1 Timoti 1:12 - Mɑ‑to̱ Shir Taku̱rda-o swo̱r o-nu pu̱-o̱

¹² U̱m bo̱mo̱g Kiristi Ye̱so, Wan-Ko̱yan na, wu̱ ya'u̱ me̱ u̱r-be̱e̱b u̱m nomot ka se̱nge̱-mo̱ à, remen wu̱ nak me̱tt m-se̱'e̱r á. Wu̱ daagu̱ me̱ u̱n kà se̱nge̱-mo̱.

1 Timoti 1:12 ပူးပေါင်းရင်းမြစ်များ

Matiyos 20:4

Wu̱ ze̱e̱ru̱ ye̱, ‘No̱, neke̱ no̱ u̱n kat-o re, man top no̱ rii-yo depe̱ à.’ Ye̱ neku̱ru̱ u̱n kat-o̱ u̱n wu̱.

Yohana 5:23

remen kap o̱ u̱n hun-ne̱ ye'et Wà m-se̱k bo̱ a u̱n 'ya o-Tato à. Amba bo̱ u̱n wu̱ yage̱ 'ya u̱n Wà m-se̱k à wu̱ 'ya o̱ ka o-Tato m-se̱k wu̱ to̱mne̱ Wà á.

Se̱nge̱-mo̱ 16:15

Bo̱ a yo'ostu̱ wu̱ m-ho̱ u̱n hun-ne̱ ye̱ u̱n hur-o̱ u̱n wu̱ ne̱ à, wu̱ ko̱nu̱ru̱ te̱. Wu̱ ze̱e̱ru̱, “U̱rege̱ no̱ de̱k me̱ wan-she̱r o-nip be-u̱r Wan-Ko̱yan to̱, haan no̱ u̱n hur-o re, no̱ she'et.” Wu̱ kokorsu̱ru̱ te̱, te̱ argu̱ m-de̱k u̱n ma-to̱ u̱n wu̱.

Se̱nge̱-mo̱ 9:15

Amba Wan-Ko̱yan ze̱e̱ru̱ Hananiya, “Neke̱ remen wu̱ ne̱t-wu̱, wu̱ u̱m daagne̱ wu̱ nomot se̱nge̱-m re remen wu̱ ko̱'o̱tté̱ jin u̱n de be-de u̱n ye̱ ro̱ Yahuda-ne̱ á, u̱n gwo̱mo-ne̱ u̱n ye̱ ne̱, komo u̱n Isra-ne̱ ne̱.

Se̱nge̱-mo̱ 9:22

Amba Shawuru do̱o̱ru̱ ko̱'o̱t u̱n Ma-to̱ Shir u̱r-be̱e̱b ne̱. Wu̱ se̱ngu̱ru̱ 'yons u̱n hur-de u̱n Yahuda-ne̱ ye̱ ro u̱r-she'et o-Damaskus à, wu̱ ro ye̱ m-ru̱re̱ o-nip u̱nze Ye̱so wu̱ ro̱ Kiristi.

1 Korinti-ne̱ 15:10

Amba ko̱wan wu̱ u̱m ro̱ m-mo̱ka remen yar-mo̱ Shir mo̱ hante̱ u̱m waragte̱ bo̱ u̱m ro̱ caane̱ à, ba hwaa-o̱ á. Remen u̱m no̱mo̱g m-se̱nge̱ arge̱ ko̱ wu̱ ke ko-wan-To̱m Ye̱so wu̱. Ko̱ de nomte̱ me̱ wu̱ á, amba yar-mo̱ Shir no̱me̱ se̱nge̱-mo̱ u̱n wu̱ be-u̱r gaan u̱n me̱ ne̱.

1 Korinti-ne̱ 3:5

¿Wan wu̱ ro̱ Apo̱ro̱s? ¿Wan wu̱ Burus? Myet te̱ gu̱w-ne̱ te̱ ro̱ be-de Shir temb. Te̱ u̱n gu no̱ no̱ sheret o-nip be-u̱r Wan-Ko̱yan Ye̱so. Ko̱ wu̱ ke u̱n rii-yo Wan-Ko̱yan ya'asu̱ wu̱ m-nom ne̱ à.

1 Korinti-ne̱ 7:25

Ma-to̱ u̱n yan-ne'a-ne̱ ye̱ ga u̱t-ge á, yo ye̱ he m-no̱m à, Wan-Ko̱yan Ye̱so wu̱ ru̱ru̱ na yo ye̱ he m-no̱m á. Amba me̱ u̱n 'ya u̱n to̱ ma re ma-to̱, u̱m nak me̱ ne̱t-wu̱, wu̱ hun-ne̱ ro̱ m-de̱k u̱n ma-to̱ u̱n wu̱ à, remen Wan-Ko̱yan ho̱gu̱te̱ 'wo̱n u̱n de wu̱ ya'ag me̱ u̱s-nap.

2 Korinti-ne̱ 4:1

Remen kaane̱, te̱ hu̱s u̱r-hur á remen Shir ya'astu̱ te̱ kà se̱nge̱-mo̱ u̱n bu̱-yo u̱n 'wo̱n-de u̱n wu̱.

Garatiya-ne̱ 3:26

Remen no̱ she̱re̱g be-u̱r Ye̱so Kiristi, kap-m no̱ no̱ warge̱ yakar-ye̱ Shir.

Garatiya-ne̱ 3:28

Remen kaane̱ koos-m ro̱ ko̱n á be-de u̱n Yahuda-ne̱ u̱n ye̱ ro̱ Yahuda-ne̱ ne̱ á. Komo koos-m mo̱ kus be-de ye̱ ro̱ u̱r-mat u̱n gu̱w-ne̱ ne̱ á, ko̱ be-de u̱n ne'a-ne̱ u̱n campo̱-ne̱ ne̱. Kap gaan no̱ ro̱ be-de u̱n mo̱sse̱ u̱r-hi u̱n Kiristi Ye̱so.

Piripi-ne̱ 2:11

Ko̱ wu̱ ke ne̱ a zee, “Ye̱so Kiristi ro̱ Wan-Ko̱yan,” no̱m u̱n kaane̱, a hante̱ m-se̱ps be-de Shir Tato na.

Piripi-ne̱ 4:13

Man hoks m-no̱m u̱n ko̱ yo ke rii-yo, remen Kiristi, ya'ag me̱ u̱r-be̱e̱b.

Korosiya-ne̱ 1:25

Me̱ wan-gaan wu̱ be-de u̱n nome̱ u̱n Shir m-se̱nge̱ remen gwu̱-o̱ yan-dor kap. Remen Shir u̱n daag me̱, wu̱ ya'astu̱ me̱ ka se̱nge̱-mo̱ remen u̱m guut no̱. Shir to̱mo̱g me̱ u̱m yoosu̱ no̱ ma-to̱ u̱n wu̱ u̱t-shishe̱.

1 Timoti 1:1

Timoti, Burus ro̱ wo̱ m-gene̱ u̱n ka taku̱rda-o̱. Wo̱ m-mo̱ka kashi u̱n wà re wu̱, remen u̱m yoosu̱tu̱ wo̱ m-she̱r be-de Shir. Me̱, Burus, wan-To̱m Ye̱so Kiristi, u̱n be̱e̱b-de Shir, Wan-Gwu̱ na u̱n Kiristi Ye̱so, wu̱ ya'u̱ na o-sakto̱ à. Me̱ u̱n ko̱n-se Shir Tato na, u̱n Ye̱so Kiristi, Wan-Ko̱yan na. Me̱ u̱n ko̱n-se ye̱ 'ye wo̱ yar-mo̱ u̱n ye̱, u̱r-'wo̱n ne̱, u̱n gwu̱gwu̱-mo̱ u̱r-hur ne̱.

1 Timoti 1:11

Ka yoos-de u̱n Ma-to̱ m-Re̱re̱m to̱ u̱n rwu̱u̱n be-de Shir wa-m-se̱ps, o-kwu̱m ne̱. Shir bo̱bsu̱ me̱ m-ko̱'o̱t to̱.

1 Timoti 6:13

Me̱ wo̱ m-ru̱re̱ o nom o-do̱ro̱tte̱ u̱n ka ma-to̱. Shir o̱ ro̱ wan-to̱rse u̱n ma-to̱ u̱m ru̱ru̱ wo̱ à. Shir o̱ ro̱ u̱n 'ya u̱n ko̱ yo ke rii-yo ho̱o̱g. Ye̱so Kiristi ro̱ komo u̱s-to̱r. Ye̱so ru̱ru̱te̱ Panti Biratus ma-to̱ o-nip to̱ ma u̱n wu̱. U̱rege̱ o no̱mo̱g o-do̱ro̱tte̱ u̱n ka ma-to̱ u̱n hur-u̱r pus-de, yatt-wu̱ he hyan u̱n rii-yo o-yo'og be u̱n du á. Nom kaane̱ se da-o̱ Ye̱so Kiristi Wan-Ko̱yan na he m-mu̱u̱n à.

2 Timoti 2:2

O ho̱gu̱te̱ me̱ u̱n yoose̱ u̱n hun-ne̱ ma-u̱t Kiristi. U̱m yoosu̱te̱ hun-ne̱ ka ma-to̱ u̱n co-o̱ u̱n ya-u̱s-to̱r de̱e̱n. U̱m co̱no̱g o yoose̱ hun-ne̱ ye̱ o-nip go̱n ka ma-to̱. Ye̱ he m-hoks u̱n yoose̱ u̱n ye̱ ken hun-ne̱ komo à.

2 Timoti 4:17

Myet u̱n kaane̱ ne̱, Wan-Ko̱yan ro̱ eso u̱n me̱ ne̱. Wu̱ ya'ag me̱ u̱r-be̱e̱b, har u̱m hokste̱ ko̱'o̱t u̱n ka Ma-to̱ m-Re̱re̱m to̱, to̱ ma Ye̱so Kiristi. Hun-ne̱ ye̱ ro̱ Yahuda-ne̱ á ro̱ kane̱ ye̱ ho̱gu̱te̱ to̱. Komo Wan-Ko̱yan guug me̱ sa o zee wu̱ po̱sse̱ m-mar u̱n nu-o̱ o-zur à.

Titus 1:4

Titus, me̱ wo̱ m-gende̱ u̱n ka taku̱rda-o̱. Wà re o ro̱ remen myet-m na a she̱re̱g be-u̱r Ye̱so Kiristi. U̱m ko̱no̱g Shir Tato na, u̱n komo Kiristi Ye̱so ne̱, Wan-Gwu̱ na. Me̱ u̱s-ko̱n wu̱ 'ye wo̱ yar-mo̱ u̱n wu̱, komo wu̱ 'ye wo̱ gwu̱gwu̱-mo̱ u̱r-hur!

Pirimo̱n 1:9

remen me̱ wo̱ m-was. Me̱, Burus, ko-mo̱ng kane̱ ke'o, rem Kiristi Ye̱so, u̱m jiishte̱ m-co̱n u̱m kon wo̱.