1 Bitrus 4:9 - Mɑ‑to̱ Shir Taku̱rda-o swo̱r o-nu pu̱-o̱

⁹ No̱ barke̱ hun-ne̱ u̱n hur-u̱t no̱ ba u̱s-hwu̱mu̱g.

1 Bitrus 4:9 ပူးပေါင်းရင်းမြစ်များ

Roma-ne̱ 12:13

Wong no̱ yo no̱tte̱ à u̱n hun-ne̱ ye̱ Shir ne̱ ye̱ ro̱ o-hoob à. No̱ se̱nge̱ barke̱ u̱n hamat-ne̱ hur-u̱r gaan.

Roma-ne̱ 16:23

Gayas ro̱ no̱ m-gas. Wu̱ barku̱tu̱ me̱ u̱n hur-o̱ u̱n wu̱, komo yan-dor Ye̱so ro̱ u̱r-mo̱ro̱g u̱n hur-o̱ u̱n wu̱. Erastus, wan-e̱ss-de u̱n hwo̱r u̱n kà bo̱-o̱, u̱n o̱r na Kwartus ne̱ ro̱ no̱ m-gas.

2 Korinti-ne̱ 9:7

Ko wu̱ ke ne̱t-wu̱, wu̱ ya'as bo̱ wu̱ e̱sse̱ u̱n hur-de u̱n wu̱ à, ba mo̱sse̱ u̱n naase̱-mo̱ u̱t-me̱n ne̱ á, ko̱ wu̱ a gakte̱ à. Me̱ u̱n ze̱e̱ kaane̱ remen Shir ro̱ m-co̱n u̱n wa-m-ya'as u̱r-hur sak.

Piripi-ne̱ 2:14

No̱m no̱ ko̱ yo ke rii-yo ba u̱s-cenene, ko su̱ne̱-mo̱ u̱t-ma.

1 Timoti 3:2

Remen kaane̱, myet ne̱t-wu̱ co̱ne̱ wan-gu̱t-de u̱n yan-dor Ye̱so à, kaane̱ she'et-de u̱n wu̱ he m-ma'as: U̱ntaase a kum gom-de u̱r-re̱e̱b be-de u̱n wu̱, Wu̱ e̱se̱ be-de u̱n ne'a u̱n wu̱ cot à, Wu̱ hokse̱ garamse̱ u̱n hi u̱n de u̱n wu̱ à, Wan-barag-se u̱r-bon, Hun-ne̱ ya'as wu̱ u̱t-go̱s, remen wu̱ she'ette̱ u̱r-bon ne̱, Wa-m-was u̱n hamat-ne̱ ne̱ n-me̱ u̱n hur-o̱ u̱n wu̱, Wu̱ he m-hoks u̱r-yoos à,

Titus 1:8

Amba wu̱ ma'as ko-wan-go̱ks u̱n hamat-ne̱ u̱r-bon ne̱. Wu̱ ro̱ u̱n ho̱ge̱ u̱n zak-o̱ u̱n nom u̱n rii-yo u̱r-bon à. Wan-barag-se u̱r-bon. Wu̱ ro̱ u̱n no̱m u̱n kashi u̱n rii-yo depe̱ à. Wan-ba-m-ku̱ko̱p u̱n ku̱ko̱p-mo̱ u̱r-hur. Wan-hoks u̱n garamse̱ u̱n hi u̱n de u̱n wu̱.

Pirimo̱n 1:14

Kap u̱n kaane̱ ne̱, me̱ co̱n u̱m ru̱ wo̱ no̱m u̱n yo ken rii-yo ba wo̱ u̱n co̱n á. Amba man cu̱n o nom yo u̱n co̱n-m ru ba m-gakte̱.

Yahuda-ne̱ 13:16

Taase to̱-to̱ ke no̱ u̱n gu u̱n o̱r no̱ ne̱ ne̱, no̱ wo̱ng rem-se no̱ kume̱ à. Ka se̱nge̱-mo̱ mo̱ waragte̱ u̱r-seke̱ komo de Shir ho̱ge̱ re̱re̱m-mo̱ u̱n de à.

Yahuda-ne̱ 13:2

Barku̱ no̱ hamat-ne̱ u̱n hur-u̱t no̱. Be-to̱ u̱n no̱m-mo̱ u̱n kaane̱, ye̱ ken ye̱ barke̱ yan-to̱m-ye̱ Shir u̱n hur-to̱ u̱n ye̱ ba ye̱ u̱n nap.

Yakubu 5:9

O̱r re ne̱, yagu̱ no̱ nome̱ u̱n o̱r no̱ ne̱ u̱s-hwu̱mu̱g. Taase Wan-Ko̱yan piishi no̱ u̱t-ma. Remen ko-yan-Piish u̱t-ma nomsu̱nte̱ yow yow m-mu̱u̱n ne̱, har wu̱ ro̱ ma u̱n ish!