1 Bitrus 5:10 - Mɑ‑to̱ Shir Taku̱rda-o swo̱r o-nu pu̱-o̱

¹⁰ Shir guug na u̱n ko̱ yo ke bu̱-yo. Wu̱ daagu̱ na remen wu̱ wongté̱ se̱ps-mo̱ u̱n wu̱ u̱n na ne̱. Ka se̱ps-mo̱ ro̱ m-she'et ba m-ta. Wu̱a wong-mo̱ u̱n na ne̱ remen a do̱ru̱te̱ Ye̱so Kiristi. No̱ su̱ u̱r-ko̱o̱b m-mo̱ka, amba u̱jime̱ o-da hiin, Shir a muut no̱ hond hond, wu̱ she̱r no̱ komo wu̱ tor no̱ u̱r-be̱e̱b ne̱.

1 Bitrus 5:10 ပူးပေါင်းရင်းမြစ်များ

Ruka 22:32

Amba u̱m ko̱no̱g rem ru, bo̱ wo̱a tuku me̱ o-cin á. Komo o she̱r be u̱n de, o ru̱ o̱r ru ne̱ jaab-o̱ u̱t-me̱n.”

Roma-ne̱ 15:13

Me̱ u̱s-ko̱n, Shir wu̱ ro̱ 'ya o-sakto̱ à, wu̱ ye'et no̱ o-zak u̱n gwu̱gwu̱-mo̱ u̱r-hur ne̱, no̱ ye̱ ro̱ m-she̱r u̱n wu̱ à. Da-o̱ Shir no̱me̱ kaane̱, sakto̱-o no̱ he m-bo̱'o̱se̱ u̱n be̱e̱b-de u̱n Ku̱kt-o̱ Shir.

Roma-ne̱ 15:5

Me̱n ko̱n-se Shir wu̱ ro̱ m-'ya u̱n 'mo̱ u̱r-hur u̱n jaab-o̱ u̱t-me̱n ne̱ à, remen no̱ she'etté̱ be-u̱r gaan u̱n barag-u̱s gaan ne̱, bo̱ depe̱ hun-ne̱ she'et ye̱ do̱re̱ bu̱-o Kiristi Ye̱so à.

Roma-ne̱ 16:25

Yage̱ a ye'et Shir m-se̱ps! Wu̱ ro̱ u̱r-be̱e̱b ne̱ de no̱ hette̱ m-e̱s eso n-te̱ m-she̱r à, remen ka Ma-to̱ m-Re̱re̱m to̱ me̱ m-ko̱'o̱t à, to̱ ma Ye̱so Kiristi. Ka Ma-to̱ m-Re̱re̱m to̱ a u̱n wuke̱ to̱ cin n-ga.

Roma-ne̱ 9:11

Amba rii-yo a met ka pe̱se̱-ne̱ ye̱, Shir ru̱ssu̱te̱ Rebe̱ka u̱nze, “Se̱k-wu̱ a no̱me̱ wà m-gu̱w.” Kaane̱ to̱ no̱me̱ rii-yo ye̱ nomot rii-yo u̱r-bon ko̱ yo u̱n ba u̱r-bon. Shir u̱n ze̱e̱ kaane̱ a nept wu̱ ro̱ u̱n daag u̱n ne̱t bo̱ wu̱ co̱ne̱ à yanze remen se̱nge̱-mo̱ u̱n ne̱t á.

Roma-ne̱ 9:24

Na ye̱ Shir aage̱ à, yanze be-de u̱n Yahuda-ne̱ cot á, amba myet u̱n ye̱ ro̱ Yahuda-ne̱ á.

1 Korinti-ne̱ 1:10

M-mo̱ka o̱r re ne̱, yan-dor, Wan-Ko̱yan na Ye̱so Kiristi, ya'ag me̱ gwo̱mo-to̱ u̱n nom u̱t-ma. Remen kaane̱, u̱m co̱no̱g no̱ ho̱gu̱ me̱ m-mo̱ka. U̱m ko̱no̱g no̱ no̱ warag kang-o gaan. Me̱ co̱n no̱ wonge̱ be-u̱t-be á. U̱m ko̱no̱g no̱, she'et no̱ be-u̱r gaan u̱n o̱r no̱ ne̱ barag-u̱s gaan u̱n yo no̱ he m-nom ne̱ à gaan.

1 Korinti-ne̱ 1:9

Shir u̱n daag no̱. No̱ gemet u̱r-hi u̱n Wà u̱n wu̱ ne̱, Wan-Ko̱yan na Ye̱so Kiristi. Komo Shir ro̱ m-shoos u̱n yo wu̱ rwo̱re̱ à.

2 Korinti-ne̱ 13:11

O̱r re ne̱, bo̱ u̱m komoste̱ kà taku̱rda-o̱, no̱m no̱ o-zak! No̱m no̱ bo̱ u̱n nom-m no̱, no̱ she'ete̱ shiishe̱. Doo no̱ o̱r no̱ ne̱ jaab-o̱ u̱t-me̱n, komo she'et be-u̱r gaan u̱n ye̱ ne̱. U̱rege̱ no̱ no̱m kaane̱, ka Shir-o̱ o̱ ya'as no̱ m-was, u̱n gwu̱gwu̱-mo̱ u̱r-hur ne̱ à, wu̱ no̱m mo̱sse̱ u̱n no̱ ne̱.

2 Korinti-ne̱ 4:17

Remen ka ko̱o̱b-de a m-swo̱ m-mo̱ka à, dea go̱s á. Dea heet na be-de m-se̱ps mo̱ u̱n ba m-ta. Mo̱ arage̱ nap-o̱ u̱n ne̱t à.

Piripi-ne̱ 4:13

Man hoks m-no̱m u̱n ko̱ yo ke rii-yo, remen Kiristi, ya'ag me̱ u̱r-be̱e̱b.

Korosiya-ne̱ 2:7

She̱r no̱ geer-u̱s no̱ n-me̱ u̱n Kiristi, komo no̱ se̱nge̱ m-do̱ be-de u̱n nap-se u̱n wu̱. Komo se̱ngu̱ no̱ m-she̱r u̱r-be̱e̱b ne̱ be-de u̱n yo hun-ne̱ yoosu̱ no̱ à mo̱sse̱ u̱n Kiristi ne̱ à. Komo no̱ se̱nge̱ bo̱ngo̱n-de Shir.

1 Tasaronika-ne̱ 2:12

Te̱ nak no̱ u̱t-to̱, te̱ ya'ag no̱ jaab-o̱ u̱t-me̱n, te̱ kon no̱, no̱ she'et she'et-de depe̱ à, de u̱r-bon u̱n co-o̱ Shir, ka wu̱ agu̱ no̱ n-me̱ u̱n gwo̱mo-to̱ u̱n wu̱ u̱n se̱ps-mo̱ u̱n wu̱ ne̱ à.

2 Tasaronika-ne̱ 2:14

Wu̱ u̱n agan no̱ u̱n bu̱-yo u̱n ka Ma-to̱ m-Re̱re̱m to̱, to̱ te̱ ya'u̱ no̱ à, remen no̱ kumut se̱ps-m Wan-Ko̱yan na Ye̱so Kiristi.

2 Tasaronika-ne̱ 2:17

Komo te̱ u̱n ko̱n-se Shir u̱nze wu̱ 'ye no̱ jaab komo wu̱ dowe̱ rwu̱n-u̱s no̱ m-'wo̱ns, n-me̱ u̱n ko̱ mo̱ ke se̱nge̱-mo̱, mo̱ m-nom m-ce̱p ne̱ à.

2 Tasaronika-ne̱ 3:3

Amba Wan-Ko̱yan wu̱ ro̱ ko-yan-e̱ss u̱t-ma, wu̱a dowe̱ rwu̱n-u̱s no̱ u̱r-be̱e̱b, wu̱ 'er no̱ be-de u̱n ka wan-me̱n-u̱t jaas-to̱ wu̱.

1 Timoti 6:12

Bo̱ wa-u̱t-mu̱r ro̱ m-rwo̱ u̱n be̱e̱b-de u̱n wu̱ da-o̱ m-sha u̱t-mu̱r à, ma'as m-she̱r be-de Shir komo o nome̱ wu̱ o-do̱ro̱tte̱ hur-u̱r gaan. Bo̱p kom-u̱t yoor ka 'yons-de u̱n ho̱o̱g o̱ ba m-ta o̱. Baks u̱nze Shir co̱no̱g o she'et u̱n wu̱ ne̱ har da-o̱ ba m-ta. Komo baks u̱nze o rwo̱ro̱g ka ma-to̱ be-de u̱n hun-ne̱ de̱e̱n ye̱ ho̱gu̱tu̱ wo̱.

2 Timoti 1:9

Shir guug na, wu̱ bandu̱ na, a she'etté̱ she'et-de u̱n ba m-ku̱ko̱p. Wu̱ u̱n band na, yanze remen se̱nge̱-mo̱ u̱r-bon mo̱ a m-no̱m á. Amba wu̱ u̱n band na, remen wu̱ u̱n hi u̱n de u̱n wu̱ zo̱ngsu̱te̱ wu̱ nomot kaane̱, komo remen wu̱ kututu̱ na yar-mo̱ Shir u̱n ka bu̱-yo. Rii-yo Shir nomot ho̱no o-dak, wu̱ kututu̱ na yar-mo̱ u̱n wu̱, u̱n bu̱-yo u̱n to̱m u̱n Kiristi Ye̱so u̱n ka dak-o̱.

2 Timoti 2:10

Remen kaane̱, u̱m no̱mo̱g u̱r-jo̱o̱se̱ u̱n swo̱ u̱r-ko̱o̱b u̱n ko̱ yo ke rii-yo. U̱m ko̱'o̱te̱ ka ma-to̱, remen hun-ne̱ ye̱ Shir daage̱ à. Remen ye̱, u̱n ce u̱n ye̱, ye̱ kumut gwu̱ o̱ a m-kum be-u̱r Kiristi Ye̱so à, komo ye̱ cu̱w be-de u̱n ka se̱ps-mo̱ u̱n ba m-ta mo̱.

Yahuda-ne̱ 9:15

Remen kaane̱, Ye̱so ro̱ wan-hongse̱ u̱n hun-ne̱ u̱n Shir ne̱ be-de u̱n e̱ss u̱t-ma to̱ Shir swo̱re̱ o-nu u̱n hun-ne̱ ne̱ o-pu̱ o̱ à. M-mo̱ka ye̱ ka ye̱ Shir aage̱ à, ye̱a kum cim-yo ba m-ta, yo Shir nomu̱ ye̱ u̱t-ma à. Remen Ye̱so marag wu̱ rurut ye̱ be-de u̱n swo̱ u̱r-ko̱o̱b de u̱n ba'as-to̱ ye̱ no̱me̱ u̱n e̱ss u̱t-ma to̱ u̱r-takan à.

1 Bitrus 1:15

Amba bo̱ ká wu̱ agu̱ no̱ ro̱ ba m-ku̱ko̱p à, ma'as no̱ ba m-ku̱ko̱p n-me̱ u̱n ko̱yan yo no̱ m-no̱m à.

1 Bitrus 4:10

Shir ya'ag ko̱ wu̱ ke wan-dor wu̱ m-yar, u̱nze ne̱t-wu̱ hoks m-no̱m yo ken rii-yo remen wu̱ guut yan-dor. Shir ya'ag ká yar-mo̱, remen kaane̱ a mu̱re̱ no̱ ká yar-mo̱ u̱n co̱w-yo depe̱ à.

1 Bitrus 4:11

U̱rege̱ wu̱ ken wu̱ ro̱ u̱t-ma, se̱ wu̱ nom u̱ntu̱n wu̱ ro̱ m-rwo̱r u̱n Ma-to̱ Shir à. U̱rege̱ a ya'ag wu̱ ken yar-mo̱ u̱n gu u̱n hun-ne̱, se̱ wu̱ nom u̱n be̱e̱b-de Shir ya'u̱ wu̱ à. Remen u̱n ko̱ yo ke rii-yo Shir a kum u̱r-bo̱ngo̱n rem Ye̱so Kiristi. Me̱ u̱s-ko̱n hun-ne̱ a 'ye Shir m-se̱ps, u̱t-gwo̱mo ne̱, ba m-ta. Amin.

2 Bitrus 1:3

Be̱e̱b-de u̱n wu̱ de n-To̱n shir ya'ag na ko̱yan yo a o-hoob remen ho̱o̱g-m na u̱n so̱k-mo̱ u̱n wu̱ ne̱ be-de u̱n nap-se a napu̱ wu̱ à. Wu̱ agu̱ na u̱n se̱ps-mo̱ u̱n bon-de u̱n wu̱ ne̱.

1 Yohana 2:25

Ye̱so swo̱ro̱g o-nu, wu̱a 'ye na ho̱o̱g-o̱ u̱n ba m-ta.

Yahudas 1:24

U̱r-bo̱ngo̱n be-de wu̱ ro̱ u̱r-be̱e̱b ne̱ wu̱ wenet no̱ m-he̱ à. Wu̱ komo he no̱ m-heet be-de u̱n wu̱ de jiishe̱ u̱r-bon à ba u̱r-ba'as, se̱ o-zak.