1 Bitrus 5:2 - Mɑ‑to̱ Shir Taku̱rda-o swo̱r o-nu pu̱-o̱

² Warag no̱ yan-gu̱t-de u̱n kur-o̱ Shir bo̱bsu̱ no̱ à. No̱ nom m-gu̱w u̱ntu̱n ya-u̱r-gu̱t ba ye̱ a gakte̱ á, amba u̱n co̱n-mo̱ u̱t-me̱n, bo̱ Shir co̱ne̱ no̱ warag à. No̱m no̱ kaane̱ ba remen go̱p-de u̱n hwo̱r á amba u̱n co̱n-mo̱ u̱t-me̱n.

1 Bitrus 5:2 ပူးပေါင်းရင်းမြစ်များ

Ruka 12:32

“No̱ ho̱ge̱ o-gye̱r á, no̱ kur-de u̱n ca re, amba myet u̱n kaane̱ ne̱ no̱ ho̱ge̱ o-gye̱r á. Tato no̱ ro̱ o-zak, wu̱ ye'et no̱ gwo̱mo-to̱ u̱n wu̱.

Se̱nge̱-mo̱ 20:29

“U̱m nepste̱ me̱ aragse̱, ye̱ ken yan-yoos-de u̱t-bo̱ ye̱, ye̱a co̱wo̱n be u̱n no̱. Ye̱ ro̱ u̱ntu̱n ye̱ge̱-dur, ye̱ co̱ne̱ m-ho̱ kur-o̱ u̱n ca à.

Se̱nge̱-mo̱ 21:13

Burus shasu̱ru̱, “¿Ya no̱tte̱ m-no̱m kaane̱? ¿Ya rwo̱'e̱ no̱ u̱s-'wo̱n no̱ttu̱ me̱ u̱n naas u̱r-hur? Ai, zo̱ngse̱ u̱m ro̱ yanze ma a ke'et me̱ cot á, har ma a hoot me̱ o-Urusharima remen jin-u̱r Wan-Ko̱yan Ye̱so.”

Roma-ne̱ 1:15

O̱ rwo̱'e̱ u̱m ro cu̱nte̱ m-ko̱'o̱tu̱ no̱ Ma-to̱ m-Re̱re̱m no̱ yan-bo̱-o̱ o-Roma.

1 Korinti-ne̱ 9:7

¿Wan wu̱ ne̱ he gu̱w-mo̱ u̱t-karma, ká da-de ne̱ wu̱ waragte̱ re̱e̱gte̱ u̱n hi u̱n de u̱n wu̱? Ka ye̱ go o-kat à, ro̱ m-re̱ u̱n hyo-ye̱ ye̱ go à da-o̱ ka hyo-ye̱ nene̱. Ka ye̱ ro̱ gu̱t-de u̱n ca à, ro̱ m-swo̱ m-yo̱w mo̱ u̱n ka ca-ye̱.

1 Timoti 3:3

Ba ko-wa-m-swo̱ á, Wu̱ ro̱ u̱n hoob-o̱ u̱t-ma á, Amba yan-gwe̱gwe̱r-mo̱ u̱r-hi, Wu̱ ro̱ u̱t-ween á, Wu̱ ro̱tte̱ yish-ye̱ u̱n hwo̱r á,

1 Timoti 3:8

Yan-m-se̱nge̱ be-de yan-dor u̱n ce u̱n ye̱, kaane̱ she'et-de u̱n ye̱ he m-ma'as: Ye̱ hokse̱ garamse̱ u̱n hi u̱n de u̱n ye̱ à. Ye̱ warag yan-ma-u̱t gaan. Ye̱ ro̱ m-swo̱ á. Ye̱ ro̱tte̱ su̱u̱b-o̱ u̱n hwo̱r á.

Titus 1:11

Taase no̱ 'ye go̱n ka hun-ne̱ ye̱ u̱r-ke̱e̱r de u̱r-yoos á. Yan no̱ ye̱, remen ye̱ ro̱ u̱n yoos-de yo depe̱ ye̱ yoos á, ye̱ ro̱ naas u̱n she̱r-mo̱ u̱n hur-to̱ u̱n hun-ne̱ de̱e̱n. Ye̱ ro̱ u̱n ka yoos-de u̱t-bo̱ to̱ remen ye̱ kumut hwo̱r be-de u̱n hun-ne̱.

Titus 1:7

Taase hun-ne̱ kum rii-yo o-yo'og be-de u̱n wu̱ á. (Remen ko-wan-gu̱t-de u̱n yan-dor Ye̱so, wu̱ ro̱ m-rwo̱ u̱n yish be-de u̱n se̱nge̱-mo̱ Shir.) Taase wu̱ nome̱ o̱r u̱n wu̱ ne̱ u̱s-se̱s, Wu̱ ro̱tte̱ ho̱r-mo̱ u̱s-ryaab á, Wu̱ ro̱ u̱n yage̱ swo̱-mo̱ ho wu̱ á. Wu̱ ro̱ u̱n hoob-o̱ u̱t-ma á. Wu̱ ro̱ o-su̱u̱b remen hwo̱r á.

Titus 2:14

Ye̱so ya'aste̱ hi u̱n de u̱n wu̱ har m-mar rem na. Wu̱ u̱n no̱m kaane̱, remen wu̱ rurut na be-de u̱n be̱e̱b-de u̱r-ba'as, komo remen wu̱ soksté̱ ba'as-u̱t na. Wu̱ u̱n no̱m kaane̱ bo̱ a he m-warag kashi u̱n hun-ne̱ ye̱ u̱n Shir à, komo bo̱ a he m-warag hun-ne̱ yan-go̱p-de u̱n no̱m u̱n rem-se u̱r-bon be-de Shir.

Titus 3:1

Titus, se̱nge̱ bakse̱ u̱n yan-dor Ye̱so ye̱ nome̱ ye̱ ro̱ u̱t-gwo̱mo à u̱n se̱k-ye̱ ne̱ o-do̱ro̱tte̱. O baksu̱ ye̱ komo, ye̱ ma'as zo̱ngse̱ remen ye̱ nomote̱ o̱r u̱n ye̱ ne̱ rem-se u̱r-bon.

Pirimo̱n 1:14

Kap u̱n kaane̱ ne̱, me̱ co̱n u̱m ru̱ wo̱ no̱m u̱n yo ken rii-yo ba wo̱ u̱n co̱n á. Amba man cu̱n o nom yo u̱n co̱n-m ru ba m-gakte̱.

Yahuda-ne̱ 12:15

War no̱, taase wu̱ ken wu̱ taage̱ kum u̱n yar-mo̱ Shir mo̱ wu̱ he na m-'ya à. Taase no̱ yage̱ wu̱ she̱re̱ be-de Shir á wu̱ co̱wo̱n be-u̱r no̱ wu̱ naas ye̱ ken ye̱ de̱e̱n.

2 Bitrus 2:3

Ya-o-su̱u̱b ye̱ ka ya-u̱r-yoos-ye̱. Ye̱a raks no̱ be-de u̱n ru̱re̱ u̱n no̱ u̱t-zwo̱m to̱ ye̱ cekre̱ à, remen ye̱ kumut rii ko̱ hwo̱r be u̱n no̱. Amba re̱ n-ga, Shir e̱ssu̱su̱te̱ wu̱a piishe̱ ye̱ u̱t-ma. Komo Shir ro̱ zo̱ngse̱ wu̱ nomot kaane̱. Komo wu̱a sabu̱rse̱ ye̱.