱, mo̱ ro̱ mo̱sse̱ u̱n no̱ ne̱ kap!

2 Korinti-ne̱ 4:15

Kap to̱ ka remen no̱ o̱, remen ka yar-mo̱, mo̱ ro̱ m-wo̱ be-de u̱n hun-ne̱ u̱t-mo̱o̱r ne̱. Mo̱a ru̱ bo̱ngo̱n-de Shir, komo remen a se̱psté̱ wu̱.

2 Korinti-ne̱ 8:9

Remen no̱ nepse̱ yar-m Wan-Ko̱yan Ye̱so Kiristi rem na. Ko̱ de̱ nomte̱ wu̱ ro̱ u̱n ko̱ yo ke rii-yo ne̱ à, myet u̱n kaane̱ ne̱, wu̱ waragte̱ ko-ko̱o̱b rem no̱. Remen ko-ko̱o̱b-wu̱ wu̱ warge̱ à, o̱ rwo̱'e̱ no̱ kumut ko̱ yo ke rii-yo u̱n co-o̱ Shir.

Garatiya-ne̱ 1:13

No̱ ho̱gu̱ssu̱te̱ go̱n she'et-de u̱m she'ette̱ u̱n dor-o̱ u̱n jor-se u̱n Yahuda-ne̱ à, bo̱ u̱m ya'e̱ hun-ne̱ yan-dor Ye̱so u̱r-ko̱o̱b de̱e̱n à, har u̱m no̱mo̱g m-se̱nge̱ u̱m hoot ye̱.

1 Tasaronika-ne̱ 1:3

Te̱ m-baks u̱n se̱nge̱-m no̱ ne̱ mo̱ m-she̱r u̱n co-o̱ Shir Tato na u̱n se̱nge̱-mo̱ no̱tte̱ à remen no̱ was hun-ne̱. Da-o̱ hun-ne̱ ya'u̱ no̱ u̱r-ko̱o̱b à, no̱ u̱n 'mo̱ u̱r-hur ne̱ remen no̱ ro̱ o-sakto̱ ne̱ n-me̱ u̱n Wan-Ko̱yan na Ye̱so Kiristi.

1 Tasaronika-ne̱ 5:8

Amba bo̱ a hun-ne̱ ye̱ u̱r-ho̱ à, se̱ a garamse̱ hi u̱n na, a cu̱p no̱ matuku-o̱ o-kwo̱m, o̱ m-she̱r, m-was ne̱. Rwo̱ u̱r-hur be-de u̱n kum u̱n gwu̱ komo o̱ warag na to̱o̱b-o̱ o-kwo̱m.

1 Timoti 2:15

Myet u̱n kaane̱ ne̱, Shir a gu ne'a-ne̱ u̱n bu̱-yo u̱n o-mat, u̱rege̱ ye̱ she̱re̱g be-u̱r Ye̱so, u̱n was u̱n o̱r u̱n ye̱ ne̱ ne̱, u̱n she'et-de ba m-ku̱ko̱p ne̱, u̱r-she'et ne̱ bo̱ depe̱ à.

1 Timoti 4:12

Taase o yage̱ hun-ne̱ gu̱t hi u̱n du ba u̱s-shi á, remen wo̱ mo̱nge̱ á. Amba se̱nge̱ yoos u̱n du. Komo yage̱ she'et u̱n du ma'as rii-yo u̱r-yoos be-de u̱n yan-dor Ye̱so bo̱ depe̱ ye̱ she'et à: Ce̱p ma-to̱ u̱r-bon. No̱m rii-yo u̱r-bon. Was u̱n hun-ne̱ ne̱. She̱r be-de Shir. Komo o ma'as u̱n hur-u̱r pus-de ne̱.

1 Timoti 6:11

Amba wo̱ Timoti o she̱re̱g be-de Shir. Bo̱ hun-ne̱ ro̱ m-so̱m be-de u̱n rii yo̱-yo à, so̱m be-de u̱n co̱n-to̱ u̱n hwo̱r de̱e̱n. O ma'as m-gwo̱t u̱n hun-ne̱ u̱r-bon ne̱. O se̱nge̱ no̱m u̱n rii-yo ro̱ u̱r-bon ne̱ à. Myet yo wo̱ m-no̱m à, she'et bo̱ Shir co̱ne̱ o she'et à. She̱r be-de Shir. Was u̱n hun-ne̱ ne̱. No̱m jaab-o̱ u̱t-me̱n u̱n dor-o̱ Shir. Nome̱ hun-ne̱ u̱t-ma u̱n gwu̱gwe̱r-mo̱ u̱r-hi ne̱.

2 Timoti 1:13

Bo̱p ka yoos-de o-nip de, kom-u̱t yoor, ka de o ho̱ge̱ be u̱n de à. O do̱re̱ sha-mo̱ u̱n yoos u̱n de. No̱m kaane̱ m-she̱r, m-was ne̱, mo̱ Kiristi Ye̱so ya'su̱ wo̱ à.

2 Timoti 2:22

Timoti no̱m ja, u̱n no̱m u̱n rem-u̱s yo̱-se ne̱, se yan-campo̱-ne̱ ro̱ m-co̱n m-no̱m à. Ma'as u̱n no̱m u̱n rii-yo ro̱ so̱-yo à. Se̱nge̱ m-she̱r be-de Shir, m-was ne̱, u̱n she'et-de ba u̱t-ween ne̱. No̱m u̱n go̱n ka rem-se, u̱n myet ye̱ ro̱ u̱s-ko̱n be-u̱r Wan-Ko̱yan u̱n hur-u̱r gaan à.

Titus 2:2

Yoose̱ mo̱ng-ne̱ campo̱-ne̱ ye̱ hoks garamse̱ hi u̱n de u̱n ye̱. Komo ye̱ she'et she'et-de hun-ne̱ hette̱ ye̱ 'ya m-se̱k à, ye̱ se̱nge̱ no̱m u̱n barag-se u̱r-bon. Ye̱ ma'as m-she̱r be-de Shir u̱n hur-u̱r gaan, ye̱ was u̱n hun-ne̱ ne̱, komo ko̱ ya ko̱ru̱ ye̱, ye̱ ma'as u̱n no̱m o-do̱ro̱tte̱ be-u̱r Ye̱so.

1 Bitrus 1:3

Depete̱ a ya'as Shir Tato-o Wan-Ko̱yan na Ye̱so Kiristi u̱r-bo̱ngo̱n remen 'wo̱n-de u̱n wu̱ u̱r-go̱s-de. Wu̱ ya'ag na mat-o pu̱-o̱ remen ka sakto̱-o̱ o̱ ya'asu̱ na m-ho̱o̱g à, bo̱ wu̱ 'yonse̱ Ye̱so Kiristi be-de u̱t-marimar à.

1 Yohana 4:10

Was-mo̱ o-nip mo̱ ro̱ was-mo̱ a kute̱ Shir á, amba was-mo̱ Shir kutu̱ na à. Shir to̱mo̱nte̱ Wà u̱n wu̱ remen wu̱ ya'aste̱ hyó-mo̱ u̱n wu̱ u̱r-sake̱ a rurut na be-to̱ u̱n ba'as-u̱t na.

U̱t-Hyangan 22:21

Yar-m Ye̱so Wan-Ko̱yan ro̱ u̱n no̱ ne̱ kap! Amin!