1 Bitrus 5:6 - Mɑ‑to̱ Shir Taku̱rda-o swo̱r o-nu pu̱-o̱

⁶ Gwe̱re̱gse̱ no̱ hi u̱n no̱ u̱n ku̱s-o̱ u̱n caari-to̱ u̱t-kom to̱ u̱r-be̱e̱b to̱ Shir, remen da-o wo̱ wo'e̱ wu̱a 'ye no̱ m-se̱k u̱n co.

1 Bitrus 5:6 ပူးပေါင်းရင်းမြစ်များ

Matiyos 23:12

Kap wu̱ hwo̱ hi u̱n de u̱n wu̱ be-u̱r kashi à, Shir a mus wu̱ hwaa. Amba kap wu̱ musse̱ hi u̱n de u̱n wu̱ hwaa à, Shir a 'ye wu̱ m-se̱k.”

Ruka 1:52

Wu̱ doste̱ caari-ye̱ u̱n gwo̱mo-ne̱ u̱n comos-to̱ u̱n ye̱, wu̱ jaksu̱ru̱ ye̱ ro̱ re̱k-ye̱ à.

Ruka 14:11

Remen kaane̱, co̱w-o o-gaan yo u̱n wu̱ deete̱ hi u̱n de u̱n wu̱ n-to̱n ne̱ à, Shir a kergu̱nte̱ wu̱ n-dak. Komo wu̱ e̱sse̱ hi u̱n de u̱n wu̱ n-dak à, Shir a deet wu̱ n-to̱n.”

Ruka 18:14

Ye̱so ze̱e̱ru̱ ye̱, “Me̱ no̱ m-ru̱re̱, ko-yan-go̱ks u̱n tar, waragte̱ o-hur hond hond be-de Shir, amba ko-Parisa-wu̱ warag o-hur hond hond á. Remen kap ye̱ jakse̱ hi u̱n de u̱n ye̱ n-to̱n à, Shir à he̱nte̱ ye̱ n-dak, komo kap bo̱ u̱n ye̱ he̱nte̱ hi u̱n de u̱n ye̱ dak dak à, Shir a jaks ye̱ n-to̱n.”

Roma-ne̱ 5:6

A hoks m-gu hi u̱n na á. Bo̱ da-o̱ Shir e̱sse̱ no̱me̱ à, Kiristi marag remen ba'as-u̱t na.

1 Korinti-ne̱ 10:22

¿Ko̱ de̱ su̱gu̱m-yo atte̱ Wan-Ko̱yan Wu̱ ho̱gu̱te̱ u̱r-shoob bo̱ Isra-ne̱ no̱me̱? ¿A u̱n arag wu̱ m-'wo̱ns o̱?

1 Timoti 2:6

Ye̱so ya'aste̱ hi u̱n de u̱n wu̱ har be-de m-mar, remen wu̱ rurut na kap. Ma-to̱ u̱n mar-m Kiristi, Shir ya'ag na m-mo̱ka o-da o̱ m-ru̱re̱ hun-ne̱ ka ma-to̱ u̱nze Shir co̱no̱g ko̱ wu̱ ke ne̱t-wu̱ kum gwu̱.

Titus 1:3

Da-o̱ Shir hyane̱ no̱mo̱g hond hond à, Shir rwo̱'o̱g hun-ne̱ ye̱ nep Ma-to̱ u̱n wu̱, be-de u̱n se̱nge̱-m re mo̱ u̱n ko̱'o̱t u̱n Ma-to̱ m-Re̱re̱m. Shir Wan-Gwu̱ na ya'asu̱ me̱ ka se̱nge̱-mo̱.

Yakubu 4:10

Gwe̱re̱ksu̱ no̱ u̱r-hi be-de u̱n Wan-Ko̱yan, wu̱ ne̱ komo wu̱a deet no̱ n-to̱n.

Yakubu 4:7

Remen kaane̱, she'et no̱ u̱n ku̱s-o̱ Shir no̱ nome̱ wu̱ o-do̱ro̱tte̱. No̱ yage̱ ko-Gwo̱mo-wu̱ u̱n ya-u̱t-ko̱t, wu̱ ne̱ wu̱a som no̱.

Yakubu 5:10

O̱r re ne̱, do̱ru̱ no̱ bu̱-yo yan-rwo̱r u̱n Ma-to̱ Shir. Ye̱ no̱me̱ u̱t-ma u̱n jin-u̱r Wan-Ko̱yan à, ye̱ swo̱o̱g u̱r-ko̱o̱b remen de komo ye̱ du̱ngu̱ne̱. No̱m no̱ u̱ntu̱n ye̱.