1 Tasaronika-ne̱ 3:2 - Mɑ‑to̱ Shir Taku̱rda-o swo̱r o-nu pu̱-o̱

² Amba te̱ to̱mbu̱te̱ Timoti. Timoti ro̱ u̱n se̱nge̱-mo̱ Shir be-u̱r gaan u̱n te̱ ne̱ mo̱ u̱n ko̱'o̱t u̱n Ma-to̱ m-Re̱re̱m to̱ ma Kiristi. Te̱ to̱mbu̱te̱ wu̱ remen wu̱ dootú̱ no̱ u̱r-be̱e̱b komo wu̱ ye'et no̱ jaab-o̱ u̱t-me̱n mo̱sse̱ u̱n she̱r-m no̱ ne̱.

1 Tasaronika-ne̱ 3:2 ပူးပေါင်းရင်းမြစ်များ

Se̱nge̱-mo̱ 16:1

Burus haaru̱ o-Darbe̱, o-Ristira ne̱. Wu̱ ken ko-ya-neke̱-m Ye̱so wu̱ ro n-me̱ o-Risiya à, jin-de u̱n wu̱ Timoti, wà-wu̱ u̱n wu̱ ken ne'a-wu̱ ko-Yahuda ko-yan-dor. Tato u̱n wu̱ komo ko-Girik-wu̱.

Se̱nge̱-mo̱ 16:5

U̱n kaane̱ hun-ne̱ yan-dor doote̱ m-'wo̱ns be-de m-she̱r o-nip, ye̱ ro̱ m-do̱ u̱t-mo̱o̱r ko̱ de ke ho̱-de.

Se̱nge̱-mo̱ 18:5

Da-o̱ Siras ne̱ u̱n Timoti wo̱o̱ne̱ rwu̱u̱n-mo̱ o-Makidoniya à, Burus ya'u̱ kap o̱ u̱n da-o̱ u̱n wu̱ u̱n ko̱'o̱t u̱n Ma-to̱ Shir. Wu̱ ro Yahuda-ne̱ m-ru̱re̱ o-nip u̱nze, Ye̱so wu̱ ro̱ Kiristi.

Roma-ne̱ 16:21

Timoti o̱r re be-de m-se̱nge̱ ro̱ no̱ m-gas. Kaane̱ komo Rushiyos, u̱n Jaso̱n ne̱, u̱n Sosipata ne̱ ro̱ no̱ m-gas, myet-mo̱ u̱n ye̱ o̱r re u̱n Yahuda-ne̱ ye̱.

1 Korinti-ne̱ 3:10

Be-de u̱n yar-mo̱ Shir nomo me̱ à, wu̱ ya'ag me̱ u̱s-nap u̱m nomot se̱nge̱-mo̱ u̱n wu̱. U̱m huk hwu̱k-o̱ u̱t-mà u̱ntu̱n ke̱e̱g-yo u̱t-mà, cin u̱n ka da-o̱ ye̱ ken ya-u̱t-mà ye̱ ro̱ u̱t-mà u̱n ka hwu̱k-o̱ u̱m huke̱ à. Se̱ ko̱ wu̱ ke ko-ya-u̱t-mà wu̱ nom ce̱e̱n u̱n go̱ u̱n mà-to̱ wu̱ he m-mà n-te̱ u̱n ká hwu̱k-o̱ à.

1 Korinti-ne̱ 4:17

Remen u̱m guut no̱ m-no̱m kaane̱ o̱ rwo̱'e̱ u̱m to̱mbu̱te̱ Timoti wà re wu̱ me̱ m-co̱n à. Ko-yan-e̱ss u̱t-ma wu̱ u̱n Wan-Ko̱yan. Komo wu̱a baksu̱ no̱ bo̱ me̱ u̱n dor Ye̱so Kiristi à bo̱ me̱ u̱r-yoos n-me̱ u̱n ko̱ ye̱ ke hun-ne̱ ye̱ yan-dor à.

2 Korinti-ne̱ 1:1

Be u̱n de, Burus, mo̱sse̱ u̱n Timoti o̱r na ne̱, ge̱nbe̱ ka taku̱rda-o̱. Shir muute̱ me̱ wan-To̱m Ye̱so Kiristi remen wu̱ co̱no̱g kaane̱. Ha-mo̱ u̱n be-de u̱n yan-dor o̱ Shir ye̱ ro̱ n-me̱ bo̱-o̱ o-Korinti mo̱sse̱ kap u̱n ye̱ ro̱ n-me̱ u̱n dak-o̱ o-Akaya ne̱ à.

2 Korinti-ne̱ 1:19

Remen Wà-wu̱ Shir Ye̱so Kiristi, wu̱, me̱ u̱n Siras ne̱ u̱n Timoti ne̱ ru̱ru̱ no̱ ma-to̱ u̱n wu̱ à, ba ne̱t-wu̱ u̱n “E̱e̱” wu̱ da-o̱ wu̱ ro̱ ma-to̱ u̱n “Ay” á. Amba n-me̱ u̱n wu̱ “E̱e̱” o̱ ho̱-u̱r bi.

2 Korinti-ne̱ 2:12

Da-o̱ u̱m ha bo̱-o̱ o-To̱ruwas à u̱m ko̱'o̱te̱ Ma-to̱ m-Re̱re̱m to̱ ma Kiristi Ye̱so, u̱m 'wo̱ste̱ Wan-Ko̱yan tiksu̱te̱ me̱ ish u̱m nomot se̱nge̱-mo̱ u̱n wu̱ káne̱.

2 Korinti-ne̱ 2:13

Myet u̱n kááne̱ ne̱ hur u̱n de de ru̱t á, remen me̱ hyan o̱r re Titus re̱e̱no̱ á. Remen kaane̱ u̱m ze̱e̱ru̱ ye̱ se̱ ho̱-u̱r ho̱r-de, u̱m argu̱ru̱ ha-mo̱ o-Makidoniya.

2 Korinti-ne̱ 8:23

Baks no̱ u̱nze Titus, ko-nay-wu̱ m-se̱nge̱ wu̱, me̱ u̱n wu̱ ne̱ te̱ u̱n ka se̱nge̱-mo̱ rem no̱. Ka ye̱ no̱ hyane̱ mo̱sse̱ u̱n wu̱ ne̱ à, yan-dor ye̱ Shir ye̱ to̱mbu̱ ye̱, se̱nge̱-mo̱ u̱n ye̱ ro̱ m-hante̱ m-se̱ps be-u̱r Kiristi.

Piripi-ne̱ 1:25

U̱m nepse̱ jiishte̱ u̱r-bon rem no̱ me̱ ro̱ u̱n ho̱o̱g ne̱, man she'et u̱n no̱ ne̱, a doto no̱ ha co, komo no̱ no̱m o-zak, no̱ she̱r be-de Shir,

Korosiya-ne̱ 1:1

Me̱ Burus, me̱ ge̱nbe̱ ka taku̱rda-o̱. Me̱ wan-To̱m Ye̱so Kiristi wu̱, remen Shir daagu̱ me̱ u̱m waragté̱ ko-yan-To̱m Ye̱so. Me̱ kane̱ u̱n o̱r na ne̱ Timoti ko-yan-dor.

Korosiya-ne̱ 1:7

E̱paparas wu̱ yoosu̱ no̱ ka ma-to̱. Wu̱ ro̱ m-nome̱ u̱n Kiristi m-gu̱w, komo te̱ wu̱ m-co̱n. Wu̱ nomote̱ Wan-Ko̱yan m-gu̱w u̱n e̱ss u̱t-ma. U̱n su̱ge̱ u̱n te̱, wu̱ nomte̱ kaane̱.

Korosiya-ne̱ 4:12

Komo E̱paparas, ko-yan-bo̱-o no̱ ro̱ no̱ m-gas. Wu̱ ko-yan-gu̱w-m Kiristi Ye̱so wu̱. Wu̱ ro̱ u̱s-ko̱n be-de Shir de̱e̱n ko̱ o̱ ke da-o̱ rem no̱, u̱ntu̱n ne̱t-wu̱ wu̱ ro̱ u̱t-mu̱r à. Wu̱ ro̱ u̱s-ko̱n bo̱ no̱ he m-ha co no̱ es cak u̱n be̱e̱b-de o-Ku̱kt à, komo no̱ nom yo Shir co̱ne̱ no̱ nom à.

Korosiya-ne̱ 4:9

Wu̱ ro̱be̱ mo̱sse̱ u̱n One̱simus ne̱. One̱simus o̱r na wu̱ ko-yan-dor komo, ko-yan-e̱ss u̱t-ma ko-yan-bo̱-o no̱ wu̱, te̱ m-was u̱n wu̱ ne̱. Yoor-mo̱ u̱n ye̱ a ru̱ru̱ no̱ ko̱yan yo ko̱ru̱ te̱ kàne̱ à.

1 Tasaronika-ne̱ 3:13

Te̱ ko̱no̱g u̱nze, Wan-Ko̱yan na Ye̱so wu̱ do rem no̱ u̱r-be̱e̱b, no̱ waragté̱ ba u̱r-ba'as komo ba m-ku̱ko̱p n-co o̱ Shir wu̱ ro̱, Tato na à da-o̱ Wan-Ko̱yan na Ye̱so he m-mu̱u̱n mo̱sse̱ u̱n yan-dor ye̱ u̱n wu̱ ne̱ kap à.

1 Tasaronika-ne̱ 3:5

Remen kaane̱, bo̱ me̱ hokse̱ 'mo̱ u̱r-hur á, o̱ hante̱ u̱m to̱mbu̱te̱ Timoti remen u̱m ho̱gu̱té̱ ma-to̱ u̱n she̱r-m no̱. U̱m ro o-gye̱r ka wa-u̱t-meger-wu̱, be'esse̱ wu̱ raks no̱, komo se̱nge̱-mo̱ te̱ no̱me̱ be u̱n no̱ à mo̱ warag hwaa.

2 Tasaronika-ne̱ 2:17

Komo te̱ u̱n ko̱n-se Shir u̱nze wu̱ 'ye no̱ jaab komo wu̱ dowe̱ rwu̱n-u̱s no̱ m-'wo̱ns, n-me̱ u̱n ko̱ mo̱ ke se̱nge̱-mo̱, mo̱ m-nom m-ce̱p ne̱ à.